#اوهام الحب

بارت 2

# بقلم
#ايزابيل
《 اوهام الحب 》

..
الرمل ماينعجن

والعشگ ماينداس

حب البنية صعب

ماينحچي للناس

..
كعدت الصبح تقريبا ب 10
بدلت فستان نيلي مورد بأاخضر
شيفون ويا حذاء كعب جوزي ..

مكياج خفيف ونضارات لبست التوربان
النيلي جريت الجنطه خليت بيهه كراسه
الرسم وموبايلي والالوان الي احتاجه ..

طلعت للمطبخ سويت كهوه شربتهه
وتوجهت لغرفه ادم دكيت الباب على كيف ..

ما سمع فتحت الباب ودخلت شفته
نايم وقميصه الابيض مشمور بالكاع ..

ركضت جريته وذبيته بالكنتور لا تشوفه
ماما من ارجع اغسله رحت كعدته ..

_ ادم اكعد وصلني للمعهد ..

كال وهو يرفع الغطه عنه ،،

_ كايم كايم ..بس اسبح

عفته وطلعت كعدت بالهول
انتضره نص ساعه وطلع جان
يمشي ويدكم دكم الكمام باوع عليه وكال ..

_ يله امشي كدامي ؟

كمت طلعت كدامه للسياره
شويه ولحكني بيده كلاص الكهوه
والنضارات فتحلي باب السياره من يمه..
من خلال السويج ..

فتحت الباب وصعدت
صعد بالسياره خلى كوب الكهوه
بالمكان المخصص الهه ولبس النضاره ..
باوعت علي وكلت ..

_ ادم شقررت بموضوع البارحه ؟؟

سحب نفس زفره وفر السويج
حرك السياره وكال ..

_ ماعندي حل ثاني اني تورطت ومجبور اتزوجهه ،،

ماحجيت شيء بس نقهرت علي
درت وجهي للجامه شويه ووصلنه ..

نزلني وراح لدوامه فتت للمعهد
خلصت اليوم بين الفرشه والالوان

حيل ستمتعت وفرحت وماحسيت على
الوقت بسرعه خلص للعصر اجاني ادم
اخذني ورجعنه اني ويا للبيت ..

وصلنه للبيت ادم دخل لغرفته نام
واني رحت نزعت ملابسي وطلعت ..

صبيتلي غده اكلت ورحت للهول
كعدت بصف بابا جان ديشوف اخبار ..

حضني من راسي وكال ..

_ شلونج والمعهد شلونه ؟

ضحكت وكلت ..

_ حيل حلوه وفرحت ؟

_ الله يديم فرحتج بنيتي ،،

شويه وطلع ادم كعد كبالي على القنفه
وكال ..

_ كومي حطيلي اكل..

باوعله بابا وكال ..

_ شبيك ابني صاير شيء؟