فريدة : يما خلينا من العادات هذوما تاع بكري
شريفة : متزيديش تناقشيني يا عروستي الحبيبة احسنلك تعلمي عروستك
فريدة : يما ...
ايار : خلاص مكالاه مراحش نتعشى اصلا مرانيش جيعانة
جازت سمانة على ايار بنفس طريقة ونفس المعاملة حسينة ظل تحرض يماها على ايار و فريدة مسكينة متقدرش تهدر مع شريفة كلمتها حاطتها فوق الكل و العشاء دايمن متتعشاش بحكم اسر يطول باش يرجع ولي زاد عليها اسر يظل مع الخدمة و فوق هذا رجعت تتقلق بزاف من رانيا لي نهار على نهار تزيد تتقرب من اسر و اسر رجعت تغيضو و ميحبش يقيسها بكاش هدرة
في صباح اليوم :
بدات ايار تفطن شافت جهة اسر لقاتها فارغة قلبت عينيها يعني سور بدا بكري ؛ رفدت تيليفونها لقاتها تسعة
ايار : بففف هذا واش خص رقدت بزاف و دوك العجايز لي لتحت يديرولي محاضرة
ناضت ايار دوشت فتحت الخزانة قعدت تشوف فالبيجامات اللي شراتهم و مالبست حتى وحدة هي بطبعها معندها حاجة فالجبات خيرت بيجامة ولبستها
ايار : لي حب يصرا يصرا
هبطت لتحت لقات حاسينة قاعدة فالصالون تاكل فالفاكهة خزرت فيها مليح منبعد دخلت مونيا سوطات عندها ايار تسلم و تعنق مونيا كانت دات اجازة و دوكا ولات
حسينة : واقيلا مسمعتيش يما كي قاتلك متلبسيش هاذ اللبسات
ايار : الحوايج لي راني لابستهم مراهمش عريانين و مدامهم مستورين مكان حتى بروبلام اني نلبسهم
راحت ايار مع مونيا للكوزينة و قعدو يحكيو
مونيا : يا ايار باينين هاذ ناس قباح
ايار : اممم بصح نجوزها كبار عليا بصح هاذيك رانيا ظل لاسقة في اسر
مونيا : وهو مقال والو
ايار : واش يقول بنت عمتو و هي و يماها يظلوا يتستتوا
مونيا : متربحيش العيب بصح متخليهمش يتحكموا فحياتك واش دخلهم فحوايجك
ايار : لوكان غير جات فالحوايج فكلش فالرقاد و حتى الماكلة عندي سمانة مرانيش نتعشا قالك مدام راجلك مزال مدخل متقدريش تاكلي
مونيا : واش هاذ الجياحة و خالتو فريدة مهدرت والو
ايار : منكذبش هي و مام ليلى ميحبوش بصح جدته متحبش تخليهم يهدرو و لا يدخلو روحهم
مونيا : و اسر علبالو
ايار : وعلاش عندو الوقت منشوفوش حتى لليل كامل يجي عيان و انا منحبش نزيد عليه و مرات حتى منشوفوش
مونيا : ربي معاك
ايار : ايه و نتي كاش جديد
مونيا : ليث ... ليث قالي بلي حاب نخطبك
ايار : ايه واش قلتيلو
مونيا : معرفتش ... حكاية رياض مزالها تتعاود لليوم في راسي
ايار :مونيا شوفي حكايتو خلاصت و لازم تمدي فرصة لليث علبالي بلي مزالك تحبيه متعذبيش روحك اكثر
مونيا : ....
لحق وقت الفطور قعدت ايار فالطابلة خزرت فيها شريفة من لفوق للتحت
شريفة : خير ايار قالولي لسانك طوال
ايار : ؟؟؟؟
شريفة : المرة الجاية تعرفي كيفاش تهدري مع لي اكبر منك و اذا كانت عاجبتك هاذ اللبسة كنتي قلتي مالاول وعلاش حتى تعيطي على بنتي ولا متعرفيش للاداب
مونيا كانت تحط فالماكلة
مونيا : مدام سمحيلي بصح انا كنت معاهم ايار معيطتش عليها بالعكس هدرت معاها بلعقل
حسينة : راكي تشوفي يا يما رجعت خدامة تكذب فيا
شريفة : نتي بلعي ؛ متزيديش دخلي روحك فسيادك
ايار : باردون ؛ اولا انا معندي حتى سبة تخليني نكذب و زيد انا نعرف للاداب مليح و نعرف بلي عمة راجلي معندها حتى دخل في واش نلبس واش ندير اسر وحدو لي يقولي واش ندير و من فضلك متزيديش تهيني اي شخص هنا حتى و يكون خدام
رانيا : كيفاش تهدري هكذا مع ماني متحشميش
ايار : نعرف مليح للحشمة و التربية يا رانيا و نعرف بلي لازم الانسان يستفاد هو بحد ذاته من نصائحه من بعد يقدمها لغيره
رانيا : واش راكي تمعني بلي انا ماشي مربية
حسينة : شوف شوف بنت البارح جي تهدر على تربيتي
ايار : انا مقلتش بنتك هدرت بصفة عامة بصح هي حست بلي الكلام عليها
شريفة ( عيطت ) : فرييدة ؛ شدي عليا عروستك كيفاش تقلل احترام معانا ها مرباوكش والديك
فريدة : يما خلاص متتقلقيش سمحيلي نيابة عليها نوعدك مراحش يتكرر لي جاز ريحي ماشي مليح ليك التعب
هذا هو البارت حبيباتي نتمنى يكون عجبكم تفاعلو و خليولي ارائكم فالبارت باش نزيد نكتبلكم بارت دوكا 💜
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
