#بقلم
#ايزابيل
《اوهام الحب》
..
وان اصابت العين برماد عاشقهه
تتذلل لتضاف لقائمه من سهرو اليالي
ومن عدو النجوم من راقبو غياب الشمس
وضهور القمر ليخطو على سطح الضوء
وجه من ارتوا القلب عشقا به ،،
..
ادم اخذ كاريس هوو وامي للمستشفى
لان صارت عندهه ولاده عادل كاله اروم وياك خاف تحتاجون شيء ادم كله تسلم انتو تعبانين اني هسه اخذهه ،،
دخلنه جوه سلمت على بابا وعادل هم سلم
حطيت الجنطه بالكاع بصف التخم ..
وكعدت ضلينه نسولف وكل شويه ندك
على ادم نطمن تقريبا ب 5 العصر خابرنه ادم
كال جابت ولد سألنه على صحتهه كال تمام ..
الصبح اجو كاريس تعبانه وجهه ذبلان
ساندهه ادم ومغطي شعرهه الاشقر بشال
وردي خفيف وماما شايله الطفل والجنطه ..
دخلت كاريس للغرفه وادم ضل يمهه وامي هم ..
اني رحت باركتلهه والاادم هم ورجعت
الغرفتي شفت عادل كاعد على السرير..
باوع عليه وكال ؛؛
_ احم بله بربج فيان ماشفتي الطفل شلون حلو ينكرط والله شنو رئيج نسوي مثله ؟؟
باوعتله بطرف عيني وكلت
_شكرا ماعايزه دوخه ،،
جنت واكفه على ميز المرايه
حسيت بأاديه تلمني بحضنه كال بهمس
_دوختيج بالله بس لا قصدج عليه مدوخج ؟؟
كل بملل
_لا مو انتَ دايخه من نفسي ،،
ابتعدت عنه رجع جرني وكال
_ شبيج فيان ليش هيج نافرتني بس فهميني بيه شيء زاعجج ؟
بلعت ريكي هسه شجاوبه اني صارلي
كل هالفتره مسايرته بس لابد راح يجي
يوم ويحطني كدام الامر الواقع بس مووهسه
قبل ماعرف سر ال الشغله الي دادور باالي مستحيل اخلي يتقربلي ،،
حطيت اصابعي على راسي وغمضت عيوني
لزمت ايده وكلت : عادل دايخه عفيه راح اوكع من طولي ،،
كعدني على السرير ثنى رجلي وكعد بالكاع مقابيلي لزم ايدي وكال : شبيج حبيبتي اذا تردين نروح للدكتور هسه ؟؟
هزيت راسي وسويت نفسي دايخه بس
حتى يبتعد عني : لا بس اريد انام جسمي نحلان ،،
خلى راسي على المخده وغطاني ..
باسني بخدي وكال : ارتاحي انه طالع ،،
طلع وسد الباب ورا ..
درت وجهي للحايط وعصرت الغطه بأيدي
بس خلي نرجع من اربيل احط حد لهالمهزله ،،
..
رفل
من يوم العقد بعد ماسمعت شيء بخصوص علي اليوم جنت كاعده العب بفطومه ..
اجت يقين كالت علي اجه يشوفج ..
وكفت وكلتلهه
_شنو شيريد ؟
_يالعوبه شيريد منج مثلا غير زوجج واجه يشوفج ،،
هزيت راسي وكلت
_انوم فطوم واجي،،
طلعت يقين انه كعدت انوم فطومه ..
نومتهه وكمت سبحت ولبست دشداشه
بيج بيهه جاكات قصيره ..
لفيت شالي وطلعت ،،
دكيت الباب ودخلت جان كاعد وحده لابس قميص بيج وبنطرون اسود وساعه اسود وسيرهه احمر وعطره يلفح ،،
أنت تقرأ
#اوهام الحب
Roman d'amourعندما تتغلب لعبه القدر عندما ينتصر البؤس .. فتاه من جنوب العراق لها نسل كردي تلتقي بحبها الاول والاخير لكن ماالابال ان كان الحب من طرف واحد ... بقلم .. ايزابيل
