Unicode...
>>>>>>>>
.
.
မနက်ခင်းရဲ့နေရောင်က သုသုကျောပြင်ကိုရောက်လာတာမို့ ဇိုင်းလက်နဲ့ကာထားပေးလိုက်သည်။ ကျောပြင်ပူနေတာတောင် ကလေးတစ်ယောက်လိုချစ်ဖို့ကောင်းပြီးအိပ်မောကျနေတဲ့ ဇေသုတ ကို ကြည့်ပြီး ဦးဇိုင်း မနက်ခင်းအေးချမ်းနေသည်။ ထိုအတူ အမှတ်တမဲ့ လက်ကလေးကိုအကြည့်ရောက်သွားတော့ လက်စွပ်လေးနဲ့လက်ကလေးဟာ ညကထက်ပင် ပို၍လိုက်ဖက်နေသယောင်မို့ ဦးဇိုင်း မြတ်နိုးစွာနမ်းရှိုက်လိုက်သည်။
"အင်းးး မောနင်း ကိုကို "
"မောနင်း ကလေးလေး"
ဇိုင်း သုသုနှာဖူးလေးကိုနမ်းရင်း ထလိုက်သည်။
"ညက ကိုကိုဘယ်အချိန်ပြန်လာတာလဲဟင်.. ကလေးစောင့်နေသေးတယ်.. အိပ်ချင်လို့အိပ်ပျော်သွားတာ ဟီးးး"
အိပ်ချင်မူးတူးလေးနဲ့ထထိုင်ပြီး ဇိုင်းကိုပြောနေတဲ့ပုံလေးက ပကတိအရုပ်ကလေးတိုင်းပဲ အရမ်းချစ်ဖို့ကောင်းနေသည်။
"ညက ကိုကိုပြန်လာတာနောက်ကျတယ်..နောက်တစ်ခါကိုကို့ကိုစောင့်မနေနဲ့နော် ကိုကို့ကြောင့် ကလေးအိပ်ရေးပျက်မှာစိုးလို့"
"ဟီးး ဟုတ်"
ပြောပြီးမှ သူ့လက်ကလေးကိုကြည့်ပီး လက်စွပ်လေးကိုအခုမှမြင်ပုံရတယ် သေချာကြည့်နေသည်။
"ကိုကို ဒါက..."
"ကိုကို ကလေးနဲ့ဆင်တူလေး၀တ်ချင်လို့ ၀ယ်လာတာလေ ဒီမှာ ကိုကို လဲ၀တ်ထားတယ်"
ပြောပြီး ဇိုင်း လက်ထုတ်ပြသည်။ သုသုကတော့ ဇိုင်းလက်ကိုကြည့်လိုက် သူ့လက်ကိုကြည့်လိုက်နှင့်အံသြနေသည်။
"လက်စွပ်လေးက အခုခေတ်ပုံစံလေးနဲ့မတူဘူးနော်..ကိုကို တမျိုးလေးပဲအရောင်လေးကလဲတစ်မျိုးလေး..ထူးထူးခြားခြားတောက်ပနေသလိုပဲ"
သုသု လက်စွပ်လေးကိုသဘောကျပြီးပြုံးနေသည်မို့ ဇိုင်းစိတ်ထဲပျော်သွားသည်။
"ကလေး သဘောကျရဲ့လား ကိုကို ကလေးမကြိုက်မှာစိုးရိမ်နေတာ"
"ကလေး သဘောကျတယ်"
YOU ARE READING
ကိုကိုရဲ့ကလေးငယ် S1 [ Completed ]
Romance#Dec - 20 - 2019 #Moewathan #Art by Maythitsar🌹 ယခုဇာတ်လမ်းတွင်ပါဝင်သော အကြောင်းအရာများနှင့် ဇာတ်လမ်း ဇာတ်ကွက်များဟာ စာရေးသူ၏စိတ်ကူးယဥ်သက်သက်သာဖြစ်ပါသည်။
![ကိုကိုရဲ့ကလေးငယ် S1 [ Completed ]](https://img.wattpad.com/cover/203669936-64-k359748.jpg)