الخادمة و الزعيم _ باللهجة الجزائرية _

بارت 5

فريدة : عاودت شفت لكاميرات لي فدار و تاكدت بلي ماشي نتي بصح مفهمتش وعلاش مادافعتيش على روحك بلعكس حصلتيها في روحك
ايار : مكان عندي حتى دليل ومكنتش حابة مونيا تخسر خدمتها وهي بحاجة الخدمة كثر مني
فريدة : و دوكا مزالك محتاجتها ... حابتك ترجعي
ايار : مدام راكي تطلبي في المستحيل وليدك هاني بزاف وانا منقدرش نرجع للدار لي نهنت فيها
فريدة : الراي رايك بصح اذا بدلتي رايك ...
ايار : مراحش نبدلو مدام و دوكا تبقاي على خير لازم نروح

خرجت ايار من طونوبيل كانت حاسة بالطمأنينة نوعا ما انه و اخيرا عرفوا بلي هي بريئة كي دخلت للدار
ايار : ماما ماني وين راكم
.......
نجمة : ايار رانا في الشمبرة

دخلت ايار للشمبرة سلمت على يماها منبعد على مانها
ايار : واش لالا حكيمة تباني عيانة
حكيمة : مريضة شوية
ايار : ايه نتي تاني لازم تتهلاي في روحك و فماكلتك ؛ لوكان رحتي شفتي طبيب
نجمة : هكذا راني نقولها مي متحبش
حكيمة : راني مليحة شوية عيا برك
نجمة : غدوة ان شاءالله نروحو للطبيب و مكاله تزيدي ترفضي
ايار : فيها خير ان شاءالله

منبعد ما ايار بدلت حوايجها وجدت العشاء و حطته

في مكان اخر :

كان يتسمع غير صوت العياط و الضرب
كان زيد مرمي في الارض
اسر : شحال من خطرة نقلك تقعد بعيد علينا
زيد : اا...سر سمحلي منعاودهاش
اسر : كل مرة نقول تتربى بصح والو خليتك تدخل داري دنيت لخدامتي دخلت في خصوصيات يما و سرقت و مسحت الموس في خدامة نتا ماشي راجل واحد رخيس كيما نتا يستاهل كثر من هكذا

......

اسر : بعتوه لباباه هكذا
.... : كيما تحب مسيو

صباح جديد :

كانت ايار تفطر مع ياسمين
منبعد عيطت ايار ليماها تسقسي على مانها

ايار : وي ماما
نجمة ( صوتها عيان ) : وي ايار
ايار : ماما واش قالكم طبيب
نجمة : لازم دير عملية على قلبها في اقرب وقت
ايار : ايه
نجمة : منين راكي حابة نجيبو دراهم قلبها راهو عيان و حالتها راهي تولي للور
ايار : واش نديرو دوك
نجمة : متكسريش راسك انا ندبر راسي تهلاي في روحك

***********

في هاذ الاسبوع لي جاز حكيمة حالتها دهورت بزاف نجمة ولات تخدم ليل و نهار باش تجمع على الاقل مصروف الدواء ايار كانت تتحسر كي تشوف حالتهم كيفاش ولات خممت بزاف و قررت انه تروح تطلب من عند فريدة حق العملية هذا اخر باب كانت راح تدقه

فريدة : ايار بنتي جوزي وشراكي
ايار : الحمد لله ونتي مدام
فريدة : حمدالله ياربي
ايار ( سكتت بزاف منبعد هدرت ) : مدام انا اليوم جيت قصداتك تعاونيني
فريدة : راني نسمع
ايار : معلباليش كيفاش نقولك راني حشمانة منك ... ماني راهي مريضة و لازم دير عملية ....
فريدة : فهمتك شحال تسحقي
ايار : مدام نتمنى تفهميني راح نحوس على خدمة حتى نرجعلك دراهمك
فريدة : متتقلقيش ايار متعتابريهش دين عتبريه حقك مقابل الاهانة لي توجهتلك في القصر بصح عندي شرط
ايار : امم
فريدة : حابة ترجعي تخدمي عندي كيما كونتي

.....

ايار : راني قابلة مدام و خيرك مننساهش ومنقدرش نرجعهولك

خرجت ايار فرحانة لي قدرت تعاون مانها وتخرجهم من هاذ المحنة و بالفعل بعد يومين حكيمة كانت فسبيطار يوجدو فيها للعملية منبعد ماقنعتهم ايار بلي المراة لي كانت تخدم عندها قررت تعاونهم

و بعد ساعات نجحت العملية و في الصباح كانت ايار و نجمة مع حكيمة من بعد ما ناضت
حتى سمعو طبطيب في الباب
نجمة : شكون راح يجي
حتى شافو فريدة دخلت و معاها اسر
راحت سلمت عليها ايار
ايار : ماما هاذي هي مدام فريدة لي قتلك عليها مدام فريدة هاذي هي ماما وهاذي ماني

سلمو على بعضهم و حتى اسر مي ايار مدارتلوش كامل حساب
قعدو شوية معاهم وراحو

بعد مرور ايام

حكيمة خرجت من سبيطار ايار ونجمة كانو يتهلاو فيها وفماكلتها ميخليوهاش تعيا بالمختصر الايام هاذو مكان فيهم حتى جديد

Ayar ***

نضت اليوم بكري اليوم راح نرجع لخدمتي جاتني بزاف صعيبة نرجع للدار لي نهنت فيه
غير دخلت صوطات مونيا عليا تعنق فيا
مونيا : توحشتك يا الكلبة هكذا ديريلي
ايار : ملباب مونيا
مونيا : ياواحد البغلة كيفاش ديريلي هكذا علاش مادافعتيش على روحك لي كان راح يصرا لوكان صرا لينا بين زوج
ايار : مونيا تحجي متزيديش تجبديلي على هذيك الحكاية
مونيا : ايه خلاص

هذا هو بارت اليوم انشاءالله يكون عجبكم متنساوش الجام و التعليقات ثم التعليقات نحب نشوف تعليقاتكم و ارائكم خليولي شوية افكار حابينهم يصراو لايار واسر في هاذ الفترة باسكو حاليا مراهيش عندي افكار بزاف باش نكتب بارت حاجة واحد اخرى على جال العملية و ... انا خاطيني طب و هاذ العفايس المهم الى الملتقى ان شاءالله 💜