#اوهام الحب

بارت 22

#بقلم
#ايزابيل
《اوهام الحب》
..
على الله وعالصدف
ذبيتها من اشتـــــــاك
..
اسمع الصياح وجسمي كله يرجف
ياربي شكد حضي نحس اني
يعني هاذا ماعرف يجي اله اليوم ..

دخلت عمتي تبجي كالت امي
_شكو يمعوده شصاير نخبص الجو ؟

_ محسن تعرفينه ؟

_لا والله ماعرفه منو هاذ ؟

_هاذا صديق سليمان من زمان وذاك اليوم صارت عدهم فاتحه رايح جنكال والولد ومدري يافتان رايح كايل للناس جنكال وولده يحجون عليكم ويسبون بالميت ويغلطون على عشيرتهم وهسه ذوله اجو هدو علينه يكولون حولو علينه ..

كعدت على الجربايه نزلت ادموعي
كالت عمتي:لا تبجين حبيبه جاي يتفاهمون هسه نشالله يحلون الموضوع وكلشي ينحل ..

نفتح الباب ودخلت رائده
عوجت حلكهه وكالت: اءءءه عفيه فيان شدعوه هالكد منحوسه هاي بعدكم بالبدايه
وهيج جا بالزفه شلون اضن ايصير انقلاب ..

كالت عمتي
_رائده كافي انتي تصبين على جرحهه ملح ماتشوفينهه ترجف وخايفه ..

لليل صارت ب 7 وهم يتصايحون بالديوان
حتى بيت مرزه اجو اني اجيت انزع البدله
واخربط كلشي واني اريدهه حجه طاكه روحي

بأالاخير كوه صرفوهم وراحوا ..
امي كالت :يله فيان تعالي تره الناس يردون يجون يحنون والعالم منتضرتج بره ..

_ماريد عوفيني مالي خلك ،،

_ولج شنو مالج خلك كومي عيب لا تخزينه ..

كمت واني بس ابجي
وروحي طافره كعدتني على الكوشه
واني بس انافخ ضلن شويه يدكن ويركصن ..
واني كابه منا وحاره انسمط جدي سمط ..

شويه وكالوا راح يجون ..
توترت حيل وضليت افرك بصابعي ..
اسمع الهلاهل والكولات صارت قريبه ..

يعني وصلوا بدون وعي دموعي صارت
توكع وشهكاتي علت اجن البنات وكفن
داير مدايري ويهدني اسمع وحده تكول..

_وخرن بنات خلي يكعد الولد ..

ابتعدن اجه عادل ..باوعلي من
فوك ليجوه وابتسم ابتسامه فرح ..
كعد بصفي ..

لزم طرف اصابيعي وهمس بأذني
_ليش ايدج بارده خايفه من شيء ؟

بلعت ريكي ماكدرت اجاوب
الكلام تضخم بصدري ..

حط الايدي حنه بقه شويه ..
اجت وحده من كرايبهم كالت ..

_عادل عليك الله كوم اركص وياهه ،،

_دوخري عني يابه يا ركص ؟

جرته من ايده وكالت : عليك الله كوم لا تفشلني ،،

كام وياهه ونوب رجعت عليه جرتني
اني كمزت وكلت ؛ لا لا ماريد

_جا ويامن يركص وي الحايط شو كومي ..