البداية
في هذاك الحي البسيط و الهادئ تنوض بطلتنا تغسل وجهها و تروح للكوزينة توجد القهوة و تحطها فوق الطابلة
ايار : اهه ماما صباح الخير
نجمة : صباح نور بنتي
ايار : انا نروح نوض وائل نعرفو مينوضش
وائل هو وليد خالة ايار راهو قاعد عندهم يمات
راحت ايار تنوض وائل
ايار : وائل نوض
وائل : امم
ايار : وائل متخلينيش نبدا نعيط
وائل : خلاص هاني نضت
ايار : خمس دقايق نلقاك في الكوزينة
راحت كي لحقت للباب
ايار : وائل خمس دقايق
وائل : خلاص فهمنا
راحت ايار للشمبرة بدلت حوايجها كانت ملابس بسيطة و عادية جينز و تيشيرت بيض و باسكات
منبعد شربت قهوتها سلمت على جدتها و يماها
ايار : ايا باي انا نروح
نجمة : هاكي بنتي شديهم
شافت فيهم لقاتهم دراهم
ايار : لالا ماما مكلاه
نجمة : قلت ديهم علبالي تسحقيهم
ايار : ربي يخليك ليا ماما
خرجت ايار مدار و طريق كامل وهي تخمم في الحالة تاعهم هي متحبش تشد دراهم على يماها تعرف بلي هم قيس قيس و مصروف تاع قرايتها زاد عليهم
دخلت ايار حضرت لي كور تاعها كانت شاطرة في قرايتها و تحب تقرا بزاف و الحلم تاعها باش تولي طبيبة
مع العشية
دخلت ايار للدار ليوم كملت بكري
ايار : وائل وين راهي ماما
وائل : وين علبالي شوفي نتي
راحت لشمبرة تاع يماها ملقات حتى واحد
ايار : نشوف ماني بلاك راهي عندها
هي غير لحقت قدام الباب
نجمة : عييت يا يما خلاص ؛ ملقينا باش نخلصو التريسيتي و المعيشة غلات و المصاريف تاع الجامعة
......
حكيمة : هاكي يابنتي هاذ السنسلة هاذا واش قعدلي في الذهب بيعيها
نجمة : لالا يما هذا واش قعدلك من عند المرحوم بابا خليها
حكيمة : وعلاش نخليها و حنا في وقت ضيق شديها
ايار ( مع روحها ) : وعلاش هكذا ؛ لازم نلقا خدمة و نعاون ماما بزاف عليها مي لازم قبل نقنعها
بدلت حوايجها و قعدت تتفرج مسلسل مع حكيمة
نجمة : يما ايار وائل هيا لعشا دوك يبرد
المهم راحو يتعشاو
ايار : ماما
نجمة : امم
ايار : راني حابة نخدم
نجمة : ايار شحال من خطرة هدرنا في هاذ الحاجة لتهاي بقرايتك
ايار : يا ماما مراحش نخلي قرايتي جوست نخدم في اوقات الفراغ و الويكاند اليامات لي منقراهمش ماما راني نسحق بزاف عفايس لازم نتكل على روحي ؛ ماني هدري معاها
حكيمة : يا مراة خلاص خلي طفلة دير لي حبته هاي قرايتها و مضيعهاش
خزرت فيها شحال
نجمة : ايه خلاص
راحت ايار عنقت يماها
ايار : نحبببك ماماتي
نجمة : زعما
ايار : ماما
نجمة : ههه
يوم جديد :
اليوم ايار بعد مكملت قرايتها راحت تحوس على خدمة مي ملقاتش شغل ماقعدت حتى خدمة لي تروح عندو يا اما ماتوالموش و لا يوالمهاش
رجعت للدار بخيبة امل كبيرة منبعد قررت جوز عند حسنة
__________________________
حسنة : هاذي غيبة يالالة وقيلا نسيتينا
ايار : ههه والو الله غالب القراية ولا ميكفينيش الوقت
حسنة : معليش ؛ وشبيك تباني مقلقة
ايار : ( بدات تحكيلها و تبكي )
حسنة : متبكيش حبيبتي دمعتك غالية خلاص
و عنقتها
