دخلت ايار لشمبرته
ايار : واو بزاف شابة و كبيرة قيس دارنا كامل
قعدت دور فيها كانت مرتبة و منظمة بزاف
ايار : واش نزيد نقي فيها
حتى سمعت صوت خشين موراها
..... : شكون نتي
دارت بلعقل
ايار ( مع روحها ) : يامامي شحال شباب 😍😍😍
اسر : راني نهدر معاك شكون نتي
ايار فاقت لروحها
ايار : انا خدامة جديدة هنا
اسر ( بكل برود ) : نتي هي ..... دوكا خرجي
خرجت ايار من عندو
هبطت لتحت لقات فاتن
فاتن : ايار ارواحي
ايار : انعم
فاتن : بنتي هاكي لقهوة طلعيها لاسر انا عندي خدمة قوليلو بلي بعتتهالك فاتن باسكو يحبها بهاذ طريقة وهنا غير انا لي نديرهالو
شدت عليها القهوة و راحت فاتن
ايار : زعما واش هاذ طريقة لي يحبها و غير فاتن لي ديرهالو
راحت داقت منها رجعت بزقتها و طاح الكاس
ايار : يععع واش هاذ القهوة مافيها حتى بنة مرة بزاف .... ايار كسرتي الكاس واش درتي واش ندير انا دوك
راحت رفدت الزجاج و مسحت الارض
ايار : واش نديلو دوكا
حطت يدها على فمها كيما صغار
ايار : امم لقيتها انا ندير قهوة خير من هادي
جبدت ايار واش تسحق و وجدتلو القهوة بالطريقة لي تحبها جي بذوق الفانيلا
ايار : اخر لمسة .... و كملت
بدات تصفق على الانجاز العظيم طلعتلو القهوة و دخلت
لقاتو قاعد يقرا فواحد لكتاب
ايار : مسي...
اسر : متعرفيش دقدقي لباب قبل متدخلي
ايار : بصح....
اسر : راكي تشوفي فالباب لي دخلتي منو ...
ايار ( قطعتلو الهدرة ) : تتقعد بيا دوكا باينة بلي راني نشوفو
اسر ( خزر فيها خزرة تموت ) : شكون نتي باش تقطعيلي هدرتي و فوق هذا تريبوندي متنسايش بلاصتك
ايار خافت بزاف و غاضتها عمرها كانت حابة تبكي مي شدتها
ايار : سمحلي مس..سسيو
اسر : دوكا تعاودي تخرجي و طبطبي و كي نقولك تدخلي باش تدخلي
هبطت راسها و دارت كيما قال قعدت طبطب طول باش قالها دخلي دخلت حطت القهوة و جات خارجة
اسر : انا قتلك خرجي
دارتلو براسها لالا
اسر : ملا شكون قالك تخرجي
ايار : سمحلي
اسر : على حساب شوفة راح تطلبي سماح بزاف
رفد لقهوة وشرب منها خزر فيها
اسر : هاذي ماشي لقهوة لي موالف نشربها
ايار : انا درتها
اسر : تقدري تخرجي
خرجت بزربة و هبطت لتحت قعدت تقسر مع مونيا لي لقاتها طفلة بزاف مليحة كبيرة على ايار بعام
كملت نهارها عادي و راحت للدار
بعد مدة .....
