الخادمة و الزعيم _ باللهجة الجزائرية _

بارت 24

رياض و امين ركبو مالقدام و ايار و مونيا ماللور هما غير وصلوهم قدام القصر كان ليث واسر لحقو

ليث : ياخو هاذو شكون

دور اسر راسو شاف ايار هبطت مطونوبيل .....
حك لحيتو و و قعد يخزر فيهم
اما ليث راح عندهم

ليث : واش مونيا متعرفيناش بالجماعة
مونيا : ااا هذا رياض و هذا صاحبو امين ؛ رياض هذا ليث صاحب اسر ( رياض يعرف بلي مونيا تخدم في القصر تاع اسر )
رياض : متشرفين

ليث محبش يهدر معاه

ليث : هيا مونيا ندخلو
رياض : مونيا ارواحي نهدر معاك نسحقك حبيبي
ليث : مراكش تشوف فالطفلة داخلة للدار
رياض : شوف مدخلش روحك بيني و بين خطيبتي

ليث كان راح يضرب رياض شدتو مونيا

مونيا : بلاك ليث
ليث : نتا دوكا راجل مخبي مور طفلة
رياض : بلاكي مونيا
مونيا : ليث اخر مرة تهدر معا رياض هكذا ولا تتدخل بيني و بين خطيبي
ليث : هكذا
مونيا : هكذا ... و دوكا خليني نهدر معاه

ايار محبتش تقعد كثر دارت رايحة شافت اسر قعدت تشوف فيه حتى لحقها امين

امين : ايار استناي
ايار : وي
امين : كنت حنقولك مديلي num تاعك
ايار : désolé مي منقدرش
امين : وعلاش
اسر : باسكو معندهاش تيليفون 😒
امين : صح ايار
ايار : تتقعد بيا باينة راهو يتمسخر

شد اسر يد ايار بزور و داها دخلوا للدار كركرها للشمبرة تاعو قدام كامل الخدامين طلع لشمبرته و غلق الباب

ايار : نحي يدك
اسر : منحيش

قعدت ايار تسيي تجبد يدها

اسر : شوفي نقولك هدرة منعاودهاش ماليوم نلقاك برا بهاذ اللبسة ولا بهاذ الزبل لي في وجهك نقتلك فهمتي
ايار : قول والله .... شكون قالك راح نسمعلك حاب تقطع مكتوب الناس
اسر ( بدا يعيط و رماها فوق البونك ) : **** كي نقولك حاجة ديريها و فمك مغلوق سمعتي عاجبك الحال الرجال يحوسو عليك و على نيميرو تاعك

ايار شادة في يدها تالمون وجعتها وتبكي منبعد ناضت جات خارجة عيط عليها

اسر : قتلك اخرجي

ايار : احكم في كاميليا تاعك مدخلش روحك فيا فهمت
اسر : تزيدي كلمة ايار متلومي غير روحك ... اخرجي

خرجت ايار من شمبرة غير هبطت شافت مراد و روميسة قاعدين مع فريدة كانت مولية محبتش تشوفهم ولا تزيد تسمع الاهانات تاعهم حتى نطقت فريدة

فريدة : ايار بنتي عيطي لاسر يهبط

دارت روميسة شافت ايار راحت عندها ؛ ايار حسبت بلي راح تزيد تعيط عليها ولا حتى تضربها مي تشوكات كي لقاتها تعنق فيها

روميسة ( دنات ) : ايار بنتي سمحيلي على واش صرا المرة لي فاتت

ايار كانت مصدومة زاد كمل عليها مراد كي جا زاد عنقها و باسلها راسها في هاذ الوقت اسر كان هابط

ايار : اا... انا راح نروح عندي قراية لازم نكملها
مراد : ايار حنا راح نهدرو معاك في واحد الموضوع اذا حبيتي نديولك خمس دقايق من وقتك

شدتها روميسة و قعدتها في الفوتاي

مراد : نتمنى تسمعيلي حتى الاخر كنا حابين نجيو من قبل مي خلينالك وقت باش تريحي ..... < قعد يحكيلها على بنتهم كي ضيعوها من نهار زادت و فرحو بيها حتى كيفاش سرقوها منهم و كيفاش جوزو هاد السنين بلا بيها >
ايار ( بدات تشك ) : وانا واش دخلني
مراد : ماشي نتي كنتي تحوسي على عائلتك و والديك لي حرموك منهم .... حنا هما عائلتك و والديك الحقانيين
فريدة تشوكات ملي سمعتو يعني ايار بنتهم

اما ايار دموعها كانو يهبطو وحدهم هبطت روميسة  عندها تمسحلها في دموعها و تبوس فيها ايار دنات و ناضت

ايار : راكم تكذبو عليا

دارتلها روميسة براسها لالا

ايار كانت خارجة حكمها اسر

اسر : ايار اسمعي لوالديك حتى لوكان غلطو معاك بصح راهم ندمانين دوك

مراد : ايار بنتي سمحيلنا على لي صرا عندك الحق ماتتقبليناش بصح على الاقل سمعيلنا
ايار : منسمعلكمش مراكم والديا مراني بنتكم

بدات تبكي وتعيط شدها اسر وعنقها

اسر : اشش
ايار : اسر قلهم يروحو ... تحج قولهم

دارلهم بعينيه مراد شد روميسة وخرجو اما اسر خرج ايار للجنان ......

يتبع ....

هذا هو بارت اليوم انشاءالله يكون عجبكم
متنساوش الجام و التعليقات ثم التعليقات نحب نشوف ارائكم في احداث البارت
الى الملتقى انشاءالله 💚