#اوهام الحب

بارت 24

#بقلم
#ايزابيل
《اوهام الحب》
..
كلتلهه بصدمه
_شدتحجين انتي ..شنو هالخرابيط هاي ؟؟

ضحكت بستهزاء وكالت
_ههههه بابا انه حتى من تفوتين للحمام ادري بيج اتعلمي لا تلعبين وي الكبر منج والاكوله يتنفذ ورجلج فوك راسج فاهمه ياست فيلان ..

دخت بكلامهه ضليت واكفه بمكاني
لاخذ ولانطي خفت منهه ومن تهديدهه

معقوله مراقبتني كعدت على الجربايه دايخه
يارب وين وكعت اني بيا مستنقع خدع وكذب وضجر دايخه واحس اكو لغز بين كل

هالاحداث المريت بيهه بس ياترا من يملك
مفتاح هاذا الغز يمكن اني بس مامنتبهه على نفسي او يمكن عادل او حتى فارس ومو بعيده واحده ثاني من العائله !!!..

يوميه دانصدم بشخص
اول شيء عادل وتغير اسلوبه وياي تغيير جذري وميساء الكشفتلي وجهه الجانت خافيته ،

حسيت ادموعي وكعت مو ضعف لاكن
خايفه من المجهول ؟!! ..

حسيت على فتحت الباب جريت
نفس ورفعت نفسي بعد ماجنت منصيه ..

شفته عادل كعد بصفي على الجربايه
سحب ايدي ورفع اصبعه الابهام يتلمس
ايدي بحركات دائريه مشتته ..

باوع بعيوني وكال
_فيان انه ادري بيج ، انتي مامتقبلتني لان فرضت نفسي عليج بس يافيان انه احبج واموت عليج تدرين لو صايره لغيري ماتحمل والله طلقه براس العار الي ترفضيني علموده
وادري بيج سمعتي كلام هواي عليه منهن ابو نسوان وسكير ...الخ بس وعيونج تغيرت انه
تغيرت علمودج انتي علمود ماكسر ورده مثلج

انه ماراح اجبرج على قربي منج
اهم شيء انتي موجوده كبالي وعلى ذمتي
هذا كلش كافي بس صدكي انتي الي راح تتأذين موو انه واذكري كلامي يوم التوكعين بمصيده المكر ..

كلامه كله الغاز مافتهمت شيء
ليش كال لو صايره الغيري احط طلقه
براسه معقوله هو يعرف منو ؟؟ لا لا لو يعرف
اني احب اخو اكيد ماراح يتقبلني اصلا ولا راح يخليني اعيش وي اخو بنفس البيت ..

شنو قصده اوكع بمصيده مكر
معقوله هو يعرف بميساء بس لا هو لو يعرف جان ردهه لان حسب كلامه يحبني ومستحيل يقبل احد يهييني هيج ؟

كتله وعيوني تصب دموع
_عادل انته حطمتني وجبرتني عليك كسرت كلبي تدري بسببك اهلي هانوني ضربوني وشتموني ..

مسح ادموعي بطرف اصبعه وكال
_ااش ماريد اشوف دموعج يابعد كلبي ولج كل هاذا سويته حتى بس احصل شرف قربي منج
امنيتي بالدنيا وبالاخير احطج بحضني واكعد بس فيان انه جنت تايهه بدونج انتي الي دليتيني على دربي ..

زادت شهكاتي من كلامه شريد اكله
كلبي موالك ولا تفكيري وياك ..
جر راسي وضمني الصدره دموعي بللت
قميصه كال بهمس ..