رماتها فالارض
روميسة : راح نكرهلك حياتك يا واحد ****
ناض هيثم ليماه جبدها
هيثم : يما مديريش عفايس تندمي عليهم ... ايار استناي
ناضت ايار تجري شادة وجها لي رجع حمر
خرجت مسبيطار شدت تاكسي و راحت للقصر
.............
كانت ايار مكسلة و حاطة راسها في حجر مونيا و مونيا تلعبلها بشعرها
ايار : واش درتلهم باش يكرهوني هكذا
مونيا : مكان مدخلك فيهم ؛ هوما ميعرفوكش مليح
ايار : كنت حابة نوقف معا هيثم ....
مونيا : ماشي لازم ؛ ماشي لازم دايمن تمدي خممي شوية في روحك
ايار : فواش نخمم .... لوكان ماشي نتي لوكان مرانيش قادرة نقعد في هاذ الدنيا ..... تعرفي معنى تاع تحسي روحك وحيدة في هاذ الدنيا معندك حتى حاجة لا ام لا اب لا عائلة لا دار لا حب لا امل باش تعيشي هكذا نحس روحي عايشة فالفراغ
مونيا : متهدريش هكذا بلاك راهي مخبيتلك الدنيا يامات شابين ؛ ايه وين كنتي لبارح مقلتيليش
ايار : ( حكاتلها واش صرا .... ) منبعد صباح نضت على صوت تيليفون كانت ياسمين قاتلي على ببات هيثم لقيت روحي فدار اسر هبطت لتحت لقيت اسر يشرب فالقهوة سقسيتو و حكالي بلي لبارح درت تبهدايل مالغري مشربت والو من غير جو المهم حشمت بزاف منو و طلبت السماح و زدت شكرتو و خرجت
صونا تيليفون تاع مونيا
مونيا : الو وي .... اممم منقدرش نجي .... سمحلي .... صح
ايار : شكون
مونيا : رياض
ايار : ايه
مونيا : والو حب نخرجو وانا محبيتش
ايار : اذا على جالي ...
مونيا : منخليكش هكذا و نروح
ايار : بفف مابيا والو روحي منفسدهاش عليك
مونيا : ايار
ايار : هيا نوضي
بعدما وجدت مونيا روحها راحت غير كانت خارجة شافت ليث
مونيا : بسم الله الرحمن الرحيم
ليث : لي يشوفك يقول شفتي غول قدامك
مونيا : وانا ماشفتوش
ليث : واش تقصدي
مونيا : باين مفهمتش مسيو ليث ... ديجا بعد من طريقي
ليث : وين بيها
مونيا : واش دخلك
ليث : كي لسقك فالحيط قوليلي واش دخلك
مونيا : بففف راني رايحة مع رياض
ليث : ياه كثرو خرجاتك مع المسيو
مونيا : واااش دخلك
ليث : واش دخلني اا
رفدها ليث على كتفو و خرج وهي تعيط حطها فالطونوبيل وراح ..... وصل لدارو دخل حطها فالفوتاي
مونيا : مهبول جيبني لهنا بسيف عليا ... خليت رياض يستنى
ليث : انا رياض تاعك ميهمنيش كامل .... شوفي كيفاش رانا قاعدين ملاح هنا
مونيا : اواه كشما خديت ضربة في راسك
ليث : ههه
مونيا : مفهمتش واش لي يضحك
ليث : شوفي انا نطلع ندوش و نتي وجديلنا حاجة ناكلوها
مونيا : راك تشوف فيا خدامة عندك
طلع و خلاها مونيا قعدت شحال فبلاصتها منبعد ناضت دارت دورة فالدار عجبتها تهبل لحقت للكوزينة و قررت طيب و لاول مرة ههه يعني خاطيها طياب
بعد مرور نصف ساعة :
كان ليث هابط فالدروج يغني لحق للكوزينة لقاها مقلبة موسخة مكسرة كلش
ليث : على حساب شوفة طيبتي حاجة كبيرة
مونيا : شوف الذ سباغيتي تقدر تاكلها في حياتك
ليث : مالغري ماشي باين بصح
مونيا : واش قلت
ليث : والو ... قلت يعني ... باين بلي بنين
دات مونيا الماكلة للصالون بارسكو الكوزينة مكانش كيفاش ياكلو فيها
مونيا : هيا دوق
ليث : امم
رفد ليث شوية سباغيتي حطو في فمو ... هبطو بسيف
مونيا : ايييه كيفاش
ليث : اممم مليح يعني نبداو شوية بشوية
مونيا : ايه كمل كول
ليث : يعني لافيريتي شبعت مقدرتش ناكل بصح نخبيه في باطة و نخليه باش نتعشا بيه
مونيا : ايه الله لا كليت متعرفش كامل للماكلة و متقدرش الفن
رفد مونيا تاكل عاودت رجعتو حشاكم
مونيا : يعع ... مينتكلش كيفاش قدرت تبلعو
ليث : ههه صراحة خاطيك طياب
مونيا : كيفاش دوك نقعدو جيعانين
ليث : ساهل دوك نكومندي من برا بصح الكوزينة ...
مونيا : دوك انا نوض نقيها
في الليل :
كانت 11 تاع الليل مراد بدا يتفاطن شافته روميسة لي كانت قدامو راحت تجري ليه
روميسة : مراد كيفاش تحس راك مليح
مراد : مديلي الماء
بعد عشر دقائق :
روميسة هيثم و نور كانو معا مراد
هيثم : كيفاش تحس روحك بابا
مراد : مليح .... اي...ايار
روميسة : مراد متعييش روحك بحكايتها
مراد : هيثم... جي...ب اي...ار ه...نا
هيثم : بابا ماشي وقتها
روميسة : مراد خمم غير فصحتك
مراد : قلت..... جيب ايار يعني جي...بها
نور : بابا متعييش روحك بالهدرة
طبطب 🚪🚪🚪
دخل اسر
اسر : سافا عمي
مراد : حمدالله ..... هيثم ماسمع....تنيش واش قلت جيب ايار
روميسة : مراد
نور : بعد لي دارتهولها ماما صباح مضنيتش تزيدو تشوفو وجها كامل
مراد : واش دارت
روميسة : درت لي لازم يندار بسبتها نتا دخلت سبيطار
نور : بصح ماشي حق عليك تضربيها هكذاك
مراد : واش درتي ... كيفااش تضربيها
روميسة : وعلاش راك تهدر هكذا ... ماشي لبارح كنت متحملهاش و تضارب مع وليدك على جالها و اليوم واش تبدل
اسر : لي تبدل انه البارح مكانش علبالكم بلي ايار بنتك و اليوم مسيو مراد تعرض لسكتة قلبية بارسكو عرف بلي ايار بنتو ماشي باسكو راهي حابة تديلك دراهمك مدام ¤¤¤¤
روميسة : ك..ككيفاش .... واش راه يهدر هذا
خليولي جام و تعليق فيه رايكم فالبارت
الى الملتقى انشاءالله 💜
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
