حكيمة : ايار سمعي ليماك واش تقول
ايار : نتي متهدريش سمعتي حياتي قاع نامنك خرجتي اكبر كذابة اذا قعدت عندكم ذرة رحمة قولولي شكون هما
نجمة : معلباليش ايار والله معلبالي
ايار : كذاابة
نجمة : ايار مرانيش نكذب
هبطت نجمة عند ايار و حطتلها وجهها بين يديها
نجمة : ايار صدقيني مكانش عندي نية باش نجرحك بصح انا نحبك كثر من روحي قبل 24 سنة زوجوني بسيف لاحمد مكنتش قابلة بصح مكانش عندي خيار بابا الله يرحمو كان انسان متعصب و واعر بزاف تقبلت مصيري وحاولت نوالف حياتي مع احمد جاز شهر عام عامين ثلاثة بصح انا مرفدتش الناس بداو يهدرو و احمد كان حاب بيبي منبعد كان صاحب احمد طبيب تفاهم معاه و و..... و داك من سبيطار كنتي بيبية مكانش عندك بزاف من لي زدتي كي جابك احمد فالاول قالي بلي نتي يتيمة وانا قبلت حبيتك بزااف بالنسبة ليا كنتي بنتي ماشي يتيمة كنا فرحانين بزاف بيك عمرتيلنا حياتنا بصح بعد اكثر من عامين احمد قالي بلي داك و حرمك من عائلتك ضاربت معاه فالاول محبيتش بصح والفتك مقدرتش نبعدك عليا و قلت بلي والديك الحقانيين يكونو والفو غيابك وزيد اذا انكشفت الحقيقة راح ندخلو للحبس احمد قدر يقنعني وانا كنت انانية و والديك منعرفهمش صدقيني
ايار : كيفاش طاوعكم قلبكم ديرو هكذا فيا لوكان قلتولي دوكا منعرفش اصلي منين شكون انا انا بنت حرام ؛ يتيمة ؛ شكون هي عايلتي خليتيني نكره روحي وانا نخمم وعلاش بابا يكرهني وعلاش خلاني
نجمة : ايار متهدريش هكذا بنتي انساي كلش
ايار : مدامني عايشة منسمحلكمش فهمتي
راحت ايار رفدت حوايجها و نجمة تعيط
نجمة : ايار تعيشي متروحيش وتخليني وين تروحي ايار
ايار مكانتش تسمع رفدت حوايجها و خرجت تجاهلت عياط و بكاء تاع نجمة معرفتش كيفاش حتى لقات روحها قدام القصر دخلت قابلتها مونيا
مونيا : ايار وين كنتي تفاهمنا جي بكري .... ايار راني نهدر معاك
ايار كانت تخزر فالفراغ مونيا تهدر معاها وهي في عالم اخر ماحست بحتى حاجة غير بعياط مونيا
مونيا : اياار
_ _ _ _ _ _ _ _ _ _ _ _ _ _ _ _ _ _ _ _ _ _ _ _
بدات ايار تتفاطن لقات فاتن مونيا و فريدة فوقها
مونيا : ايار راكي مليحة كيفاش راكي تحسي
دارتلها ايار براسها ايه
فريدة : خوفتينا عليك ايار
ايار : مدام حبيت نطلب منك حاجة
فريدة : تفضلي
ايار : راني حابة نقعد هنا ماشي غير فالويكاند مي دايمن
فريدة : معندي حتى مشكل بصح يماك علبالها
ايار : ايه
ناضت ايار
فريدة : ايار وين
ايار : لخدمتي
فريدة : لالا ريحي كي تتحسني نوضي
ايار : راني مليحة مدام
ناضت ايار تخدم في خدمتها كانت جسد بلا روح مع العشية طلعت تبدل الفراش تاع اسر كانت تبدل فيه و غايسة حتى دخل اسر
اسر : ايار راني رايح ندوش وجديلي حوايجي .... سمعتي
ايار مكانتش سامعة كامل حتى انها محستلوش كي دخل راح عندها
اسر : وين غايسة مصبح وانا نهدر
ايار : سمحلي مسيو محسيتلكش كي دخلت
اسر : قتلك وجديلي حوايجي
ايار : ايه بيانسور
راحت ايار توجدلو حوايجو دخلت لشمبرة كامل مخصصة لحوايجو جبدتلو حوايج حطتهملو فوق البونك و خرجت في هاذ الوقت كان جا مراد وعايلته رحبت بيهم فريدة منبعد هبط اسر
اسر : مساءالخير مسيو مراد
مراد : واشراك اسر وليدي
اسر : لباس حمدالله
مراد : نعرفك روميسة مرتي و هيثم وليدي كنت شفتهم فالحفل وهاذي عينيا و نور حياتي بنتي نور
اسر : متشرفين
هكذا شوية جاء ليث
قعدو روميسة و فريدة و نور كانو يقسرو مراد و اسر وهيثم و ليث على الخدمة
دخلت ايار
ايار : مدام العشاء واجد
فريدة : دوك نجيو
مراد : اوو الخدامة هنا
هيثم : بابا خلي ايار
نور : هاذي هيا ايار لي ظل تهدر عليها
راحت نور تسلم على ايار
نور : انا نور اخت هيثم سمعت عليك بزاف و كنت حابة نشوفك
مراد : نور شدي بلاصتك بنتي
نور : يا بابا
مراد : نور ريحي ماشي خوك و دوكا نتي تاني
ايار : راني رايحة اصلا مانيش قاعدة متتقلقش
مراد : ديري مزية
اسر : مسيو مراد راك في داري و مدابيك تحترم ناسو ومام لي يخدمو فيه
هيثم : اسر سمحلنا على لي صرا
ناضو يتعشاو
ليث : سمحولي نروح نغسل يدي
راح ليث يغسل يدو شاف مونيا في الكوزينة
ليث : احم
دارت مونيا
مونيا : هذا نتا
ليث : ههه ايه انا
مونيا : واش تسحق
ليث : والو كنت جايز قلت نجي نسلم عليك
مونيا : ودوكا روح
ليث : تتت الطفلة لي كانت تجري مورايا لبارح ليوم راهي تحاوز فيا
مونيا : البارح بارح و اليوم اليوم
دخلت ايار
ايار : مونيا ..... رياض راهو يعيطلك
مونيا : اه هاتي
ليث : شكون رياض هذا
ايار : خطيبها
ليث : تخطبتي مونيا
ايار : ايه تخطبت صباح الخير
ليث : جابلي ربي بلي بلي اسمك ماشي مونيا
ايار : جابلي ربي الطفلة ماهيش حابة تهدر معاك
ليث : ههه كانت تهدر نورمال لوكان ماشي جيتي
مونيا : خلاص
ليث : ديجا روحي لرياض تاعك خليتيه يستنى
هذا هو البارت راني غير نحطلكم في لي بارت ههه متنساونيش بالجام و التعليقات باش تدعموني
الى الملتقى انشاءالله
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
