#اوهام الحب

بارت 16

#بقلم
#ايزابيل
《اوهام الحب 》
..
ها يروحي شوكت يصفالج #حبيب
شوكت أشوفن #عيني ما تبجي #ندم
كتلج #اليعشك تره عمره #كصير
وباجر #بحسرات يكضيها و #ألم
شكد #بنيتي أحلام ياروحي #شجاج
وهو #معروف اليحب عايش #وهم
#كافي كلبي أتبهذل ودومه #عليل
وكافي حتى #الحيل ياروحي #أنهدم
ذاك #قيس شكد ترف حب #ليلى حيل..
#وتالي موقفهم ع #الفركه أنحسم..

..

_ادم اسمعني والله مابينه شيء والله رحت احجي ويا علمود هو ينهي الموضوع من يمه ..

جنت اناشغ وابجي مايهمني شيء
بس اريده يصدكني ويثق بيه ..
كافي خسرت ثقه جدي ماريد اخسر
ثقه ادم ..

كالي بغضب وصاح ..
_ووووولج اني كاعد هنا اعارك واصيح علمودج علمود ماتنضلمين لج ابوي غضب عليه بسببج جدي مايحاجيني وحتى طردوني من البيت وفجأءه اطلع واشوفج واكفه وياااأاااا .

خففت حيل من صياحه
حقى اي اخ يشوف اخته بهالنمضر
يثور ويسوي الاكثر ..

جابني براشدي لزكني بالحايط ..
كال : فيان من اليوم وجاي انسييي عندج اخ اسمه ادم وبالنسبه لزواجج اني ماراح ادخل ضلت يمج انتي دبري امورج ..

عافني وطلع ..
ضليت كاعده بالكاع ابجي واصرخ
ياربي ليش هيج حضي مصخم ليش
كل الطرق نسدت بوجهي منين مالطلعهه
سوده مصخمه ..

والله ماراح اتزوج والله لو على كص
ركبتي ماراح اقبل ورح اتم ارفض وشيردون
يسون خلي يسوون مايهمني عسى ما يحطون
طلقه براسي ..

احس البجي كطع كلبي ..
شوكعني بهاذي الهاويه وشلون
ورطت نفسي بحب ماعرف شنو بدايته
وشنو نهايته بس لا لا مو صوجي اني صوووج

فارس الحقير الكلب جذب عليه وكال جاي
اخطبج دزلي ورقه متروسه كلمات حب وغزل..واني غبيه صدكته بكل سهوله ..

حسيت عيوني ورمن من البجي ..
كلبي خلص كمت بكل تعب واني ..
اتخبط بالحيطان غسلت وجهي ..

وبدلت ملابسي رجعت للسرير ..
هل كل يوم المرن ضعفانه كلش لان
لا اكل ولا شرب باليوم لو اكل وجبه وحده

لو لا وجسمي يوجعني من كد الكتل والضرب
الكلته جسمي كله كدمات زرك وحمر عبالك وحده مريضه ..

وجهي اصفر وشاحب حتى شعري من
كد الجر والعر بس احط ايدي علي واسحبه
ينزل نصه ..

ضليت ابجي على حالي وين جنت
وين صرت اخ بس نفتح الباب ودخلت
امي شافتني هيج اجت كعدت على الجربايه
واخذت راسي حطته على رجلهه ..

ضلت عيوني معلكه بالسكف وتنزل الدموع
على خدودي مسحت على راسي امي وكالت ..

_ولج فيان ماما شسويتي بروحج ليشوفج قبل وهسه ميعرفج كليلي شنو الحصلتي من كل هاذا وافقي ياماما وانهي كل هالعذاب الدتعيشي تره اني ادري بكل الدار بيج وبين ادم ..