#اوهام الحب

بارت 23

#بقلم
#ايزابيل
《اوهام الحب 》
..
مايحدث لك هو خيرا لك
حتى وان لم يرضيك ..
..
صعب الفراك وطعمه مر ..
لما شخص متعود علي وبلمح البصر
تشوف نفسك فاقده ؟ متعود على كلامه

وحبه الك واهتمامه وفجأءه ينمحي كلشي
ترجع وحيد ومو مثل قبل كل ما تنام تفكر
بي لا هسه احط راسي على المخده واتمنى مااصحى باجر ..

ادم ترك اثر بكلبي من سابع المستحيلات
انسى حبه نحفر بداخلي وبأاعماقي ..

بس انه حلفت ووعدت نفسي مااهتم بعد
لو شما يصير لا ابجي علي ولا احززن لان

هو باعني ورخصني ..صحيح انه جنت معتبرته نجم بسماي وكمر مضوي دنياي بس النجم شكد ماعلى يبقى صغير بعيون الناس ..

والكمر جذاب يخدع الناس بضوا
واول وتالي الضوه من شمس الله ..

ايامي مرت مثل القبلهه ماكو
شيء مميز مجرد اكوم من الخمسه اطلع
للشغل مارجع غير ال ضهر اتغده واغدي

فطومه وانام مانكعد غير العصر نتعلل ..
ونضل كاعدين بالبستان لحد ال7 ..
ندخل نزهب العشه وكالعاده ..

عمي ابو ادم وزوجته راحوا الاربيل
وكلشي رجع لمكانه لكل رجع يزاول اعماله
وروتينه اليومي.. هالفتره سمعت علي
جاي يحضر الزواجه ..

بفتره قصيره جدا سمعنه اليوم
عقد قرئانه على وحده غريبه من بغداد ..
صدك جدي وعمامي والولد كلهم تحضروا
وراحوا ..

وتقريبا ضلوا يومين ورجعو سألناهم
شلونهه العروس وشنو تقربله ..
كال جدي : والله ياجدي حسب مافهمت العروس زميلته بالشغل ..

كالت رائده ..؛ ومنين يعرفهه وخطبهه عاد سمعتهه شلونهه زينه لا ..

كال جدي
_ اي جا شلون علي خوش وليد ماياخذ وحده موش زينه ..

عوجت حلكهه ماراضيه..
عفتهم ورحت الغرفتي صفنت على
السكف انه شنو مستقبلي ووين نهايتي ؟

ليش مااعتمد على نفسي وابني نفسي بنفسي
ليش ما احقق حلمي الي احلم بي من زمان
ليش كلمن يجي يضحك ويستهزء عليه ..
خليني اكبر بعين نفسي وبعين الناس ..

كمت من الجربايه وبداخلي كلام وطاقه هواي
فتحت الباب ورحت الجدي لكيته كاعد بالديوان يشرب كعك وجاي دكيت الباب
سمعته كال :تعالي رفوله جدي ليش واكفه بالباب ..

نزعت نعالي تكرمون ودخلت
كعدت يم رجلي وكلت :جدي عندي طلب ؟

_ افا جدي اطلبي واعتبري تم ،،،

بلعت ريكي وكلت
_ اريد اكمل دراسه ،،،

ضحك وكال
_جا جدي هسه تفطنتي ليش ما كملتي من اول بدايه واحنه مانمنعج بس ياجدي بهاذا عمرج واكفه انج تدرسين ..