الخادمة و الزعيم _ باللهجة الجزائرية _

بارت 46 ❤ النهاية ❤

ايار قاعدة تروح و تجي و تبكي بدات تحس في راسها يثقال و الدنيا تدور بيها بعدها محست بوالو غير باسر و يماها لي جايين يجريو عندها

اسر : ايااار

بعدة مدة :

Ayar ***

بديت نحل عينيا شفت اسر و طاطا فريدة واقفين فوق راسي و ماما قدامي كنت نشوف ضباب شوية بشوية بدات تتوضح الرؤية

روميسة : بنتي راكي مليحة خوفتينا عليك
اسر : ايار كيفاش تحسي روحك
ايار : شوية دوخة
فريدة : دوك تجي طبيبة تقولنا واشبيك ؛ هذا كامل من البكاء لي بكتيه

دخلت طبيبة

طبيبة : مدام سافا كيفاش تحسي روحك دوكا
ايار : احسن
اسر : دكتور لوكان غير تقولينا واشبيها يعني وعلاش هاذ دوخة
طبيبة : بسبة التعب و الرهاق فوق هذا مراهيش تاكل مليح لازملها العناية التامة خصوصا في هذه الفترة
روميسة : قصدك
طبيبة : المدام راهي enceinte في الاسبوع الثالث مبروك عليكم
فريدة : يعني راح نولي جدة

ماما و طاطا فريدة جاو سلمو عليا و باركولي بسيف باش ستوعبت لي قالته طبيبة فرحتي كانت كبيرة شحال تمنيت نولي ام و يولي عندي طفل ولا طفلة خزرت في اسر حبيت نعرف ردة فعله من عينيه بانلي فرحان بصح مدار حتى جاست ولا ردة فعل
خرجو وخلاوني غير انا واسر قعد الصمت سيد الموقف

***** :

اسر كان بزاف بزاف فرحان و كيفاش ميفرحش و هو راح يولي اب منبعد رجع تفكر كي كذبت عليه راح عندها

اسر : نتي متنوضيش منا ريحي ياك سمعتي طبيبة وانا راني خارج عندي شغل
ايار : عندي اسمي اسر ؛ لوقتاش راح تقعد اخذ موقف مني
اسر : اذا كاش ماسحقيتي قولي ليما
خرج اسر برا وخلاها

جوزت ايار الليلة فسبيطار ؛ هيثم وضعه استقر دوكا بعدما رقدت اسر دخل عندها قعد الليل كامل معاها فصباح رجعت للدار مع انه محبتش حبت تقعد حتى يفطن هيثم بصح مخلاوهاش المهم جازو يومين ايار دللوها و فششوها مام شريفة رجعت تهتم بيها و بماكلتها خرجت ايار اليوم من شمبرة كرهت منها دايمن ميخليوهاش تنوض كانت هابطة فدروج شافت رانيا قبلها

ايار : حبسي

لحقت ايار عندها

رانيا : وش تسحقي 😒
ايار : حسبتلك مراحش نعرف بلي نتي لي قلتي لاسر بلي رحت نقابل اسامة
رانيا : مفهمتش على واش راكي تهدري
ايار : فهمتي و مليح بصح خليني نقولك عفسة حطيها في مخك نحي عينك من اسر و متدخليش روحك بيناتنا باسكو راح تشوفي عفايس ميعجبوكش
رانيا : هذا اذا قعدتي عايشة

رانيا طبعت ايار للتحت جاو يجريو ليها داوها للسبيطار ومن زهرها لي لحقو بكري و مصرالها والو شريفة فريدة و مونيا كانو معاها

شريفة : كيفاش قدرت دير هكا وتحاول تقتل روحين

قص عليها الباب كي تفتح ؛ اسر دخل راح ديراكت عند ايار و ايار بدات تبكي و تشهق راح عنقها

اسر : ششش ... اسكتي جازت
ايار : خافت تصرا حاجة لوليدنا و لا نموت و نتا مزالك زعفان مني
اسر : اسكتي متعاوديش هاذ الكلام ؛ و شكون قال بلي زعفت منك كنت مقلق برك

بعد خمس سنوات :  

ايار : قيسسس ؛ اسر ارواح لوليدك
اسر : واشبيه وليدي وعلاش دايمن تعيطو عليه
ايار : شوف وانا نقول ليمن خرج نيخة طبق الأصل من باباه باش توقف معايا لالا تحللو فالعين غدوة تجي بنتي و تولي تحامي عليا ( حطت يدها على كرشها ) ماشي هكا ريم

راح اسر عندها عنقها

اسر : كاين شكون غار منا ماشي هاكا قيس
قيس : صح بابا
اسر : مام حنا نحبوك يا يماه
ايار : امم باين دوكا اذا كملتوا لازم نروحو

لحقو للعرس اليوم عرس نور كانوا كامل فرحانين قيس يلعب مع توأم تاع ليث و مونيا اما هيثم و ياسمين فكانو يستناو في بنتهم ولا وليدهم لي عمرو شهرين و متحمسين وقتاش يجي للدنيا اسامة كان تما تاني مع خطيبته جوليا كان تعرف عليها فالسنوات لي فاتو و حبو بعضهم اما حسينة و رانيا فمهذاك النهار مبانوش هربو

و هذه هي نهاية قصة الخادمة و الزعيم لي بدات بخادمة و رجعت مرتو وحبيبتو نتمنى تكون عجبتكم كونوا في انتظار الرواية الجديدة هاذ المرة ختارت تكون على المافيا راح نخدم عليها باش تكون من اجمل رواياتي خليولي ارائكم فالحكاية هاذي و تقييمكم نحب كل وحدة فيكم فضلا و ليس امرا تكتبلي فالتعليقات افكار و اسماء شخصيات القصة لجديدة بمانه حبيتو بزاف مافيا وانا خاطيني هذه القصص ههه بصح تلبية لارائكم راح ندير وحدة كتبولي شوية احداث اكشن و مافيا راني دايرة فكرة عامة على القصة لكن نحب نشوف ارائكم خصوصا الاسماء و الاحداث غدوة انشاءالله بلاك نحطلكم ابطال القصة الجديدة على هاذي لازم ديرو اشتراك باش تلحقلكم بلي حطيت قصة جديدة و الى الملتقى انشاءالله 💜