#اوهام الحب

بارت 33

#بقلم
#ايزابيل
# الجزء الثاني
《اوهام الحب》
《البارت بدون مراجعه غلسوا والي تغلس الهه هديه 😂》
..
#عندما تبدأ بدايات جديده تذكر
ان لكل نهايه بدايه ..

..
جانت تمشي بكل غرور وتميل بشعرهه
الي ملونه اطرافه بالون الورد ..
على اكتافهه جاكيت من الفرو الابيض
على بنطرون نيلي وبوت طويل لحد الركبه
جوزي انرسمت ابتسامه على شفايفهه الورديه والفرحه بأنت بعيونهه الزرك ..

تقدمت يمهم وكالت
_هلاوو نورت واشنطن ،،

ضحكت وكلت
_الونا ؟ شجابج ؟؟

ضحكت وكالت
_اجيت استقبل صديقي ليش ميصير ؟؟

_هههه لا بس صدمتيني ؟!

_هه كيفك ادم ؟؟

_الحمدالله بخير ؟؟

_حزنت كولش لما سمعت خبر وفاه زوجتك ؟؟

درت على احمد وكلت
_احمد كلج ؟؟

_ليش شو تعرف احمد يخبي شغله ؟؟

ضحكت وكلت
_بعدج تخبطين لبناني و عراقي ،،

_ههههاي يس لانو ماعرف اتكلم عراقي طليق تعرف من اول ماانولدت بأمريكا ،، والفضل يرجع الاحمد علمني كم كلمه ،،

الونا ، صديقتي قبل اول مااجيت درست ماستر بامريكا تعرفت عليهه هي واحمد
احمد من ام واب عراقين بس عايشين هنا
والونا من اب عراقي وام امريكا ،،ابوها استاذ جامعي فساعدتني هواي الهه فضل عليه ..

_متغير ادم شنو صاير بيك ؟؟

_ههههه صاير قرد استرالي مو ؟؟

ضحكت وخلت ايدهه على حلكهه
_ لا لا هههاي بلعكس ااا انتو شنو تكولون لل حلو نسيت ذكرني احمد ،،

كال احمد
_يخبل يفلق ياخي هاي شصاير ولا عرفتك تنفطر الكاع من جمالك اتكهرب على حلاوتك

_يي يي ههههاي ،،

كلت
_احمد صاير قاموسج ؟ ههه

كال احمد
_شسوي يااخي بتليت بلوه ،

الونا
..شنو يعني بلوه ؟؟

كال احمد
_اا داكول ال ادم ليش منروح نتريك ؟؟

_اي صح بلوه كولش جوعانه اني ..

ضربته وكلت
_ لك تنصب على البنيه ..

ضحك وكال
_ههههه شعليه اني ،،

رحنه المطعم نتريك كال احمد
_اااخ كون هسه نتريك يم حميد ابو العمبه لو بكراج العلاوي اخليلي بساط واكعد اكل فد لفتين مشتهي الرمان مال جبار ابو الشربت ...

كالت الونا
_احمد شدتحجي ؟

رفع راسه من الماعون وكال
_كليلي الونا هم مجربه فلافل جبار من تطلع بيهه شعرايه ؟؟