#اوهام الحب

بارت 29

#بقلم
#ايزابيل
《اوهام الحب 》
..
عـفتي الـچان اذا تبچين يـوگع حيله اذا عاين ع عـيونچ.!..

..
تعشيت وكمت اغسل الامواعين ..
فطومه نامت من وكت لان باجر عيد ..

وهي فرحانه الملابس الدزهن علي الهه
لازمتهن وتفتر بيهن وانه اضحك عليهه وفرحانه على فرحتهه..

يقين فرحانه وحايره شتسوي لان ثاني
يوم العيد زواجهه هي وذيب البساتين ..
صارلهه اسبوعين تفتر وتجهز ماخلت شيء
ماجابته..

جدي دمعته بعينه يكول شلون راح اكدر
افاركجن لان ثنينه راح نتزوج ب بغداد ..

ياسين يكعد هو ويقين ببيته الي بغداد
عفت رسل تسعف بالمطبخ ودخلت للحجره
حضرت ملابسي الي دزهن الي علي للعيد ..
سمعت رنت المبايل جاوبت وكلت ..بهمس

..الوو

جاوبني
..الو هلا حبيبتي شلونج ؟؟

كعدت على الجربايه وجاوبت
..هلاو الحمدالله تمام وانت َ ،،

..تمام بسماع صوتج صدك حضري نفسج باجر اجي اخذج ونطلع ،،

كتله بستغراب
..وين ؟

..شبيج حبي غير عيد نطلع نفتر شويه ولليل نرجع ،،

..جدي مايقبل ،

..هههه شبيج بابا ترا انتِ زوجتي واني عاقد عليج يعني من باجر اكدر اخذج واخليج ببيتي بس غير منتضره يكمل ،،

جريت نفس وكلت
..علي انه ماحب اطلع واكرهه الطلعه بره البيت وباجر يجونه خطار وعرس يقين عكبه يعني وراي شغل لهامتي (كصتي ) ..

كال
..شنو لازم مكعدينج يمهم خدامه واني مدري صدك تحجين بدون كلام باجر ب 10 تمام

..ماشي يله تصبح على خير ،،

..وانتِ بخير يالخير ،،

سديت من علي وحطيت راسي
على المخده كعدت من الصبح البيت
هوووسه وشيء طالعه شيء طابه ..
والكليجه ماعون يروح وماعون يجي ..

نخبصت خبص المطبخ ماعفته
اقبال ورائده مخلياتني بالمطبخ ياهو يجي

اصبله كليجه وجاي لو غده وغسلت الكاع مال المطبخ لان فهد يكول بيهه زيت مع العلم البارحه غاسلتهه ..

جنت منهلكه بالشغل رافعه دشداشتي
واغسل بالكاع دخل جدي كمت بسرعه
نزلت دشداشتي وكلت ..

_ ها جدي محتاج شيء ؟

كالي
..لا جدي بس علي منتضرج بره ،،

باوعت لملابسي وشكلي اجيت اكله
خلي يروح ماكدر اطلعله بس اجت رسل
شاورتني بهمس ..

..رفل روحي انه اكمل ،،

..لا روحي انه اكمل ماكو داعي ..

دفعتني وكالت
..انجبي وروحي بدلي على السريع انه شعندي شو كاعده وساكته ..