#اوهام الحب

بارت 12

#بقلم
#ايزابيل
《اوهام الحب》

..
متى ينام صوت الحزن بصدريّ، متى يموت وجع قلبي وأحس إنّي بخير؟.

ذبيت الفرشه ودرت عليهه كلت ..
_شبيج تبارك ، مدافتهم عليج شنو عادل راح يكون زوجي ؟؟!

طكتهه ضحكه وكالت ..
_يلهوووووي العروس متعرف منهو العريس وافشلتا ..

كلت بغضب
_تبارك ماداتشاقه وياج اني احجي شنو هالكلان خره ،،

كالتلي رسل
_شبيج فيان غير اليوم العقد مالتج انتي وعادل ؟؟

ذبيت المكياج بالكاع وصرخت
_ ووووووووووولكم شنووووووووو هالمسررررررحيه هااااااااااي فيلم هندددي هووو شنووو عادل ،،،

نفتح الباب ودخلت ماما كالت
_فيان شنو هاذا الصوت ليش تصرخين وبعدين استعجلي تره الولد منتضر ،،

رحت يمهه واني اناشغ بالبجي
_يمه عليج الرسول محمد احجي الصدك ليش تبارك تكول اليوم العقد مالتج انتي وعادل ...

لزمت ايدي وكالت
_شبيج فيان ماما غير انتي وافقتي على عادل بلسانج ،،

احس مثل النمل ساب بجسمي
ريكي يبس لزمت ركبتي التنفس ضاق
عندي شديصير وشنو هالعبه السخيفه هاي
لزمت الكومدي احس نفسي بدوامه
اجيت اتقيئ دموعي تنزل بخبال..

اجت امي ضربت على خدي تحاول
تصحيني بس اني جنت فاصله عن
الدنيا النضر والسمع تشوش عندي
لزمت حافت الكومدي اريد اوازن نفسي ..

بس دخت ووكعت ..

كعدت على اثر صوت التجمعات الفوك
راسي فتحت عيوني ببطئء لزمت راسي
وكلت بهمس : ااخ راسي ..

كل الي جنت اشوفه من حواليه غواش
حسيت على ايد مسحت على راسي ..
عرفته بابا كال ..

_شبيج فيان بابا افتحي عيونج لاتخوفيني عليج ،،،

نشغت ومسحت الدموع المتكدسه
على وجناتي فتحت عيوني كوه رموشي
العلويه جاانت ملتسقه برموشي السفليه
اثر الدموع مسحت عيني وكلت ..

_ بابا راسي يوجعني احسه راح ينفجر ،،،

كرفص كدامي ولزم اديه
_ ياروح ابوج اذا تردين اخذج هسه للمستشفى ،،

رفعت نفسي ونتجيت على التاج
كلت بصوت مبحوح : لا لا مابيه شيء بس عوفوني وحدي ،،

ابتعد بابا وكال : عوفوهه وحدهه

تقرب جدو مسح على كصتي وكال
_ شبيج جدي ليش هيج وكعتي من طولج وفشلتينه جدام الناس واضطرينه نأجل موعد العقد ،،،

كتله بهمس : مابيه شيء بس نزل ضغطي ،،

عافوني وراحوا لميت رجليه
لصدري ونزلت راسي حطيت ايدي على حلكي وصرت ابجي بصراخ وشهكات مكتومه
من منو جان الغلط مني ؟؟ لو من فارس الخدعني ؟؟ وهمني بحبه الي وعافني
اكرررررررررهك اكررررررررهك فااااارس اتمنى اقتلك بيدي ..