#اوهام الحب

البارت 10

#بقلم
#ايزابيل
#البارت العاشر
《اوهام الحب 》

..
عيناك لها سحر خاص لا يراه سواي
تخربط كل مافي جسدي وروحي..
عندما نضرت الي ناضريك ..

..
غلقت عيوني طاحت دمعه من عيني
عصرت ايدي واني اسمع صوته يكلي
اوكفي درته واني امسح بدموعي شفته
واكف واديه بجيبه كال ..

_منو انتي ؟!

جاوبته بعصبيه : شعليك تره انته داخل لبستانه وكاعد تسألني منو اني انته المنو وكاعد تسألني ..

انرسمت ابتسامه على طرف شفايفه
وجاولني بسخريه ..:تعرفيني كلش زين
ليش انه جاي اسألج منو انتي تره وعضمه محمد لو افتح حلكي بكلمه وحده اخليهم يودوج وره الشمس ..

كتله برتباك :انته شبيك شدتحجي اني لا اعرفك ولا تعرفني شكو لاحكني ؟!

تقرب مني بعصبيه لزمني من ايدي
رجفت كلي وباوعتله بصدمه شلون
لازم ايدي جريتهه منه وكلت : انته شلون تتجرء تلزم ايدي هيج ؟!

كال بصوت اشبه للهمس : عوفنيه من هاذا الكلام كليلي ليش ضربتي عادل ؟!

كلت بكلبي خلي اكله هو تحرش بيه
حتى يعرف اخو هو الغلطان وينسد الموضوع

: هو اخوك تحرش بيه والله العضيم ..

صاح بوجهي : لتجذبين لج ، عادل حجالي كلشي بس حبيت اسمع الكلام منج ،..

كتله ب بخزره : وهسه شتريد ؟!

طلع ايده من جيبه ومسح على لحيته
كال : حضري نفسج باجر جايين نخطبج وقسما برب الكعبه اذا ماوافقتي راسج اكسره

كال هيج وراح ضليت واكفه اباوع
علي شلون راح السيارته ساقهه وطلع
حسيت روحي راح يغمى عليه من الفرحه
يالله مامصدكه فارس راح يخطبني ..

عمي والله موافقه وابصملك بالعشره عليمن
تكسر راسي اني اكسر راسي بيدي اذا ما وافقت .

رحت للبيت امسح دموعي واضحك
بس وكفتني فكره جانت ادور ابالي ؟!
فارس ليش كلي منو انتي ؟! وهو اصلا حتى
من انضرب عادل ماجان يعرفني زين اذا
مايعرفني شلون دزلي رساله ؟!

كعدت على السرير ولزمت راسي واني افكر
زين شلون راح يخطبني اذا مايعرفني بس لالا هو اكيد عرفني لان صار مرتين يشوفني اطلع من هاذا البيت وعرف اني احد حفيدات جنكال ،، جنت دايخه حيل اسأل نفسي واجاوب كعدت رفل فركت عيونهه وكالت ..

_ فيان شعدج كاعده هيج وكت مو من عادتج ؟!

من الفرحه خرطتهن الهه بسرعه : فارس اجه خطبني ،،

شمرت الغطه وكامت على حيلهه :شلووووووون

سديت حلكهه بيدي وكلت : ااش ولج فضحتيني اكعدي احجيلج كولشي ..