بعد مرور شهر :
جاز شهر على الابطال تاعنا مي ايار محستلوش جاز عليها كانه نهار ركزت على قرايتها هاذ الخطرة حست انه اهملتها اسر جاز عليه غير خدمة مكان حتى جديد حتى ايار من اخر مرة جبدت روحها بزاف ولات متكثرش معاه الهدرة الهدرة لي بيناتهم محصورة بين السلام و الخدمة فقط احمد لي هو اب ايار مزادتش شافته مي كانت حاسة بلي كاينة حاجة مخبية عليها حالة حكيمة وخصوصا نجمة متعجبش بالنسبة لمونيا تلقات بليث خطرة كان جا عند اسر مي مهدرتش معاه هو برك شاف فيها شوفة سخرية وجاز ورياض مسكين كان دايمن يخرجها و يشريلها يسقسي عليها مي هي مكانتش كامل تسقسي عليه دايمن تتجنبو و كانت تحس بلي راهي تظلم فيه معاها مي كيما حاولت تحبه مقدرتش وفريدة بيانسور ولات للقصر مطولتش عند ختها سمانة كانت رجعت لدارها بالنسبة لهيثم فايار ابتعدت عليه هو حس بلي والديه هدرو معاها مي هي قنعتو بلي هي راهي حابة تبعد فترة منبعد حكاتلها ياسمين بلي هي بدات تحب هيثم و كاميليا كثرو جياتها للقصر ولات حبيبة اسر يعني هو مكانش علبالو بيها مي هي لي ظل لاصقة فيه وهذا مكان
ايار كملت خدمتها كيما العادة منبعد جازت للصالون لقات فريدة تشوف في البوم تاع صور عيطتلها فريدة باش تقعد معاها وكيما كان الحال قعدت ايار مع فريدة يشوفو فالتصاور وراتلها اسر كي كان صغير كي كان يلعب كي كان ياكل وفي نفس الوقت تحكيلها على صغرو فريدة كانت تحب الخدامات تاعها خاصة لي صغار و بالاخص ايار كانت تعتبرها كيما بنتها وفي فالوقت لي كانوا يتفرجوا على الالبوم دخل اسر
اسر : يما غدوة انشاءالله عندنا ضياف على هذيك نحب كلش يكون واجد للعشا
فريدة : شكون راهو جاي
اسر : عائلة ¤¤¤¤ ياك علبالك درت شراكة معاهم
فريدة : ميكون غير خاطرك
اسر : انا راني خارج كشما تسحقي
فريدة : لالا وليدي منسحق والو بلاك على روحك
في الصباح :
ناضت ايار وجدت روحها بزربة لازم تلحق للقصر بكري وصاتهم فريدة كامل يجيو بكري باش يوجدو الحالة للضياف
كانت قطعت نص طريق منبعد تفكرت بلي نسات تليفونها
ايار : داك الزهر لي يكسر الحجر دوك ندير دومي تور اففف
راحت تجري للدار دخلت بالمفاتح و راحت لشمبرتها
ايار : وين راه وين راه ....... هاوليك ..... على جالك ضيعت وقتي بفف
كي كانت مولية سمعت صوت نجمة تبكي
ايار : هاذي ماما
راحت لشمبرة حكيمة لي جاي منها صوت كانت راح تدخل تشوف وعلاش راهي تبكي مي الهدرة لي سمعتها خلاتها تيبس في بلاصتها
.......
تحل الباب و شافتها حكيمة
حكيمة : ايار
نجمة كانت لداخل دورت وجها شافت حالة بنتها ناضت تجري
نجمة : ايار بنتي
ايار ( كانت تهدر بلعقل ودموعها يهبطو ): عيشتوني في كذبة 21 سنة
نجمة : لالا خليني نفهمك
ايار : سقسيتك قتلك واش كان يقول راجلك ديك الخطرة كذبتي عليا اهئ اهئ كذبتي
نجمة : مكان حتى فايدة تعرفي الحقيقة
ايار ( بدات تعيط ) : وعلاش وعلاش كذبتو عليا ها معندكش قلب اا
نجمة : مكنتش حابة نجرحك
ايار : وعلاش دوكا مجرحتونيش قتلتوني
نجمة : بنتي سمعيني
ايار : منيش بنتك متمسينيش
طاحت ايار فالارض تبكي
ايار : لوكان ماشي وليت لوكان معرفتش لوكان قعدت عايشة في هاذ الكذبة حسبتلك مراحش تنفضحو ها شفتي على جال هاذ التيليفون نكشف الكذب تاعكم
حكيمة : ايار سمعي ليماك واش تقول
ايار : نتي متهدريش سمعتي حياتي قاع نامنك خرجتي اكبر كذابة اذا قعدت عندكم ذرة رحمة قولولي شكون هما
نجمة : معلباليش ايار والله معلبالي
ايار : كذاابة
هذا هو البارت نتمنى يكون عجبكم متنساوش الجام و التعليقات
خليولي ارائكم في احداث البارت توقعاتكم واش هي الحاجة لي سمعتها ايار وباش تبدلها حياتها نتلقاو في بارت جديد انشاءالله مع احداث جديدة 💜
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
