ကိုကိုရဲ့ကလေးငယ် S1 [ Completed ]

❤ ကိုကိုရဲ့ကလေးငယ် ၁ ❤

Unicode....
>>>>>>>>>

.
.

နွေဦးရာသီမှာ ထွန်းလင်းတဲ့ နေရဲ့အနွေးဓာတ်ဟာ ဇေသုတ အခန်းကျဉ်းကျဉ်းလေးရဲ့ ပြတင်းပေါက်မှာနေရာယူထားတာကြောင့် အိပ်ရာထဲကနေ မျက်လုံးဖွင့်ကြည့်လိုက်သည်။

ပြတင်းပေါက် ကြည့်လိုက်စဉ်နေအတော်မြင့်နေပြီးမို့ ဇေသုတ အလောတကြီးအိပ်ရာထပြီးလုပ်စရာရှိတာမြန်မြန်ရသည်။

ဇေသုတ အသက် ၁၄ နှစ်မှာ ဖေဖေနဲ့မေမေဆုံးသွားကတည်းက ဖေဖေ့အကို ဦးလေးဖြစ်သူ ရယ် သူ့မိန်းမဖြစ်သူနဲ့ အကို ဝမ်းကွဲတစ်​ယောက် အမဝမ်းကွဲတစ်​ယောက်နဲ့ပါ အတူနေထိုင်ခဲ့ရတယ်။

အစပိုင်းမှာတော့ဦးလေးမိန်းမဖြစ်သူက ဖေဖေနဲ့မေမေရဲ့အမွေဆိုင်အိမ်ကြောင့် ကြည်ဖြူခဲ့ပေမယ့်အခုအခါမှာတော့မဟုတ်။ အခုလက်ရှိကျောင်းဆက်တတ်နိုင်တာကလဲ မေမေ့ အမကြီးအဝေးကထောက်ပံ့သည်မို့ ဇေသုတ ကျောင်းဆက်တတ်နိုင်ခဲ့သည်။

ဖေဖေနဲ့မေမေရှိစဉ်တုန်းက ခြေမွှေးမီမလောင် လက်မွှေးမီးမလောင်ထားခဲ့ပေမယ့် အခုလက်ရှိဒီအိမ်မှာတော့ ဇေသုတ က အိမ်အကူသာသာပါ။
အမ၀မ်းကွဲနဲ့အကို၀မ်းကွဲရဲ့တောက်တိုမယ်ရလုပ်ပေးရ အိမ်သန့်ရှင်းရေးလုပ်ပေးရတဲ့အပြင် ချက်ပြုတ်နည်းပါသင်ပေးထားတဲ့ဒေါ်ဒေါ်ကသိပ်ကိုလည်တာပဲ။

မနက်မိုးလင်းရင် သူတို့အတွက်မနက်စာမပြင်ပဲသွားရင်လဲ ပြန်လာရင်ဒေါ်ဒေါ်က ထပ်ဆူမှာကြောင့် ​​ဇေသုတ မနက်စာပြင်ပြီးမြန်မြန်ကျောင်းသို့ထွက်လာသည်။

အဲ့တာကျွန်တော်​ဇေသုတနေ့စဉ်လည်ပတ်နေရတဲ့ဘ၀ပေါ့။ ဟူးးး အခုလဲထပ်ပြီးကျောင်းနောက်ကျနေပြန်ပါပြီ။ ထို့ကြောင့် မနက်စာတောင်မစားခဲ့ပဲကျောင်းသို့အပြေးတပိုင်းရောက်လာသည်။

အခန်းထဲမှာတောင်ဆရာမရောက်နှင့်နေပြီပဲ..

"ဆရာမဗျ သား ကျောင်းနောက်ကျလို့ ၀င်ခွင့်ပြုပါဗျ"

" သား သုသု ဒီနေ့လည်းနောက်ကျပြန်ပီနော် နောက်တစ်ခါဆို သားကိုဆရာမအပြစ်ပေးတော့မယ် ဟွင်းး "

" ဟုတ်ကဲ့ပါဗျ သားနောက်တစ်ခါဆင်ခြင်ပါ့မယ် ဆရာမ "

ဒီက ဆရာ/ဆရာမအားလုံးက ဇေသုတ ကို သုသု လို့ပဲအားလုံးခေါ်ကျတယ်။ သူငယ်ချင်းတွေကြားမှာတော့ ပိုးဟတ်ဖြူလို့ခေါ်တာပေါ့။