مونيا : ياواحد البغلة كيفاش ديريلي هكذا علاش مادافعتيش على روحك لي كان راح يصرا لوكان صرا لينا بين زوج
ايار : مونيا تحجي متزيديش تجبديلي على هذيك الحكاية
مونيا : ايه خلاص
دخلت معاها للكوزينة بديت نخدم كيما لعادة
جاز شهر صحة ماني تحسنت والفت الخدمة بزاف و والفت انه نظم وقتي بين القراية و الخدمة و مدام فريدة عمرها ولا عياتني ولا زادت الخدمة عليا بالعكس تراعي قرايتي و عمري
كنت قاعدة نسقم في البونك باش نوجد روحي نروح للخدمة بحكم مراناش نروحو بزاف للسبيطار حتى شفت تيليفون صونا
ايار : هيثم صباح الخير
هيثم : صباح النور ايار سافا
ايار : حمدالله ونتا
هيثم : حمدالله واش كنت راح نقلك كاين حفلة غدوة انشاءالله و حابك جي معايا
ايار : تاعمن
هيثم : بابا دار شراكة مع شركة كبيرة بزاف على هذيك دار حفلة ولازم نحضرلها
ايار : امم معلاباليش ماشي موالفة بهاذ العفايس
هيثم : ههه مام انا منحبهمش مي لازم هيا ايار منها تنحي على روحك شوية
ايار : خلاص نشوف ماما اذا خلاتني نجي
..........
*******
ايار : ماما حابة نطلب منك حاجة
نجمة : خير انشاءالله
ايار : كاينة حفلة غدوة انشاءالله وحابة نروح
نجمة : تاعمن الحفلة
ايار : انيفارسار تاع وحدة تقرا معايا ( كذبت عليها باسكو علابالها متحبش )
حكيمة : يا مراة طفلة تروح غير لقراية و لخدمة خليها تنحي على خاطرها
نجمة : ايه بصح مطوليش بزاف
سوطات ايار عنقتها و باستها وراحت غير لحقت للقصر راحت تجري لمونيا
ايار : مونيا
مونيا : وي حبيبتي
ايار : علبالك غدوة انشاءالله كاينة حفلة وهيثم حبني نروح معاه
مونيا : صح مام انا عندي حفلة
ايار : ههه تاعمن
مونيا : كاين حفلة دايرتها شركة تاع مسيو اسر و ليث حبني نروح معاه
ايار : ليث !!!
مونيا : ايه محبيتش نقول بصح تقدري تقولي كاين تطور صغير في علاقتنا
ايار : واشمن علاقة يا مونيا حطي عقلك في راسك هذوما يجوزو غير الوقت مراحش يقدرو يخزرو في خدامات كيما حنا
مونيا : بففف وجه البق كيفاش تهبط فالمورال
ايار : هاذي هي الحقيقة مونيا حبيتي ولا كرهتي
مونيا : وعلاش حنا واش خصنا
ايار : مراحش تفهميني
مونيا : المهم واش رايك نطلبو من مدام فريدة تخلينا نص نهار عشية باش نروحو نشريو
ايار : ايه صح انا معنديش كامل حوايج شابين للمناسبات
راحو البنات شراو حوايج و مكياج وكل حاجة سحقوها ايار اول مرة تحس روحها طفلة تشري و تلبس كيما لخرين بيانسور بالخلاص تاعها
___________________
كملت ايار وجدت روحها خرجت تهبلللل
هكذا شوية بعثلها هيثم ميساج
خرجت لقاتو يستاناها
هيثم : اووو منين زين هذا كامل وين كان مخبي
ايار حمارت
هيثم : ههه واش حشمنا
ركبت في الطونوبيل وصلو للحفلة دخلو كيفكيف كانت تشوف في ناس تما وين هوما وين هيا خزرت في حوايجها لي كانو سامبل و هوما لي لابسين غير الحطة و الغالي حتى تشوف مونيا جات تجري عندها
ايار : مونيا
مونيا : ياااي ايار معروضين لنفس الحفلة و معلبالناش
ايار : ههه
هيثم : واش متعرفيناش بالشابة
ايار : مونيا هيثم هيثم مونيا صحبتي
هيثم : متشرفين
في وسط الضحك و القسرة شافت ايار اسر تاهت فيه هو شباب مي اليوم كان يبان بزاف شباب شافت فيه يخزر فيها بخزرة مفهمتهاش اول مرة يشوف فيها هكذا حشمت هبطت راسها
هيثم شد يد ايار و داها عند باباه لي كان مع اسر و ليث تاني
هيثم : بابا هاذي هيا ايار لي موالف نحكيلكم عليها ايار هذا بابا
مدت ايار يدها لمراد باش تسلم عليه خلاها هكذا
شاف فيها بنظرة سخرية
مراد : وين راه الجديد دايمن نشوفو هاذ نوع من لبنات
هيثم : بابا
مراد : راني نكذب بنات رخاس يرميو روحهم على جال دورو هههه هنا ماشي بلاصتك
ليث : ههه ياعمي مزال ماشفت هذوك لي حاسبين روحهم بلي نقدرو نحبوهم ونعيشو معاهم قصة حب ههه ؛ هاذي والو شوف صاحبتها اممم....مونيا وين راكي هاكي وين بعدتي ولا راكي تحوسي على واحد اخر
بداو كامل يضحكو عليهم مونيا كانت حابسة غير دموعها لي يسيلو
شدتها ايار و دنات منهم
ايار : نتوما عندكم دراهم و حنا لالا نتوما عندكم القصور وحنا لالا نتوما عندكم الذهب و حنا لالا بصح حنا عندنا كرامة عندنا الراحة و السعادة لي معندكمش و متقدروش تجيبوها بدراهم و نتا متنساش بلي عندك بنتك و كيما هدرت فولية غدوة يهدرولك فبنتك و نتا ليث ولا مسيو ليث عندك ختك و يماك غدوة يهدرو عليهم
مراد : انا بنتي اشرف منك يا سراقة الرجال
هز يدو باش يضربها شدتهالو
ايار : مزال منولدش الراجل لي يرفع يدو ليا .... مونيا هيا
هذا هو البارت نتمنى يكون عجبتكم خليولي رايكم في ليث اسر مراد .... الاحداث
الى الملتقى انشاءالله
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
