Oxytocin (JaDine AU)

24 - Surgery

Maaga kaming nagising kinabukasan--actually siguro 3 hours lang kami nakatulog. Need pa kasi naming magready for Surgery. 5:30 AM ang call time dun at kaylangan pa namin bumyahe pabalik.

Buti na lang from duty status kami ni Mark at Freia. Ang matindi si Hannah na duty agad. Pero gets ko din naman, malayo din kasi siya sa family niya so dito na lang siya nag-New Year kasama namin.

Umalis na kami dun around 5AM at dumerecho sa CMH. Ang tagal ko ding di nakabalik sa hospital na to.

Pumunta naman na kami agad sa Surgery office at andun na rin yung ibang Team R at si Doc Chard at nagstart na sila mag-orient. Pero inulit naman ni Doc Chard para sa amin.

Sinabi lang niya yung magiging schedule namin. Kung kelan ang conferences: Monday Neuro conference, Wednesday Mortality and Morbidity, Thursday Preop conference. Tuesdays and Fridays ang OR day ng surgery, pero everyday mag OR pa din. Everyday may rounds kami. 6AM sa umaga may rounds kasama lahat ng residents. Sa hapon bago umuwi ang mga hindi duty, may rounds uli. Teaching rounds na so usually daw seniors and clerks ang kasama and clerks ang mag-eendorse ng patients.

Mukhang hindi pa tapos yung orientation sa amin pero may sumilip sa confe room na I think is a first year resident. Tinawag niya si Doc Chard at rounds na daw. Sabi naman ni Doc Chard na sumama kami para mapanood namin kung anong ginagawa. Andito pa kasi yung previous clerks so kasama pa rin sila sa rounds.

Napanood naman namin sila na sila mismo nag-eendorse ng patients nila. May mga ganito naman na kami sa previous rotations namin pero hindi ganito kathorough. Kabisado nila mga ginawa sa patients nila and ano ang current status. Mukhang talagang need namin mag-aral sa rotation na to.

Mabilis lang yung endorsement per patient pero since bedside endorsement, matagal yung rounds dahil inikot namin yung buong ward pati PACU and SICU.

After naman nun, sinabihan kami ni Doc Chard na magtanong na lang if may di pa naintindihan at na magegets naman namin ang routine as time went on. Then sinabihan niya yung previous clerks na mag-endorse din sa'min. Kaso nagmamadali din sila kasi need nila pumunta na din sa OB.

Si Lian, yung isa sa previous clerks, nagtanong naman. "Sinong from ngayon?"

"Kami." Sabi naman ni Mark.

Lumapit naman sa amin si Lian. Mabilisan lang siyang nag-endorse, "Swerte kayo sa 1st year res. Super bait ni Doc Ed. Pero basta alagaan niyo rin yun kasi nakakalimutan nun kumain lagi. Anyway, ganun sa umaga. May endorsements--lahat kayo maaassign-an ng patients, basta tutukan niyo lang." Sabi niya.

"7am magstart na mga OR. Kaya nagmamadali rin si Doc Chard. Neurosurgery rotator kasi yun. Siya nga pala 2nd year resident niyo." Sabi pa niya. "Anyway, start ang surgeries ng 7am. Pag OR day, by assignment din ang cases, regardless of status. Pero pag-5pm na or after ng afternoon rounds at duty hours na, lahat ng cases dun na sa assigned sa OR. Isa sa inyo ER, isa wards, isa OR."

Nagnod lang ako kasi nagmamadali talaga siya.

"Okay lahat ng seniors niyo, mababait. Swerte tayo kasi ang nagbago na Chief Res sa atin--yung dati kasi sobrang tapang. Anyway, okay yang si Doc Rusty. Senior niyo si Doc Lyca, yung asawa niya. 4th year niyo si Doc Mira." Sabi niya. "Ayun lang guys, text na lang kayo if may tanong pa kayo. Need ko na talagang umalis."

Wala naman na kami nagawa kundi mag-nod.

Kaso dun pa lang medyo lito na kami. From duty kami ngayon--usually paperworks ang from duty pero hindi ata ganun dito. San kami dapat pumunta?

"From kayo?" May nagtanong naman bigla. Lumingon ako at nakita ko yung tumawag kanina kay Doc Chard.

"Opo, Doc." Sabi naman ni Freia.