#اوهام الحب

بارت 31

#بقلم
#ايزابيل
# الجزء الثاني
《اوهام الحب 》
..
# تلاقت العيون
فسابت الروح ..
..
الدموع ترست عيوني وحجبت النضر عندي
كلت بهمس :يقين شجابه ؟؟

سمعته كال
_شلونج رفل ؟؟

لميت شفايفي وانه اضغط على نفسي
سحبت نفس وزفرته : الحمدالله خويه ابو فقار انتَ شلونك ؟؟

ابتسم بستهزاء رجع ضهره على التخم
وكال : والله بخير الحمدالله دام كدرت ابتعد عن كل الاشخاص الى ماخلف وجوهم اقنعه ..

دنكت اخذت كتبي واجيت اروح صاح وراي
_ووين بعد وكت ؟؟

اشرتلي يقين بعيونهه اكعد
كلت بكلبي اذا اروح هسه ابينله انه
ضعيفه ومتأثره بي ..

رجعت حطيت كتبي على الطاوله
وكعدت كلت ال يقين : يقين اجيت علمود اخذج تقريني لان علي قدملي على خارجي سادس واريد اقرا من هسه ،،

كالت
_اي تدللين اهم شيء تنجحين وترفعين راس زوجج ،، بس يجي ياسين من الدوام اكله واروح

ابتسمت وكلت
_الله يخلي الي شايل همي اكثر من نفسه ،،

كامت يقين وكالت
_اكوم اجيبلكم جاي ،،

راحت يقين انه ضليت كاعده
بمكاني والعب بضافيري سمعته كال
_اسألج سؤال واحد واتمنى تجاوبيني ،،

رفعت وجهي صارت عيني بعينه كتله
بجفاء : اذا اعرف جواب سؤالك تفضل ،،

سحب نفس وزفره
_اريد اعرف بشنو قصرت وياج حتى تبيعيني هيج وعدتج بشيء وخلفت بي ياترا من تزوجتي ماتذكرتيني ماكلتي الي وهمته بحبي اله راح ينكسر كلبه ويتأذه مادري بشنو قصرت وياج حتى تخونين وبكلب بارد..

ضحكت وبستهزاء
_شوف منو يحجي على الوعد والخيانه ،،

كال
_ليش رفضتي من ...

ديحجي قاطعه دخول ياسين ويكول
_هلا والله شعجب اليوم يمنه ،،

كام ادم سلم علي ورجع ياسين سلم
عليه كعدوا يحجون ..

اجت يقين بيدهه صينيه جاي
انطتهم انه ماخذت لان كلبي معطب مايحتاج اعطبه اكثر بالجاي ،،

ندك الباب كام ياسين فتحه طلع
علي كمت بلهفه انتبه عليه ادم ..شلون
الابتسامه نرسمت على وجهي من دخل ..
سلم وكعد بصفي ..همس بأذني ..

_ من يمتى هنا انتِ ،،

قربت راسي من اذانه وهمست
_قبل شويه اجيت مصار هواي ،،

فزيت على صوت طكت كلاص الجاي
بأيد ادم كال ياسين  : الله الله سلامات ،،

تجرحت ايده والدم ملى المكان
كام للحمام يغسل انه كلت العلي خلي
نروح ياسين عطلنه على الغده بس رفضت
لان تعبانه ومابيه اتحمل اكثر ،،