سلام رجعتلكم اخيرا ببارت نتمنى يعجبكم خليولي ارائكم فالبارت و الشخصيات الجديدة و توقعاتكم للاحداث الجاية انشاءالله
الى الملتقى 💚
اسر : علبالي و راني واجد نتحمل نتيجة الغلطة لي درتها بصح
ايار : بصح واش
اسر : بصح ماشي انا لي نشارك ممتلكاتي مع الاخرين ؛ نتي تاعي و مراح تكوني تاع حتى واحد من غيري حبيتي و لا كرهتي
.....
بدات ايار تحل في عينيها بلعقل قعدت تشوف وين راهي يعني كامل واش شافتو منام
ايار : اهه
ناضت ايار للكوزينة لقات اسر يحط فالقهوة
ايار : صباح الخير
اسر : صباح الخير
ايار : لوكان غير نوضتني كي نضت
اسر : كنتي راقدة محبيتش نديرونجيك ؛ صحا على البارح
ايار : بلا مزية
اسر : تقدري تروحي اذا حبيتي ... باش ميتقلقوش والديك عليك
ايار تنارفات من الهدرة و البرود تاعو رفدت روحها بالزعاف راحت للصالون جابت صاكها دخل عندها اسر
اسر : خير واشبيك نضتي هكذا
ايار : ماشي كنت حابني نروح هاني رايحة سمحلي مكانش علبالي بلي الوجود تاعي يقلقك
خرجت ايار من دار شدت تاكسي و راحت للدار
بعد مرور شهرين :
جازو شهرين على الابطال تاعنا ايار بعد لي جاز كامل عليها باباها بعتها لامريكا مع هيثم باش تنحي على خاطرها و تنسى شوية و دوكا عندها يومين من لي رجعت و بالنسبة لاسامة فدايما كان يعيطلها مي هي قنعتو بلي مراحش تقدر تكون اكثر من صديقة بالنسبة ليه ؛ اسر جوز شهرين غير فالخدمة ليل و نهار ايار كانت ساكنتلو عقله و قلبه بصح قرر ينساها و يخليها بعيدة عليه بعد ماعذبها مراحش يستنى ترجعلو ولا حتى يمنعها تكون عائلة مع غيره فالوقت لي كان راح يتزوج مع غيرها مالغري كلما يخمم هكذا يحب يهبل
فوق هذا عندنا شخصيات جديدة لي جاو يعيشو فالقصر خلينا نتعرفو عليها
___________________________________
شريفة : هي جدة اسر ام بباه وهي تموت على اسر كلش كلش غير لي يدنا ليه انسانة مليحة بصح واعرة شوية
ليلى : خالة اسر انسانة اطيب منها مكانش حنيينة بزاف اسر يحبهاا بزاف ومام هي تحبو ماشي متزوجة كانت عايشة في كندا مي هاذ الخطرة رجعت لبلادها و فريدة اصرت عليها باش تقعد معاها
حسينة : عمة اسر مطلقة وهي انسانة ماشي مليحة على هذيك هي و فريدة ميتفاهموش بزاف وحدة غيورة وتحب غير مصلحتها و مصلحة ولادها عندها زوج دراري و طفلة
رانيا : بنت حسينة نسخة طبق الأصل من يماها ؛ تحب كلش ليها وهي و يماها يموتو على الدراهم في الزين رانيا شابة ( ايار خير منها 😂 ) بصح مسمومة هي و اسر قد قد فالعمر هو برك كبير عليها بالشهور
شريفة قررت تجي تشوف ولادها و ولاد ولادها بارسكو هي عايشة فالبلاد بحكم عندهم الاراضي تما وهي تحب البلاصة هذيك بزاف كيما قلتلكم هي جات تجوز يمات و حسينة لسقت فيها بارسكو هي تاني مزوجة فنفس المنطقة منبعد طلقت و جات معاها غير رانيا
......
دخلت طونوبيل للقصر ؛ هبط منها شوفور فتح الباب لشريفة لي هبطت و موراها بنتها و رانيا لي كي شافو القصر قعدو حالين فمهم دخلوهم للداخل و فريدة و ليلي بدورهم استقبلوهم احسن استقبال حسينة و بنتها كلاو القصر بعينيهم و هما يكيلو فيه اما شريفة قعدت تشوف فالصالون مليح ناضت من بلاصتها حطت يدها فوق طابلة و جوزتها
شريفة : فريدة اذا نتي مكنتيش تخدمي دارك على الاقل علمي الخدامين يخدمو مليح و يمسحو الغبرة
فريدة : ميكون غير خاطرك نقولهم يعاودولها
شريفة : امم
دخل اسر مشافش ميمبا فالصالون طلع ديراكت يجيب واحد دوصيي مالبيرو عيطتلو فريدة
فريدة : اسسر
اسر : واشنو يما
دخل اسر للصالون لقا جداتو راح سلم عليها و زاد على عمتو كي لحق عند رانيا
حسينة : اسر هاذي رانيا ياك شفيت عليها
كانت راح ترمي روحها تسلم عليه سبقها بيدو كي سلم عليها رانيا حست بالتبهديلة وهو مشافش فيها ميمبا خرج ديراكت للشركة
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
