#اوهام الحب

البارت 44

# بقلم
# ايزابيل
# الجزء الثاني
《اوهام الحب 》

بدون مراجعه غلسوا
قرائه متروسه عسل مثلكم 💎💎
..
اوصيكم وصيه وكل اجر ماريد ..
لاتزرع ورد يم ناس ماتشتم ..
..

لزمت الدرج اريد اوازن نفسي بس
ماكدرت ددخت ووكعت ..

كعدت على اثر ضربه امي لخدي
كعدت مثل المفجوعه مخبله

او متيهه اي اني متيهه ابني
اغلى شيء على كلبيي ..

ضليت اصرخ بوجهه امي
_ شبيي ابنييي لاتكوليلي تمرض لو صار شيء والله اموت ورا ..

جرت راسي وحضنته واني
مفرفحه بالكاع ..

ادم :فيان مابي شيء لاتهتمين بس مصخن من البارحه ومودينه للمستشفى اليوم ..

كمت واني واكفه على الدرج
_ شلووون ماهتم شلوون لك هذا ابنيييي ،،

احس دموعي دوكع
تنصب فوك كلبي وتجوي بي
فوك النار الاسعه بي ..

نزلت الأادم لزمت ايده وكلت بترجي
_ ادم ودينييي عليك الله ابوس ايدك اريد اشوف ابنيي فدوه عليك الله ..

ادم : اشش ماكو داعيي تتوسلين البسي هسه اخذج يله ..

بلعت ريكي وردت اصعدت بس ماكدر
رجليه ماعانتني ..صعدت امي جابتلي
صايه وشال لبستهن .
.على السريع وطلعت وي ادم

نمشي بالسياره وكل شويه اكول
الأادم استعجل ابنيي خاف صار

بي شيء ..والدموع مافاركتنيي لحضه .
شكد مشتاقتله ..

بعد طريق طويل ماكدرت
اضل كاعده لااارادياً غمضت
عيوني ورحت بسبات كعدت على
اثر ندهات ادم الي ..

_ فياان اكعددي ،،

كعدت مثل المخبله واني
اهتف بأاسم حسوني ..
باوعت ادم جايبلي كيكه وعصير وبطل مي ..

ادم :ماكو محل هنا غير هذا جبتلج كيكه وعصير كعدي اكليهن ..

هزيت راسي ب لا وجريت
بطل المي :ماريد بس مي ..

ادم :لج اكليهه عاد بس الكيكه لتروحين تتخربطين وانتي مااشاء الله صرفتي دموع
بكد نهر الفرات ..

بجيت على كلامه وكلت
_ ادم ابنيي والله مشتاقتله وخايفه عليي ..

جر راسي وحضنيي
نفجرت بالبجي ولوعه بكلبي اريدهه
تطلع ..

رجيت راسي بجام السياره
وبيدي بطل المي بارد حيل

ضغطت علي بكل قوتي تمنيت
هالبروده توصل الكلبي واطفي
النار الي بي ..

بعد طول الطريق وصلنه للعماره ..
بمجرد ما وكفت السياره كبال

بيتهم فتحت الباب واجيت انزل
عثرت وردت اوكع على وجهي
بس لزمت الباب وسيطرت ..