#اوهام الحب

بارت 20

#بقلم
#ايزابيل
#العشرون
《اوهام الحب 》
..
اتبكي ؟
لا بأس ،انها غيمه في اعماقك
ترشح عبر عينك دمعا ..
وبعدها يعود النسيان وتعود الابتسامه
وتنسى كل شيء ،،،
..
الم يعصر بكلبي وروحي سادهه الحزن
دموعي تنزل مو حبا واشتياقا اله لا
ابجي على نفسي ماشفت شيء حلو بحياتي
وكله جان من ايدي انه وهمت نفسي انو
ادم يحبني وخليته يكمل لعبته براسي ..

انه رخصت نفسي وانه النطيته مجال
ليش ؟لان جان كل الي ابالي ميريد كاريس
واذا تزوجهه راح يضلمهه لان ميحبهه
وبعدهه يتزوجني بس طلعت انه الخطيه
انه المايريدني ..

بجيت بحركه على نفسي اليوم
الحنه وهو فرحان ويضحك وي الكل
بس انه الطلت خسرانه وصفر باليد احصان ..
كلشي ماحصلت بس الهم ..

دخلت يقين للحجره شافتني
كاعده بالكاع ابجي كعدت بصفي
وكالت ..: رفل والله مايستاهل دمعه وحده
من عينج ،،

رفعت عيني مصدومه
كلتلهه ؛انتي شتحجين ؟؟

_ترا انه ادري بيج تحبين ادم ..

كلتلهه بشهكه
_اهوو يقين شتحجين  هو رجال متزوج شحب منه انه ،،

_كافي عاد رفل تره انه بنت عمج واختج ليش تضمين عليه ..

خليت جفوف اديه على وجهي
وبجيت : يقين كافي ماريد احجي بي كلبي يوجعني عوفيني اعاقب نفسي بنفسي لان انه سبب دماري ...

_ليش تعاقبين نفسج عاقبي هو لان جذب عليج وخدعج ؟

_بس هو يكلي جذبت عليج حتى ما اخسرج؟

سحبت نفس وكالت
_انتي ليمتى تضلين عوبه ولج لو انه منج غير العب بيه جوله وحك علي اصعد للسطح واذبه على بيت ابو سمير المطيرجي ..

ضحكت من بين دموعي وكلت
_انتي ياهو يصير مثلج ؟؟

ضربتني على ايدي وكالت
_دكومي ست عوبه بدلي وعدلي وجهج وطلعي ..

_ماريد يقين روحي انتي انه راح انام..

جرتني من ايدي وكالت
_اهوو دكومي لج لا اجيب الصونده اليابسهه العبهه على ضهرج ..

كمت وياهه وانه اضغط على روحي
اي انه اعترف انه مو قويه لدرجه
اشوفه كاعد يمهه واتمالك اعصابي
انه موقويه ضعيييييفه واعترررف ..

كمت طلعتلي يقين فستان
ماروني بينسل وبي تول كلش
حلو لاول مره احط حمره هيج قوويه
لون ماروني لبست حذاء فلات اسود ..
لان مالبس كعب ..

طلعت وي يقين بنتي فطومه
لابسه بدله ورديه وتروح منا وتجي
منا شلون البطه ..

باوعت الكاريس كاعده وتتموع ..
بدلته حيل مشلحه شلون لابستهه
مادري ..

شويه ودخل ادم كلشي بيه رعش
شكد حاولت ابعد نضري عنه بس ماكدرت
بس توالت الاحداث براسي وتذكرت كل
كلامه جان يكلياهه وشلون يوعدني
يتزوجني ..