#اوهام الحب

البارت 37

#بقلم
#ايزابيل
#الجزء الثاني
《اوهام الحب 》
..
#ذابله عيونك ولا جنك عزيز ؟
#ومحد يحس بيك غير مرايتك ،،،
..
بلعت ريكي وايدي مازالت لازمه قبضه الباب شديت عليهه وبودي اقلعهه من قهري الي اقتحن بكلبي لتفتت علي وكلت ..

_علي شتحجي كلي سويت شيء يخليك تنهي ارتباطنه ؟؟

ضحك بستهزاء وكال
_والله عجيب امرج المفروض انتِ اول وحده واكفه على راسي وتطلبين الطلاق اول وحده تتخلى عني انتِ ..

كلت بستغراب
_شنو السبب ؟؟ وليش حتى اتصرف مثل متكول ؟

_ السبب حالتي يارفل صرت واحد معوق ومامني  فايده اكيد راح اكون عاله عليج ..

شهكت وحطيت ايدي على حلكي كلت بخنكه _معقوله بنضرك انه وحده عديمه ثقه ومصلحجيه وخبيثه ،، كل انسان يمر بضروف وانه من واجبي كزوجتك اكون حايط من تميل تنتجي علي ،، وانتَ كذالك لابد يجي يوم واوكع انه واكيد انتَ راح تكونلي خير السند

_رفل اسمعيني اني حالتي ميؤس منهه ي راح اضل طول عمري نايم هيج يعني حتى للشغل ماكدر اطلع كليلي منو يصرف عليج انتِ وبنتج
على الاقل مابقى شايل همكم ..

كعدت على ركبي كباله وكلت
_ليش تحجي هيج كول يالله والله لو اعرف ابيع  ثوبي العليه في سبيل اسفرك واعالجك يم احسن الدكاتره واذا على المصرف لاتشيل هم دام الله موجود اكيد ماراح ينسى عبده ،،

فرك وجهه وكال
_رفل ااا.اني ،،

حسيت اكو شيء يريد يكوله بس مايكدر حطيت ايدي على كتفه وكلت ..
_ شبيك علي احجيلي انه زوجتك وبيت اسرارك  لاتضم عليه شيء ،،

مسح وجهه وكال
_ماكو شيء اطلعي بره ،،

نزلت راسي وبلعت ريكي ليش هيج
متغيره نفسيته من بعد الحادث طلعت وسديت الباب والدمعه محصوره بعيني ..

ثاني يوم ام علي راحت البيتهم ..
علي تغير وياي تغيير جذري ليش مادري ..
دائما اشوفه يحاول يوكف بس مايكدر ..
كلت الياسين اخذه ل للهند علمود العلاج
بس صدمني ب كلامه ..

_رفل دكتور احمد دكتور مضبوط ومقتدر وعنده شهادات تسد عين الشمس بشهادته

وبشهاده اكثر من طبيب حاله علي مالهه علاج كال لا ترحون وتعبون نفسكم اذا سويتوله عمليه راح تسوء حالته اكثر وتأثر عليه ..

كتله
_ياسين لاتعتمد على كلام الدكاتره الي بالعراق ترا كلهم مطايه ماحشى الزينين كلشي مايعرفون اخذه فدوه ..

_اسمعي اكو دكتور بالهند هذا اسطه وشغله مضبوط راح اراسله وااكله على حاله علي ونشوف ..

_اي فدوه والله مانسالك هل فضل ،،

راح ياسين ومن يومهه انه لا ليلي ليل ولا نهاري نهار اتاني شوكت يرجعلي الخبر ..
اليوم الصبح طلعت وكلت فطومه واخذت صينيه العلي فتحت الباب شفته يحاول يكوم