#اوهام الحب

بارت 9

#بقلم
# ايزابيل
《واقع حال 》

،،،السلام عليكم ،،،

..
تفصلنا دقائق بسيطه فقط
وحينها سيحدد مصيرنا ؟ وجهتنا
والالم الذي كتب علينا سنعيشه نعم !
ونتذوق مايكفي من مرهه ..
ربما غلطه بسيطه تذهب بنا الي المجهول
تترك يدي وترشدني لطريق الهاويه ؟!
طريق لا عووده منه فقط خط القدر لعبته ..
..
احس طبول براسي الالم
ذبحني حسيت روحي دانازع ..
وفوك كل هاذا الدموع من فاركتني
غصيت بشهكاتي واني اتذكر الصار قبل كم
ساعه ..فركت ايدي رفل وكالت ..

_فيان قلقتيني والله بس فهميني شصاير موش انه صديقتج واختج ليش ما تحجيلي ..

مسحت ادموعي وكلت ..
_ماكو شيء رفل ..بس عفيه اذا صدك تحبيني ماريد اهلي يدرون بشيء لا تكليلهم فيان تخربطت ..

سحبت نفس وكالت :والله مادري شكلج يا فيان سالفتج مو خاليه ..

فزيت على اثر صوت الباب
دخلت يقين تتمايل بمشيتهه وتغني ..

:بحبك انااااااااا يا حبيبي بحبك حسسسسس فييي يا عاشقييييي بحببك اناااا ..

كالت رفل : اول مره اسمع هيج اغنيه منين جبتيهه هاي ؟!

كعدت على الجربابه بصفي وكالت..
:ههه طبعا ما سامعتهه هاي حبيبي الفلياها حصرا الي ..

رفل عوجت حلكاهه وكالت :هجم بيته ذيب البساتين صار شاعر انوب ..لا فلحنه ..

باوعتلي يقين وكالت :شبيج فيانو ؟!

ابتسمت ولزمت طرف الغطه عصرته
بأايدي وكلت ..: سلامتج حبيبي ماكو شيء بس افلاونزه ..،

كلت هيج ورفل باوعتلي ب خزره
وعلامات استغراب ؟! ..

طلعن البنات واني بقيت وحدي
درت وجهي للحايط ودفنت وجهي
بالمخده وصرت ابجي بقوه والم شراح يصير
ياتره عادل شراح يصير بي احس روحي نسلبت مني ؟!

ماحسيت على روحي غير نايمه
ورايحه ب سابع نومه ..

..
رفل

السعاده ؟! جنت اسمع بيهه بس ماضايكه طعمها ولا حاسه بيهه ..من بعد ما دخل ادم
لحياتي صارلها طعم ولون ثاني حسيته هديه من الله وهوبهه الي ..

استغربت من حاله فيان ؟! شصار ووين راحت ليش تخربطت ووكعت كل هاي التسأؤلات جانت ادور ابألي وماجنت الكالها جوواب ..،

اليوم بليل كلش تقريبا ب 1 جنت
كاعده بمكاني المفضل الي هو الشط ..
احسه عالم ثاني مايكتشفه غير الغاطس بي
غاطس بي ك خيال وك فكر ..

حسيت على شخص حوط كتفي
رفعت راسي متفاجأءا صار كبالي ادم
جان واكف ومدنك لازمني من اكتافي ..

باسني بكصتي ولتفت كعد بصفي
وهو مايزال حاضني حطيت راسي على
كتفه وكلت ..

_ادم انه خايفه ..