الخادمة و الزعيم _ باللهجة الجزائرية _

بارت 45

اسر : نتي حسيتيها تبهديلة بارسكو راكي غالطة و اليوم لوكان هي غلطت معاك كنت راح ندير معاها نفس شي ماني فوق العين و الراس بصح كاين حدود منحب حتى واحد يتخطاها معايا و نتي اكثر واحد يعرف بلي كي نتنارفا نولي عبد واحد اخر سما متسيويش تقلقوني و لا تنارفيوني بارسكو راح تشوفو حاجات متعجبكمش ؛ و دوكا تقدرو تروحو تسقهواو
بعدما راحو كامل يستقهواو

ايار : شكون حكالك
اسر : لبارح كي جيت تلاقيت بخالتي ليلى و هي حكاتلي

راحت ايار عندو عنقاتو منبعد لحقو لوخرين للطابلة

بعد لي صرا اليوم ايار راحت لعند نجمة قعدت عنها يومين و رجعت للقصر و هكذا رجعت للروتين يا اما فدار ولا تخرج مرات مع مونيا و واحد مازاد دخل روحو ولا سمعها كلمة ماشي مليحة ؛ و اخيرا ايار بدات تشوف ايام شابين بصح زعما راح دوم هاذ السعادة ؟

ناضت ايار صباح دوشت و لبست هي غير فتحت الباب صونا تيليفونها كي شافت num ترددت اذا ترد منبعد ردت
ايار : ا....الو
اسامة : صباح الخير ايار سافا
ايار : حمدالله و نتا
اسامة : نقولو لباس ... ايار حبيت نطلب منك طلب نتمنى مترفضيش ؛ حاب نتلقاو
ايار : منقدرش اسامة دوكا راني متزوجة و اسر اذا سمع ميحبش
اسامة : لاخر مرة ايار نصف ساعة برك من وقتك
ايار : ..... خلاص وين ؟
اسامة : وين ماتحبي
ايار : في **** منا على ساعة

كملت ايار الهدرة و هبطت بصح مشافتش لي كان يتصنت عليها ايه رانيا كانت تسمع فيها

ايار بعدما سقهوات رفدت ساكها و خرجت

اسر كان قاعد في البيرو لي فالشركة مع ليث يخدمو حتى لحقو ميساج " اذا راك حاب تشوف مرتك معمن راهي روح ل ***** "

اسر تقلق من الميساج عيط لايار

ايار : اسر حبيبي كاش مكاين
اسر : وي ايار ؛ وين راكي
ايار : ااا راني رايحة نشوف ماما وعلاش
اسر : لا لا مكان والو ايا تهلاي

اسر كمل يخدم بصح زاد لحقو ميساج
" اذا مراكش مامن روح و اكتشف بروحك "
رفد اسر تيليفون و خرج

ليث : واش صاحبي وين بيها
اسر : خرجتلي خدمة

ايار لحقت لقات اسامة تما

اسامة : ايار
ايار : اسامة قولي واش تسحق بلخف
اسامة : انا كنت حابة نشوفك قبل منروح
ايار : تروح !!!
اسامة : قررت نبعد على هاذيك راني رايح لاسبانيا لعشية

اسر لحق لبلاصة لي بعثوهالو فالميساج نصدم كي شاف ايار مع اسامة و فوق هاذا عنقته و كملت تهدر معاه راح عندهم طبعها و طاح على اسامة بضرب منبعد كركر ايار موراه و طلعها فالطونوبيل

ايار : اسسر 😭😭😭
اسر ( بالعياط ) : بلعي ****** ماشي راكي عند يماك واش جابك عندو
ايار : اسر سمعني ...
اسر : ***** مجبديش اسمي فهمتي ؛ كذابة واش كنتي ديري مع هذاك **** و فوق هذا تعنقي فيه
ايار : اسر هو راح يفواياجي اليوم و حب يشوفني قبل....
اسر : بصفتك واش قولي بصفتك واش ... لغلطة فيا لي رخفتلك

لحقو للدار اسر طلع ديراكت للشمبرة و ايار موراه رانيا قاعدة تتفرج ملبعيد و تتبسم

ايار كي دخلت للشمبرة لقات اسر فالسالدوبان قررت تخليه حتى يروحلو زعاف وتهدر معاه

فالصباح :

ناضت ايار على صوت الباب لقاتو اسر داخل كان راقد فالبيرو

ناضت ايار عندو

ايار : ستنيتك الليل كامل وعلاش مرقدتش هنا

اسر راح يجبد حوايجو و هو حاطها فثقيل راحت شدتو من يدو دناها

اسر : متزيديش تدناي مني وهاذي اخر مرة نحذرك

هكذا جازت اليامات على ايار اسر بعد عليها كل البعد رانيا و يماها فرحانين و يخمموا يستغلوا الفرصة اما ايار كانت ظل تبكي رجعت ما تاكل ماوالو

يوم جديد :

شريفة و فريدة حسينة واسر كانوا قاعدين فالصالون
حتى صونا تيليفون تاع اسر

اسر : الو .... اما سبيطار ... صحا راني جاي

فريدة : خير اسر وشمن سبيطار
اسر : عيط عمي مراد هيثم دار اكسيدون
فريدة : اايار

دار اسر لقا ايار لي دموعها بداو يهبطو

ايار : اسر ديني عندو اهئ تعيش
اسر : ايار اسكتي دوك نديك

خرج اسر و معاه ايار و فريدة ؛ ايار طريق كامل وهي تبكي حتى عيط عليها اسر

اسر : بلعيي .... راكي غير تعيي في روحك بالبكاء ( و شدلها يدها )

غير لحقو طلعت ايار تجري لقاتهم كامل تما جات عندها نور عنقتها و قعدوا يبكيو

ايار : راح يكون مليح
نور : قالونا بلي حالته راهي خطيرة ايار لوكان كاش ما يصرا لهيثم نموت
ايار : ششش ميصرالو والو هيثم قوي

جازت نص ساعة و مزال معرفو حتى خبر على حالة هيثم

ايار قاعدة تروح و تجي و تبكي بدات تحس في راسها يثقال و الدنيا تدور بيها بعدها محست بوالو غير باسر و يماها لي جايين يجريو عندها

اسر : ايااار

هذا هو البارت نتمنى يكون عجبكم خليولي جام و تعليق فيه ارائكم وتعليقاتكم حول احداث البارت و الى الملتقى انشاءالله 💜