#اوهام الحب

بارت 21

#بقلم
#ايزابيل
#الواحد والعشرون
《اوهام الحب 》
..
_شنهوووو ال لا ولج ؟

كلت بتلكئ
_ها لا قصدي يعني ليش مستعجلين اني لازم اروح الاربيل اخلص شغلي الي هناك يله اكدر
اجي هنا ..

كال عادل
_ورا ما نتزوج انه اخذج ونروح الاربيل ،،

شديت على شفايفي ماعرف
شكول وشلون ائجل هاذا العرس
حسيت دموعي على تبللني وكفت
وكلت ؛ بكيفكم ،،

طلعت اركض وابجي
شافتني رائده ضلت تهز بأايدهه ..
دخلت لغرفتي وكعت بالكاع ..

ضليت ادك على على الكاع بيدي
واصرخ بشهكات مكتومه ..

دخلت ماما كعدت يمي وحاولت
تسحبني حتى تحضني بس ماخليتهه
ابتعدت عنهه وركنت نفسي بالزاويه
ابجي واشهك ..

كالت
_ولج يمه كافي مو كطعتي الكلبي مو انتي تدرين نهايتج العادل ليش ماتستسلمين
للامر الواقع ..

صرخت بوجهه صوت يمكن
وصل لسابع جار ..؛ ولج يمه مارررررررررررريده افهمينييييي شلوووون اخلص عمرييييي وي شخص ماحبه ولا اريدددددددده شنو ذنبي كليلي شنو ذنبي ينفرض عليه عادل ..

ضليت ابجي واناجي ربي
فرفحت من البجي احس روحي
طير وطارت مني ..كعدت ماما
تهديني وساعه هي تبجي ساعه اني ..
ضليت كاعده بمكاني بس ابجي وانوح
مالي حيل اكوم ..

طلعت ماما وسدت الباب وراهه
مددت جسمي بالكاع وخليت راسي
على الكاشي دموعي توكع بالكاع ..

كرفصت على نفسي واني اتذكر
كل لحضه من اجيت للعماره ولحد الان ..
مافرحت بشيء ليش هيج حياتنه نقلبت
رئسا على عقب مو جنه كاعدين بأاربيل
ومرتاحين ..

ضليت اشهك بالبجي لحد ماغفيت
على نفسي ونمت ..

..
رفل

لما تحس نغزات الم تتطاير بروحك
ينغرز الحزن مثل البره من تنغرز باليد ..

اتعذب على الصامت ..شكول وشحجي
اليشوفني ابجي يسأل على شنو ابجي ..

اضل صافنه شجاوب ابجي على نفسي
على غبائي لو على تصديقي لكذب ادم ..

كاريس مخلصه اليوم كله كاعده
لو نايمه تكول ضهري يوجعني وحتى

شغل متشتغل وعمتي تكول هي خطار
عوفوهه يوم يومين ويرحون لاربيل ..

اضل بالساعات كاعده وصافنه
مرات الكه نفسي ابجي بدون ماحس ..

باجر على اساس كاريس وادم يرجعون
الاربيل حلفت من باجر اطوي كل ذكرا

ادم وانسه خلص اعتبره ماكو ..
ارجع كلشي مثل قبل ماهتم اعيش النفسي
والبنتي وانعل ابو شيء اسمه حب ..

بليل جنت كاعده تقريبا ب 8
بليل دخلت فيان كعدت وكالت ..

_رفل هالايام مداشوفج ؟