#اوهام الحب

البارت 39

#بقلم
# ايزابيل
# الجزء الثاني
《 اوهام الحب 》
..
جنت نايمه على ضهري والألم موتني
تذكرت قبل نص ساعه من دزت بيبي على القابله وولدتني ..

لتفتت على طفلي وابتسمت ..
جدو اجه باركلي وعمامي هم ..
ماما خابرتني وكالت باجر جايتج ..
مر اليوم بين الوجع الي موتني وبين
فرحتي بأبني ..

ثاني يوم اجاني عادل تقريباً الضهريه
سلم وكعد كال
_ الحمدالله على السلامه ،،

جاوبته من ورا خشمي
_ الله يسلمك ..

كال
_ حضري نفسج يله ترحين وياي ،،

درتله متفاجئه وكلت
_ اروح وياك ؟؟

_ اي ليش عندج اعتراض مو كلتي بس اولد ارجع هاي ولدتي يله خلي نتوكل ..

_ خلي تطلع الاربعين يله ،،

_ فيان ترا كلبي خلصان منج فضيني دنروح ..

_ كتلك تطلع الاربعين  ،،

_ اربعينيشش اربعين الخلفوج بس هالاسبوع واجيج ،،

هزيت راسي بمعني أي ..
كام باس الطفل وكال
_ سميتوا ؟

_ لا بعدنه ،،

_راح اسمي حسين ،،

هزيت راسي وكلت :- اي حلو

انطاني فلوس مال حليب وحفاضات وراح ..
للمغرب اجت امي باركتلي وفرحت حيل ..
ادم هم خابرني باركلي وكال هديته يمي من ارجع ...

مر الاسبوع عبالك يوم اجاني عادل ورجعت ويا للبيت بيومهه خاتون سوت روحهه ميته علي وتحبه تبوس بي لتفتت وشفت زهراء كبالي تفاجءت  هاي شوكت سوو العرس ..
تذكرت لما جدو ذاك اليوم كال فارس عزمني على عرسه ..

دخلت للغرفه حطيت حسوني بفراشه
واني تمددت على الجربايه سمعت مريم
صاحتني على الغده..

لبست شالي وطلعت ..
جانوا كلهم ملتمين على السفره ..
كعدت وبديت اكل شفت خاتون
ادور على مركه جانت بصفي كاسه ..

جريت المملحه وماخليت احد ينتبهلي ..
ترستهه ملح انتبهت عادل يباوعلي ..
غلست وشلت المركه انطيتهه الخاتون ...

نزلت راسي احرك بالتمن ..
سمعت صوت شحطه قويه وصوت يكول
_ فيان شحاطه بالمركه ..

رفعت راسي جانت خاتون
كلت الهه
_ مو اني ركبت؟

_ ادري بس الكاسه الي انطيتينياهه متروسه ملح وبس هاي ،،

رفعت اكتافي وكلت
_ والله مادري ؟؟

كالت بنتر
_ دحلفي ،،

قلصت عيوني وكلت
_ وادعت عادل ،،

كلت هيج وكمت بسرعه واني اضحك ..
دخلت للمطبخ فتحت البوري اغسل ..
حسيت ادين صارت داخل اديه ..
نتبهت هذا عادل عصر كفوف اديه حيل
داخل ادي لتفتت وكلت
_ ترا ضايقتني شبيك ؟