نجمة : كيفاش هاذي تباتي عندهم
ايار : ماما ياك غير الويكاند و زيد كاين بنات تما
نجمة : ايار انا ملول معجبتنيش لخدمة هاذي و دوكا تحبسيها فهمتي
ايار ( عيطت ) : خلاص ماما خلاص دايمن نسمعلك هدرتك مي بزاف راكي تشوفي فيا ميتة على هاذ الخدمة لالا مي محتاجتها محتاجة شحال من حاجة بسيف باش لقيت خدمة و دوكا تقوليلي نحبسها
نجمة : ايار
ايار : خلاص ماما خلاص
راحت ايار لشمبرتها غلقت على روحها و رقدت
صباح :
ناضت ايار راحت للكوزينة لقات يماها و جدتها يشربو فالقهوة
ايار : صباح الخير
حكيمة : صباح النور
شربت ايار لقهوة وراحت لبست حوايجها المعتادة لحقت للقصر لقات فريدة فالطابلة
ايار : صباح الخير مدام
فريدة : صباح الخير ايار
خبطتها ريحة بزاف شابة دورت راسها لقات اسر هابط تاهت فيه لحق للطابلة سلم على راس يماه
و قعد فطنها صوتو
اسر : نسحقك ديريلي قهوة كيما تاع البارح
ايار : كيما تحب مسيو
راحت دارتلو لقهوة و داتهالو
كمل اسر ناض راح للشركة و ايار طلعت لشمبرته سقمت الفراش و هكذا كملت نهارها عادي
بعد مرور خمس ايام :
Ayar #
جازو هاذ اليامات عادي علي كنت نقرا و نروح نخدم مي هاذ اليامات مرانيش نشوف اسر كامل مونيا قاتلي بلي شحال من خطرة يطول ميجيش للدار بحكم الخدمة المهم انا و مونيا تقدرو تقولوا ولينا صحابات عقليتها بزاف هايلة مالغري جامي لا توقعت يولي عندي صحابات من صغري منحبش ندير صحبة صحبتي الوحيدة هي ماما و بالهدرة على ماما رحت طلبت منها السماح باسكو مكانش لازم نعيط معاها هكذاك
و دوكا راني نوجد في كابتي صغيرة حطيت فيها قاع واش نسحق
......
لحقت للقصر و رحت مع مونيا داتني للشمبرة تاع الخدم مزية انا وياها شمبرة وحدة حطيت حوايجي تما دخلت للكوزينة لقيت طاطا جميلة طيب
جميلة هي خدامة تاني مسؤولة على الطياب وهي في عمر نجمة يمات ايار
ايار: صباح النور جوجو
جميلة : بوه على جوجو في كبري ههه صباح الخير
ايار : مزالك صغيرة جوجو ؛ ايه واش رايك نعاونك في الطياب
جميلة : ايه لبسي طابلية و ارواحي و تعرفي طيبي
ايار : باينة تعلمت الصنعة من عند حكيمة
عاونتها في الطياب من بعد قلتلها اذا نقدر ندير كيك قاتلي نورمال
جبدت واش نسحق و بعد مدة كنت وجدت كيك بالاناناس جا يشهي
خرجت من الكوزينة نلقا اسر هابط مع واحد جون قعدت نتبسم وحدي
___________________________
قعدت غايسة فيه مالغري اسر مشافش كامل فيها
كان يهدر مع ليث على لخدمة عاودت ولات للكوزينة
اسر : مونيا
مونيا : وي مسيو
اسر : جيبيلنا زوج قهوة ليث لي موالف و انا قولي للخدامة لجديدة تديرلي تاعي
مونيا : تحبو نجيبلكم قاطو راهو سخون مسيو ليث واشرايك
اسر ( بلعياط ) : انا واش قلت جيبي و متزيديش فالهدرة
كي عيط عليها ترعدت وحدها و هبطت راسها
ليث : يا خو واشبيك جيبيلنا لقاطو هذا راني جيعان
و تبسم معاها
مونيا راحت بزربة للكوزينة
ايار : واشبيك حمرة
مونيا : ضحك معايا اهه و ديك تبسيمة بزاف شباب
ايار : شكون
مونيا : ليث صاحب مسيو اسر
ايار : متقوليليش طايحة فيه
مونيا : افف ديجا ديري لقهوة تاع مسيو اسر
💜هذا هو البارت نتمنى تكون عجبتكم الحكاية بداية
حابة نلقى تفاعل باش نتشجع و نكمل نحطها باسكو كنت حابة نكتبها كامل باش نحطها مي دوكا راني نحط بارت بارت
حابة نعرف رايكم في الشخصيات و الافكار اذا عندكم افكار حابينها قولوهالي نتلقاو في بارت اخر لي راح يكون فيه شخصيات جديدة انشاءالله 💜
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
