#اوهام الحب

بارت 18

#بقلم
#ايزابيل
《اوهام الحب 》
..
سأخبرهُم أنك أجَمل حب.
.لازم قلبي يوماً ♥️ء.

..
عيوني احس عليهن طبقه خواش
وين انه وشصاير فركت عيوني ..

حسيت على ايد شخص ايطبطب على
خدي خليت ايدي على الحايط ورفعت
جسمي عن الكاع ..

ادم جان كاعد ركبه ونص
ولازمني وكاريس واكفه على الباب
ومنتجيه وتهز بنفسهه ..

لزمت ايدي ادم وبعدتهه عني
بقوه مسحت ادموعي الجانت متكدسه
على خدودي ..

كال ادم
_ شبيج رفل ليش واكعه ؟؟

شهكت ورجعت ايدي على الحايط
ماريد استند على احد اريد استند على
نفسي لان محد يفيد الكل خاين الكل
راح يصيرلي حايط راخي يوم الاستند علي ..

عنت نفسي وكمت كالت كاريس ..
_وانت اشبيج واكعه بباب الغرفه لازم كنتي تتصنتين علينه ..

خزرهه ادم وكال
_كاريس سدي حلكج وانجبي ،،،

عوجت حلكه بمياعه وكالت ..
_اش قلت انا ،،

سحبت نفس باوعت عليهه
وكلت :ماجنت اتصنت عليج بس جنت انضف الممر ودخت ووكعت ..

عيون ادم تلاحكني بخوف
زين اذا هو هلكد خايف عليه ويحبني
ليش جذب عليه ؟ ووهمني بأنه يطلك كاريس

ليش خلاني ابني احلامي علي ليش خلاني ادعي بكل صلاتي ربي يجمعنه سوا ..

مشيت عنهم بخطوات بطيئه
متثاقله كأني شايله جبل على ضهري ..

دموعي مافاركتني شفت رائده واكفه تعجن عجينه كباب وتكول بهمس ..:والله وسويتهه يا رائده ووكعتي فيان هههههه ...

حرت بكلامهه شنو قصدهه يعني
ماهتميت رجعت لغرفتي ..
مددت بفراشي شنو الغلط السويته بحياتي
حتى اتعذب هلكد اول شيء علي وعذابه الي
ضربني هاني عذبني اذاني وهسه ادم وهمني

بحبه الي وجذب عليه تحت مسمى الحب ..
جان طول هالفتره يخدعني وانه غبييييه اي اكبر غبيه بكلمتين منه انسه امي وابويه ..

دفنت راسي بالمخده وبجيت بكل
حركه كلب احس كلبي يتكطع ويتمزق
مثل وصله ونكطعهه ..

ربي ماريدك تضيع حوبه دمعتي
انه يتيمه ومضلونه ومالي عون وسند غيرك

اريدك اطلع كل هالعذااب بالعذبوني وتجازيهم

بأاسوء منه والله مليت وتعبت من كثر الهم
وألم لما القدر يعيشك بس الم وكتمان وحرمان ...تحس نفسك مشؤم وغلط انك
تعيش ..

مغفله انه وثوله لان ضحك عليه ..
وعيشني اوهام من المستحيل تتحقق ..

كانت فقط مثل اضغاث احلام ..
حلم حلو اخزنه بذاكرتي واتحلم بي
بس يبقى اصغاث ؟؟..