#اوهام الحب

البارت 36

#بقلم
#ايزابيل
#الجزء الثاني
《اوهام الحب 》
..
#الحياه والقدر كالسراب مضلم معتم يلون ايامنا بسواد الألم
#الحياه والقدر كالنجمه البعيده لا تلمس لكن تتأمل
#الحياه والقدر كألسيف ذو حدين يقطعك ل اوصال ان تهاونت بهه ..
..
جنت امشي بالشارع ومدخل اديه بجيوب القمصله الجلد شكد مر وقت واني هنا 4 اشهر
سنه ونص بعد تقريبا وارجع للعراق ..
اشتاقيت لتراب العراق الامي ال ابوي والأبني بالذات ل فيان سحبت نفس وزفرته

باوعت يمنى  يسرى شارع اضلم تقريبا
عدل ومبلط بي اضوي كبار مضويه الطريق ..
باوعت كدامي ونصدمت الونا ..
طالعه من مكان يصير ناصي ومبني من خشب كله اضويه وردي واصفر هذا بار ..

اباوع الهه تمشي بعدم توازن وتروح منا ومنا
وشايله بأيدهه بطل مادري شنو ؟؟ جانت لابسه شورت قصير كابوي وكيمونه اصفر

رحت امشي بتجاهه شفت شاب يمشي وراهه
يذب كلام وهي منزعج ضربته على راسه...
تعصب وجرهه من ايدهه لزكهه بالحايط
ويقرب عليهه يحاول يبوسهه ماتحملت المنضر ركضت بتجاهم ..

شافتني الونا ضلت تستنجد بيه وتبجي
لزمت الولد من ياخته وباوعت بوجهه
اشكر ولابس ترجيه ب خشمه وتارس ركبته وايده وشم ،، ضربته بوكسي نومته بالكاع
دفرته وعطت علي : لك انتَ ماتستحي ماعندك اخوات تتحارش بيهه ؟؟

باوعلي بعدم فهم وكال
_What ??
فركت وجهي واداركت نفسي اني شداحجي
كام على طوله دفعني من كتفي ويغلط عليه بالنكليزي رجعني دفعني ماتحملت تجاوزه علي مددته بالكاع وطحتله بوكسيات ودفرات كتله ..

_لك حيووووان  شلون تضربني اكسر اريدك صايرلي رجال والله امثالك حتى بالغنم ماخليهم يسرحون انتَ المفروض تعيش ب البستان مال جدي بقسم المطايه مو هنا  ..

ادري بي ميفتهم عراقي نهديت بي غلط
اباوع الونا اجت حضنتني من عكس ايدي
وكالت : اادم خلينه نمشي ،،

طلعت ايدي من ايدهه ومشيت
ركضت وراي وصاحت
_شبيك ادم ؟

لتفتت عليهه بغضب ..
لزمتهه من ايدهه وصحت بغضب
_لاتحجين وياي فهمتييي لو لا اني موكتلج هالمكاان القذر لا تروحيله كم مره تكرر هالموقف مو على اساس تحبيني اشو ماتسمعين كلامي ؟؟

خلت ايدهه على قمصلتي وكالت
_بس انتَ مابتحبني لشو حتى اسمع كلامك ؟؟

بعدت ايدهه وعفتهه وراي
بالشارع ضليت امشي وحدي اريد اوصل
للشقه صار الطريق شطوله ،،

حسيت ايدهه لامست عكس ايدي
درت باوعت بوجهه ودرت وجهي
ضلت حاضنتني وراسهه على كتفي ..

الونا
_ ادم ليش ماتحبني شنو ناقصني انا ؟

_ الونا شكم مره كتلج هالموضوع سدي خلينه اصدقاء احسن ما نتخارب ولا عبالج نسيت موضوع البارحه من اجيتي للدوام وتعاركيتي وي زميلتي ،،