#بقلم
#ايزابيل
#الجزءالثاني
《اوهام الحب 》
..
#الحياه كالقارب ينقلنا من بحر الى
بحر ومن موج الى موج علينا ان نتمسك
بمجاذفها لتوخى الاعاصير المدمره لما
كنا نبحر به،،،
..
طلعت مثل المخبله اركض واصيح وابجي لحد الان ماامستوعبه المنضر
_جثثثثه جثثثثثه بالبستان ،،
تلكاني عادل شمرت نفسي بحضنه
واصرخ بقوه ومجلبه بقميصه ،،
التقطعت انفاسي بصعوبه هأله ،،
_عادل خايفه ،،
مسح على راسي وحضني
_اش لا تخافين الفلاح مدري منو كاتله ،،
بلعت ريكي ومسحت ادموعي ..
احس لويه قويه صارت ابطني ودوخني
اتسلطنت براسي لزمني عادل من ايدي وكال
_شبيج ؟ فيان ،
تكلبت عيوني وحسيت نفسي راح اوكع
_د.دوخه دايخه ،،
جرني من ايدي وكعدني على التخم
كعد بصفي وكال : شتحسين ؟
غضمت عيوني وخليت اصابيعي
على راسي ؛ دوخه وراسي يوجعني ،،
دخل مرزه يغلط ويصيح وورا فارس
هم عدلت كعدتي وعادل كعد بصفي
بس وجهه ثكيل على فارس ،،
كال مرزه
_راح اتخبل انه لا حراميه طافره على السلف ولا سطو جا الفلاح ياهو الكتله ،
كال فارس
_مو هنا المشكله عمامه يردون يفصلونه لان الرجال نكتل بكاعنه ،،
مرزه لزم راسه وكال
_وكتلته مقصوده عبن المنجل محطوط بركبته يعني هالضربه منيشنه ،،
فارس سحب نفس وكال
_من باجر راح ابدي احقق بالموضوع اشوف شنو هالطركاعه هاي ،
كام مرزه وورا فارس عادل اخذ
سويجه وطلع دخلت خاتون تلعلع
وتصيح : يالبومه شكووو لفيتي من اجيتي ولهسه ماشفنه راحه هاي اول ماعتبتي مات ارجال من كون انهجم بيتج على هالفكر ،،
دخلت ميساء
_موبس هيج مامنهه كل فايده صارلههم شكد متزوجين هي واخوي ماحبلت لو بس السانهه يلوح اذانهه او يمكن حتى ..
قاطعتهه وكلت
_ابشرج لعد البارحه حللت والحمدالله طلعت حامل ،،
كالت مريم بفرح
_بالنبي عليج صدك تحجين الف مبروك بالرفاه نشالله يعمري ،،
ابتسمت وكلت
_تسلميلي..
كالت خاتون وهي تعوج حلكهه
_بيهه الخير كون حبلتي ،،
كمت من يمهن رحت للغرفه
شويه وسمعت صوت زهراء اسمعهه
تسلم ضليت كاعده وايدي على بطني
اتأمل طفلي ،،
صاحتني مريم وطلعت
_تعاي فيان اكلي ويانه،،
شفتهن حاطات صينيه بالكاع
بيهه كرزات وكيكه وعصاير ماحبيت
افشلهه كعدت وياهن اكلت شويه
وميساء تكرز حب وتذب كشور بحضني
أنت تقرأ
#اوهام الحب
Romanceعندما تتغلب لعبه القدر عندما ينتصر البؤس .. فتاه من جنوب العراق لها نسل كردي تلتقي بحبها الاول والاخير لكن ماالابال ان كان الحب من طرف واحد ... بقلم .. ايزابيل
