#اوهام الحب

بارت6

# بقلم
# ايزابيل
《اوهام الحب 》
..
شحلاته اليل وياكم تعاليل
وهجركم خله مو عله تعاليل
..
صباح الخير ..،،
طبعا البارت كتبته بدون
مراجعه تغاضوا
عن السحك 🖤
..
_فاررررس لج رفل فارس راح يموت راح يصير بي شيء ..،،

_شكو فيان شتحجين شبي فارس ؟

سمعت صوت الطلق ركضت للشباك
باوعت فارس لازم مسدس ويرمي على
واحد وايده تجري دم وجان ويا عادل
وبعد شباب لطمت على خدي وركضت
الفيان ..

_شكوو ولج فيان هاي شصاير وليش الولد مايدرون ولا جدي ؟

كالت برتباك
_مادري رفل كل الاعرفه كمت من نومي على صوت الطلق فتحت الشباك وشفت فارس كدامي وايده تنزف ..

جانت تبجي وحالتهه متهستره
حيل هديته وكلتلهه لا تخاف طلعت
ركض بره شفت جدي والولد كلهم متحضرين
عبن يردون يطلعون ..

بس ادم جان كالب خلقته وضايج
باوعت علي جان يجرب شاجور الرشاشه وعماتي كلهم كاعدات يبجن ويدعن ..
كلت الرسل..

_شكو رسل شصاير؟

صفكت اديهه وكالت
_جا ماتدرين غير طفرو حراميه على السلف .

باوعت على يقين كاعده
تبجي رحتلهه ..
_شبيج يقين كافي ترا موش اول مره يطفرون حراميه على السلف ؟

كالت وهي تشهك
_لا لا عبن انه منحوسه على حضي اجو حراميه للسلف؟

كلتلهه باستغراب
_جا انتي شدخلج

_غير عود اليوم حددنه موعد الخطوبه تالي ذيب البساتين شرد البغداد وطفروا حراميه على السلف ..

فركت كتفهه وكلت
_كافي كافي لا يصير تجاعيد بوجهج يكولون التبجي هواي ينترس وجهه تجاعيد ..

عفتهم ورحت نمت مالي حيل واصلا
ادم بعده ابالي وفكري متشتت ..

..
فيان

نمرد كلبي واني اشوف فارس ينزف دم
فرفحت من القهر كعدت بالكاع وابجي
احس النفس اختنك بصدري وشهكاتي
كادت ان تقتلني ..

اليل كله النوم مامر لعيوني
تقريبا ب 5 رجعو الولد للبيت
ماكدرت اطلع لان وجهي مورم من البجي

اذا شافوني ابجي شيكولون على منو تبجي
بلكوا كدرت اختلي ب تبارك وسألتهه ..

_ها تبارك شصار ؟

كتفت اديهه وكالت
_ماكلج اذا ماتكليلي ليش تبجين ؟

حطيت ايدي على كصتي بنزعاج
وكلت بنفاذ صبر

_تبارك والله مووكتج بس كليلي مو والله كلبي اشتعل جمر ..؟!

سحبت نفس زفرته وكالت
_الى رحمه الله ..،،

فتحت عيوني مصدومه واحس
مخي انفجر من قوه الصدمه ماتحملت
انغمى عليه ..

فتحت عيوني واشوف تبارك
حاطتني على ايدهه بس شافتني كعدت
دفرتني وكالت ..