#اوهام الحب

بارت 25

#بقلم
#ايزابيل
《اوهام الحب 》
..
ســـالـــت الــمــوت
هـل يـوجـد شـيء اقـوى مـنـك؟
فــاجـابـنـي بــهــدوء ""نــعــم""
فــراق شـخـص تـشـتـاق لــه
كـل دقــيــقــه💔
..
كعدت على التخم واحس رجليه
بادت لزمت وجهي وكلت ..: جدي صدك تحجي خوفتني وعبالنه صار شيء احد مات تالي طلع علي مطلك مرته هههه والله ياجدي سالفتك اضحك ..

جاوبني وهو ضايج
_ولج جدي قهرني هالوليد ماتهنه بحياته بعده ماطالعه سنويت زواجه وطلك ..

كتله بستهزاء
_وشعلينه بي يتزوج يطلك صدك جذب قاهر روحك جي علي طلك ..

دك على رجله
_ولج جدي يخابرني يكلي متبهذل بالمحاكم يريد ياخذ حضانه الطفل وامه معانده ..

_هو ابنه شكد عمره ،،

_يابويه موش جبيره عمره يادوب اشهر ،،

سحبت نفس وزفرته
عفته ورحت الحجرتي فطومه
نايمه كعدت يم راسهه على الجربايه

ومشيت اصابيعي على خدهه تذكرت
لمن علي اجه يطالب بيهه دموعي نزلت
وكعت هلى خدهه وبللته ..

شهكت بالبجي حطيت راسي بركبتهه
وشبكتهه بجيت وصرخت :ليش هي يايمه ليش هيج انه وياج الدهر معاكسنه ليش انتي نكتب عليج تعيشين يتيمه وابوج عايش انه وياج بذرتين بزهره وحده زهره تعبانه ذبلانه ومكسوره اي يا امي كسرني وحطمني جرح مشاعري ولعب على عقلي وهمي بي وعافني وراح ولحد ذاك اليوم هو يجذب ويوهمني برجعته مره ثانيه ...وشراح اشوف من قهر والم بعد مو كافي نحرمت من اهلي قبل ماشوفهم مو كافي تلوعت بنار الحب ووهم اي وهم ماله صحه حبه الي ووهم ،،،

حسيتهه نزعجت لان راسي بركبتهه
ابتعدت عنهه جريت نفس ومسحت ادموعي
ببطن ايدي ..بستهه بخدهه وغطيتهه زين ..

مر اليوم عادي ثاني يوم كعدت من
الصبح شغل وتنضيف الي العمر يخلص
وهو مايخلص الضهريه طلعت من الحجره ..
كعدت اوكل فطومه بسكت وجاي ..

اجت سهاد تخصرت وخلت ايدهه على
خصرهه وتهز بنفسهه ،،،

_س ...ماتبتي انتي راح ادم وهسه كمتي تفترين على فهد شوفي ولج وحك هو ابن ابي طالب عندي استعداد انصبج تمثال بالحديقه واصلخ جلدج صلخ بالصونده ..

الدموع تجمعت بعيوني ماعرفت
شكول وشحجي كالت :فوك ماملفينج بيتنه ونترس بطنج من تعب رجولتنه تجازينه هيج تف عليج وعلى الرباج يا ادبسزز ..

ماتحملت تغلط عليه هيج وعلى اهلي
شمرت جيس البسكت وكمت ..
_تره صارلي ساعه ساكتتلج واكول ااخذهه على كد عقلهه مادام واثقه من نفسي مايحتاج ابرر بس انتي شكلج تحبين الي يهينج ويمسح بيج الكاع ..

ضحكت ضحكه مستفزه وكالت
_يمه طلع الساااااان ي هيج وبيني وجهج الضامته من البدايه عليمن مسويه نفسج فقره يالك...