حسنة : شوفي انا عندي وحدة قريبتي تخدم عند واحد ناس في قصر نشوف معاها و زيد مدخولها مليح نرمالمون تعاونك اذا حبيتي
ايار : ديري فيا مزية
في الليل :
نروحو دوكا للقصر
طبطب 🚪🚪🚪
فريدة : ادخل
فاتن : مدام حبيت نهدر معاك
فريدة : وي تفضلي و زيد قتلك عيطيلي فريدة
فاتن : مدا... قصدي فريدة نتي ماشي كنتي تحوسي على خدامة لاسر
فريدة ( ضحكت ) : ايه
فاتن : كاينة وحدة مسحقة لهاذ لخدمة
فريدة : قوليلها جي نشوفها المهم تكون عاقلة و مربية هاكي تعرفي اسر لي نجيبوها يحاوزها
فاتن : متقلقيش على حساب واش حكاولي عليها ناس ملاح مي برك تقرا سما كي تكون تقرا متقدرش تجي
فريدة : معليش قوليلها جي هاذ الويكاند اذا تساعدها
فاتن : يعطيك صحة
( فاتن ) : هي مراة كبيرة و تكون رئيسة الخدم كامل يحبوها و يحترموها حتى فريدة تعتبرها صحبتها و اسر حاطها في مقام يماه
بعد يومين :
اليوم اول يوم لايار في خدمتها لجديدة
ايار وصلت قدام لقصر قاعدة تشوف فيه عجبها بزاف
الحارس : وي واش تسحقي
ايار : اهه ... انا ايار ليوم نهاري ليوم في لخدمة هنا
خلاها تدخل قعدت تشوف فيه ملداخل عجبها ديكور و الالوان لي فيه
فاتن : نتي هي ايار
ايار : ايه
فاتن : انا هي لي بعتتك عندي حسنة شوفي دوك تطلعي لفوق تهدري مع مدام فريدة
ايار : ايه خلاص
فاتن : مونيا بنتي ارواحي
مونيا : وي خالتي
فاتن : وصلي ايار لشمبرة مدام فريدة
كيما كان الحال دخلت ايار عند فريدة
ايار : صباح الخير مدام
فريدة : صباح الخير ؛ ايه عرفيني بروحك
ايار : اسم...اسمي ايار و عممري 21 سنة
فريدة : ههه وشبيك خايفة مراحش ناكلك
ضحكت معاها ايار
فريدة : حقا اسمك شباب كيما نتي ؛ بون راح تكوني مسؤولة على اسر وليدي يعني خدمتك هي انه تخدميه هو صح واعر و على هذيك لخدامة لي نجيبوهالو يحاوزها مي نتي تباني بنت فاميلية نتمنى تخدمي خدمتك على اكمل وجه و دوكا تهبطي عند فاتن تزيد تفهمك كثر شروط الخدمة هنا
هبطت ايار عند فاتن
وهي عرفتها على الخدامين تما
فاتن : شوفي بنتي هنا كاين غير مدام فريدة و اسر وليدها نتي راح تكوني مسؤولة على اسر ديري لي يقولك عليه و بالاكي تعارضيه و تزيدي لهدرة معاه متمسيلوش حوايجو ولا اي حاجة تخصو بدون موافقتو و هذا كامل في حدود الخدمة و حاجة واحد اخرى الويكاند تقعديهم هنا
ايار : وشنو
فاتن : مدام فريدة هكذا قالت علبالك مراكيش حتخدمي نهار كامل هنا
ايار : بصح انا مزال مقلت لماما بلي راح نبات هنا
فاتن : معليش من الويكاند تاع سمانة لجاية تولي تقعدي هنا و دوكا تطلعي لفوق تلقاي شمبرته في لخر تاع لكلوار نقيها
كي دخلت ايار لشمبرته
ايار : واو بزاف شابة و كبيرة قيس دارنا كامل
قعدت دور فيها كانت مرتبة و منظمة بزاف
ايار : واش نزيد نقي فيها
حتى سمعت صوت خشين موراها
..... : شكون نتي
يتبع ......
واشرايكم في البداية
خليولي ارائكم و تعليقاتكم
و كل الافكار لي حابين تشوفوها في الكرونيك
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
