မိုးနတ်သား၏ ကြယ်နှင်တံ [Completed]

22[U]

♪ ♪ မေမြို့ သို့မဟုတ် ပြင်ဦးလွင်
တိမ်ခိုးလေးများ ခြုံသိုင်းပါလို့ဆင်
ပန်းကမ္ဘာမျှော်စင် စခန်းသာခေါ်တွင်
မြွေလိမ်မြွေကောက် လမ်းကလေးများ
ဖြတ်ကာကျော်ခဲ့ရင် မြေပြင်ချိုင့်ဝှမ်း မန္တလေး
အဝေးမှာ မှုန်ဝါးမြင် ♪ ♪

ဒီနေ့က နယုန် ဦးကိုပူဆာတဲ့အတိုင်း မန္တလေးကနေ
ပြင်ဦးလွင်ကို ခရီးထွက်လာကြတဲ့နေ့ပါ။ ကြီးမွန်က
ပြင်ဦးလွင်ကို ရောက်ဖူးလို့ နယုန်တို့နဲ့ လိုက်မလာ
တော့ဘဲ အိမ်စောင့်ကျန်ရစ်ခဲ့သည်။ ဦးနှင့် နှစ်ယောက်အတူ ပထမဆုံးခရီးထွက်ဖူးတာမို့ နယုန့်စိတ်ထဲ ဦးနှင့်အတူ ဟန်းနီးမွန်းခရီး ထွက်နေရသလို ပျော်ရွှင်နေမိ သည်။

" ကလေး အရမ်းပျော်နေတယ် ဟုတ်လား
သီချင်း တညည်းညည်းနဲ့ "

" ပျော်တာပေါ့ ဦးရဲ့၊ ကျွန်တော် ပြင်ဦးလွင်ကို အရမ်းရောက်ဖူးချင်တာ၊ ပြင်ဦးလွင်က ပန်းပေါင်းစုံပွင့်ပြီး အရမ်းလှတယ် ဆိုလို့လေ "

" မန္တလေးနဲ့ ပြင်ဦးလွင်က နီးနီးလေး ကလေးရဲ့၊
ခဏနေ ရောက်တော့မယ် "

နယုန် အံ့သြရပါသည်။ မန္တလေးကနေ မနက် ၈ နာရီ
ထွက်လာကြတာ အခုမှ ၉ နာရီခွဲပဲ ရှိသေးတာကို ဦးက ပြင်ဦးလွင် ရောက်တော့မည်တဲ့။ပြင်ဦးလွင်တောင်စခန်းမြို့လေးနဲ့ နီးလာလေလေ တောင်အောက်မှာကျန်ခဲ့သော နယုန်တို့ရဲ့ မန္တလေးမြို့ကြီးကို မှုန်ပျပျသာ မြင်ရတော့သည်။

"ဦး .. ဦး ၊ ဟိုမှာ မြို့အဝင် ဆိုင်းဘုတ်ကြီး "

နယုန် ဝမ်းသာအားရ ပြင်ဦးလွင် မြို့အဝင်ဆိုင်းဘုတ်ကြီးကို လက်ညှိုးထိုးပြလိုက်တာနဲ့ ဦးက ကားကို လမ်းဘေးထိုးရပ်ပေးသည်။ နယုန်က ကားပေါ်က ဆင်းပြီး ဆိုင်း ဘုတ်ကြီးဆီ ပြေးသွားလိုက်သည်။

" ဖုန်းပေး ... ရိုက်ပေးမယ် "

ဦးက နယုန့်ကို ပြင်ဦးလွင် မြို့အဝင်ဆိုင်းဘုတ်နှင့် အမှတ်တရ ဓာတ်ပုံရိုက်ပေးသည်။ နယုန် အရမ်းပျော်နေသည်။

" ကလေး .. ကားပေါ်တက် ခရီးဆက်ကြမယ် "

" ဟုတ် .. ဦး "