#اوهام الحب

البارت 41

#بقلم
#ايزابيل
#الجزء الثاني
《اوهام الحب 》
..
..
منذُ احتراقٍ..
تغفو على رمادِ الاسئلهِ
تَعدُّ بيديها حالات ِ الأنكساراتِ
المشؤومهِ...
تصطلي بنارِ الغيرهِ..
ذات غيابٍ
حركتُ صندوقهاا الأسود ..
فأسرني باعترافات مذهلهٍ
لأنثى باذخهٍ
يصطادُها الأرقُ وحنينُ الانتضار
تلك المرأهُ.
تتدلىَّ ضفائرُها فوق كتفيها ..
نحو الغروبِ
في نهاراتٍ زاحفهٍ
تبحثُ عن أصابع غجريهٍ
كلّما اقتربتُ منا ..
حدثُتها داخل حجرهِ
صمتِها المتٌشحِ
بأنين شجوها السرمديّ..
..
ادم اجه ؟! جانت صدمه بالنسبه الي
شوكت وزين ليش ماكلي ذبيت الثوب
من ايدي
وعيوني تلمع بفرح :- صدك رسل ووينه وشوكت اجه ؟؟

كالت
_ والله هناك كاعد بالصاله ،،

الأبتسامه شكت حلكي بعد ماجانت
معدومه عندي طلعت اركض بثوبي وشالي
الأسود فتحت باب الستقبال وكلي لهفه
لشوفته ..

باوعت للداخل وراح نضري اله ..
جان لابس قميص اسود وبنطرون اسود ..
وكاعد ..

فتحت الباب شافني ادم
وكام ركضت اله وحضنته وابجي ..
صرت اشهك بحضنه واحس صدري ضاق
والهوى صار يخنكني ..

مسح على راسي وكال
_ كافي فيان ..

ابتعدت عنه ولتهيت امسح بدموعي ..
جرني وكعدنه على التخم

شهكاتي مابطلت ودموعي ماسكتت
جر راسي وباسني بكصتي ..
حضني ويمسح على ضهري ..

_شلونج مشتاقلج ؟

كتله بشهكه
_ موزينه تعبانه حيللل ..

تنهد وكال
_ فيان ترا هذا امر ربج ميصير هيج أتعبين نفسج كافي يله ماريد اشوف دموعج دام اني موجود لا تهتمين لأي شيء وصدكي كلشي يصيبنه هو خير النه ماكو شيء يمر بحياتنه عبث لازم يكون ممهدد لشيء بي الخير النه ..

هزيت راسي بأيي ومسحت دموعي
كلت :- اني ماافكر بغير حسوني ماهمني غيره ..

_ صدك تحجين ، لعد احنه وين رحنه لا تفكرين بعمامج وتيأسين لان اعرف اني شنو طينتهم هسه ترجعين وياي البغداد انتي وابنج وتعيشين ببيت ابوج معززه مكرمه ولي يفتح حلكه وياج بكلمه اترسه نعل ..

كتله
_ شوكت اجيت انتَ ؟

_ قبل اربع ايام  نزلت من المطار كبل الأربيل اخذت امي وابوي وذو الفقار وكلت الهم
نروح ال بغداد لان عملي الجديد راح يكون هناك بأحد جامعات بغداد ..واليوم اجيت علمود اخذج

ابتسمت وكلت
_ صدك نسيت اباركلك نشالله تاخذ اعلى المراتب تستاهل تعبت علمود مستقبلك ..

ابتسم وكال
_ الحمدالله على كلشي.. اله كليلي وينه ابنج اريد اشوفه وكح عليج ..

_ هههه هسه اصيحه ،،