الخادمة و الزعيم _ باللهجة الجزائرية _

بارت 37

ايار ولات متخرجش من شمبرتها كامل مجوزتها غير بكاء و رقاد لي فدار كامل سياو يعرفو واش بيها والو غير مونيا لي علبالها بحالتها يمات مور الحفلة دارو الخطبة تاع اسر و كاميليا كامل راحو غير هي تحججت بلي راهي مريضة مي هي مكانش عندها الكوراج باش تروح ؛ نور منبعد وراتلها تصاور الخطبة هي كانت غير تبسملها مي مالداخل قلبها كان يتقطع نهار على نهار ايار بدات تتجاوز الحزن و الكابة لي كانت فيهم بصح منساتش ؛  شهرين كامل ايار بعدت على اسر متشوفو ميشوفها متهدر معاه ميهدر معاها كل واحد في حدو اسامة بعد مرجع مالفواياج رجع يروح بزاف عند ايار و يخرجها مام هو حس بلي بها حاجة مي محبش يضغط عليها و منكذبوش بلي هو وقف معاها و كان دايمن يضحكها و يسيي يفرحها يلوكان بحاجة صغيرة اما اسر فجازو عليه هاذ الشهرين جحيم حس روحو محبوس و مشدود مكانش يحمل يشوف كاميليا قدامو بصح فنفس الوقت منقس عليها حتى حاجة رجع ميدخلش كامل للدار نهارو غير فالخدمة و الليل يجوزها سهرات و ماشابه

في الليل كامل :

هيثم كان حاط يديه على عينين ايار و يمشي فيها

ايار : هيثم يهديك ربي تقولي وين جايبني في الليل
هيثم : اصبري اصبري
ايار : راني صابرة

غير لحق نحا يديه كانت ظلمة منبعد شعلو الضو و بداو يغنيولها ايه اليوم لانيفارسار تاع ايار ايار فرحت بزااف كي تفكروها بون دارولها لانيفارسار فواحد الريستورون حجزوه سبيسيال للانيفارسار عرضو كامل صحباتها اسامة اسر و عائلته مونيا ليث ياسمين و عائلتها و بيانسور عائلتها
كملو غناولها و كل واحد يسلم عليها و يعنقها لحق عندها اسر

اسر : joyeux anniversaire ayar
ايار : merci
اسر : سافا
ايار : حمدالله و نتا
اسر : حمدالله
.....
كاميليا : او ايار ( سلمت عليها ) لعقوبة ل 100 سنة انشاءالله
ايار : يسلمك

كاميليا شدت يد اسر

كاميليا : عمري هيا نروحو لهيك ناكلو وليدنا راهو جيعان

ايار خزرت فاسرة خورة كلها وجيعة و الم

اسر : حبيتي تاكلي روحي انا مانيش حاب

راح اسر يهدر فتيليفون ايار قطعت الكيك و بداو يمدولها فلي كادو مراد شرالها طونوبيل و يماها سنسلة تاع ذهب و كل واحد واش جابلها غير اسامة مزال ممدلها الكادو المهم دارو موسيقى رومنسية و ليكوبل اسامة شد يد ايار و داها للوسط حاوط خصرها و قعدو يشطحو كيفكيف اسر عينيه رجعو حمورا حاب يطرطق حب يروح يشبعو ضرب مي مقدرش كيفاش و كيفاش و هو معندو حتى حق فيها الموسيقى هذيك حبست و اسامة هبط على رجليه

اسامة : محبيتش نمدلك كادو تاعك حتى ... ( جبد خاتم من جيبو ) ايار قدام عائلتك و كامل الناس انا اسامة ¤¤¤¤ نطلب منك زواج ؛ تقبلي تكوني مرتي و حلالي و تكملي حياتك معايا

ايار كانت في حالة صدمة اسامة كان يستنى فالجواب تاعها اسر رفد روحو و خرج كان عارف لوكان يزيد شوية يدير كارثة كاميليا راحت تجري موراه لحقتو و ركبت معاه هو مشفهاش ممبا كي دخلت طار يجري و كاميليا يدها على قلبها

كاميليا : اسر نقص لافيتاس راح نديرو اكسيدون... اسسسسسسسر

نرجعو عند ايار :

اسامة : ايار مراح تقولي والو
ايار : معلباليش ....

راحت ايار و اسامة لحقها يجري

اسامة : ايار حبسي وشبيك
ايار : خليني اسامة
اسامة : وعلاش غلطت فكاش حاجة
ايار : كيفاش تحطني فموقف كيما هذا
اسامة : يعني كي نويت الحلال وليت ماشي مليح و حطيتك فموقف ماشي مليح
ايار : بصح ماشي هكذا قدامهم كامل بلاك انا مانيش حابة راح نضطر نبررلهم كامل و ماما و بابا واش راح نقولهم دوك
اسامة : وعلاش متقبليش ولا راكي تستناي فاسر تاعك يجي يخطبك
ايار : واش راك تخلط
اسامة : مرانيش بهلول شفتك كيفاش تشوفي فيه بصح حطيتك عاقلة و تخممي اسر شاف حياتو مع كاميليا و نتي ...

خرجو لي داخل كامل يجريو كل واحد رفد طونوبيلته و راح كي شافتهم ايار راحت عندهم

ايار : واش كاين هيثم
هيثم : اسر و كاميليا دارو اكسيدون و راهم مديينهم لسبيطار

ايار محستش برجليها الدوخة بدات تدي و تجيب فيها طلعت مع هيثم .....

يتبع ....

هذا هو بارت اليوم نتمنى يكون عجبكم متنساوش الجام و التعليقات نشكركم على الافكار لي قترحتوها و دوكا مقعدلي غير نقلكم الى الملتقى انشاءالله 💚