#اوهام الحب

بارت 8

# بقلم
# ايزابيل
《اوهام الحب 》

عندما نقع ضحايا كذبه ؟
نكذب كذبه ونصدقها
نصنع لنفسنا تبرير أفعالنا ..
من اجل ؟ لا نكذب تفكيرنا
الخاطئ نعتبره صائب وما النهايه لذالك !!
هل سنقع فداء ل الاعيبنا مع القدر ..

..

_ااا. جدو هاي اني رسمتهه

وكف جدو بكل غضب ضرب عصى
بالكاع وكال بفحيح غاضب ..

_ووتعترفين ولج منين
تعرفين فارس وراسمته ؟

حسيت نفسي واكفه كدام مشنقه
اعدام لو بالنجف لو بالهدف ..
جسمي جان كله يرجف خوفا من الراح يصير اخترعت كذبه واصلا مااعرف الي حجيته صح لو خطاء مامتأكده من صحه الموضوع ..

_ج .جدو والله اني اصلا ماعرفه الولد وحتى ماشايفته بس بس ااخته بالخطبه من اجت كالتلي انتي تعرفين ترسميين كلتلهه اي كالتلي ارسميلي فارس ..

جنت خايفه حيل ودموعي يوكعن
واديه ترجف رجليه كوه واكفه عليهن
صار عندي الم بركبتي لان رجليه
يرجفن بقوه وبقيت صامده وواكفه اصلا ماجنت اعرف اذا فارس عنده اخوات او لا
كلت كلام من يمي ..

حسيت على راشدي صحاني على واقعي
من قوته شعر وجهي طار محبس جدو الجبير طبع بخدي اثر الرشدي وكعت على التخم شهكت ولزمت خدي حركني ..بجيت بقوه وشهكه صرخ جدو صوت زرف طبله اذاني وهزهز كلشي بداخلي وخضعله بالخوف

_وتعرفين تجذبين ولج اشايفتني كدامج قشمر لو اغم تجذبين عليه واصدكج ..عابت تربيتج

كلت ب بصوت مبحوح
_جدو والله ماعرفه ولا عندي شيء ويا ..

لزمني من شعري بقوه حسيته شلعه من جذوره جدو صح جان جبير
بالعمر بس عنده كل القوه ..

_لا تحلفين بالله موش اليوم اخلي العكال يصلخ جلدج عن عضمج ..

جرني من شعري طحت من القنفه
صرخت ولزمت ايده ..

_جدو اقسم بالنبياء كلهم ماعندي شيء ويا
ولا اعرفه والله ..

حسيت ايد جرتني درت وجهي المتروس ادموع شفته بابا ..

_يابه مرخصتك ،مااسمحلك تتهم بنتي وبعدين هي مامسويه شيء غلط ليش تكبر الموضوع هي داتمارس مهنتهه لا اكثر ..

كمت بكل ذره طاقه باقيه عندي
حضنت بابا واني ابجي مسد على راسي
ومسح دموعي الي بخدي باسني براسي وكال ..

_بنتي كافي بجي اني اعرفج انتي شنو واني واثق من تربيتي اكيد ماراح تخذليني وتسوين العيب ..

صاح جدو
_ولك تكسرررر كلمت ابوك كدام الكل وتوكف بوجهييييي ..

_يابه على عيني وراسي انته اني ماكايل شيء خطاء وانته الدسوي ضلم البنيه مامسويه شيء خطاء مابيهه شيء اذا رسمت رسمه انطلبت منهه ..