#اوهام الحب

بارت 3

#بقلم
#ايزابيل
《اوهام الحب 》
..

لو رأيتم عيونها
ستعذرون كل من مر بجانبها
وتلعثم وسقط كل مافي يديه ..

..
رفل

جنت مخبوصه انه والبنات نروح منا
ونجي منا مابقى شيء ويوصلون بيت عمي
ابو ادم ..

حضرنه الاكل القوزي والسمج والدجاج والبن والخضره وانه خبزت خبز حار خلصت شغلي بعد ما نهلكت هلاك موش طبيعي ..

رحت بخيت جسمي وطلعتلي ثوب جديد
يصير نيلي وبي ورد وردي غسلت وجهي
والدكاك الي على حنجي لبست حجولي ..
وشيلتي الجديده خطيت عيوني بكحله عرب ..

بدلت الفطومه وسبحتهه لبستهه بدله سمائي وحذاء بيضه سويتلهه ستوتات وكعدتهه يم جدي جنكال ..

طلعت للهول كلهه مخبوصه شيء تبدل وتعدل
جدي هو والولد يرتبون الديوان جدتي كاعده تعدل شيلتهه وتعلك الجنكال بيهه ..

جنت كاعده وبحضني فطومه اجت عمه رائده كالت ..

_ يله رفيله كووومي جيبي المخبازه من بره ،،

كلت بتذمر

_ موش كبل شويه طبيت شني وحك علي سمطتني الشمس تكول شمس البصره ..خلي رسل لو يقين يروحن انتي ماطلعيهن عبن تخافين عليهن ..

زمخت بيه

_ كوومي وولج انوب عليه رفل المطلكه كووومي لا بالنعال اكطعه على ضهرج انتي وبنتج بس فالحات ياكلن وينخمدن تكول فاتحيلنه مجلئ ..

نرفزني كلامهه هووواي وتضايكت
عبن تنعتني بالمطلكه عفت فطومه
على صفحه ووكفت بوجهه ..

_ شوووفي عمه وصلت حدهه تره هاي صار اكثر من مره تكليلي مطلكه شنهي واذا مطلكه عايبه لو بايره وبعدين انتي بكيفج اطرديني من بيت عمامي انتي اطلعين وانه ابقى عبن البيت بيت اهلي ...

ماحس غير راشدي فر راسي دموعي
طفرت من عيوني والكحل سال ..

_ ووولج يا غبره تردين بوجهيييي لا وبعد اطرديني وحك هو علي لوو اليوم ماعدنه خطار جان خليتج اطكطكين نعالاتج وتولين مناااااا

اخذت بنتي وانه ابجي وانوح
والبنات وجدتي كلهه تباوع محد تجرء يردهه
جنت امشي بالمرر منزله راسي ولازمه بنتي
وابجي وجهي مخربط الشيله نازله ومبهذله تبهذل ..

حسيت نصدمت بشخص رفعت
راسي مصدومه باوعت شاب يطلع عمره
ب28 ركزت بي جان لابس قميص نيلي وبنطرون بيجي ولازم نضارات بأيده حسيت نفسي خشيت بهدومي صفن
على عيوني وكل معاني وجهه توحي على الصدمه كتله ...

_ اسفه ماشفتك ،منهو انت وشدخلك للبيت ؟

حسيته تلبك بعدين كال ..

_ اني ادم انتي منو ؟

كتله بتفاجئ
_ ادم ابن عمي ابو ادم ؟