اسر : لي تبدل انه البارح مكانش علبالكم بلي ايار بنتك و اليوم مسيو مراد تعرض لسكتة قلبية بارسكو عرف بلي ايار بنتو ماشي باسكو راهي حابة تديلك دراهمك مدام ¤¤¤¤
روميسة : ك..ككيفاش .... واش راه يهدر هذا
كانو كامل ساكتين
روميسة : واش راك تهدر
اسر : هاذي هي ايار حكاتلي بلي اللي رباوها داوها من والديها كي كانت صغيرة وهي غير كيف عرفت باباها قصدي لي رباها يحب دراهم بزاف و مكانتش صعيبة نعرف منو شكون والديها
هيثم : يعني ايار تعرف لي الناس لي تربات معاهم ماشي والديها
روميسة دموعها كانو يطيحو طاحت قعدت فالارض
روميسة : رغم لي قاساتو و جوزتو كامل حنا عاملناها بواحد طريقة .... كيفاش قدرت نضربها ( و طرطقت بالبكاء )
هبطت نور عندها
نور : ماما خلاص متبكيش .... صح غلطتي بصح مكانش علبالك بلي بنتك
روميسة : كنت دايمن نحوس على بنتي و دوكا كي عرفتها خرجت الطفلة لي عذبتها راح تكرهنا كثر و كثر
هيثم : خلاص يما اسكتي ؛ ايار مراحش تعرف بلي حنا عايلتها
روميسة : يعني 21 سنة وانا نستنى و دوك تقولي متقولهاش
هيثم : يما برأيي خليها فترة على الاقل تكون ريحت شوية ملي صرا منبعد تعرف
مراد : انا بنتي نجيبها تعيش عندي قدام عينيا اليوم قبل غدوة
اسر محبش يزيد يدخل روحو كثر فالمشاكل العائلية تاعهم
اسر : اسمحولي نروح بالشفاء عليك عمي مرة واحد اخرى
مراد : يسلمك اسر
بعد مرور اسبوع
مراد خرج من سبيطار و راهو في دارو دوك اما ايار فطلبت من فريدة تمدلها يامات راحت قعدت عند حسنة بارسكو راجلها راح للصحراء خدام من جهة حبت تبعد شوية على هاذ المشاكل و من جهة هي تحب بزاف حسنة و عندها شحال مراحتش عندها
اليوم صباح ناضت ايار لبست
ايار : حسنة ختي راني رايحة
حسنة : وعلاش ايار متزيديش تقعدي
ايار : لازم يا حسنة منقدرش نخلي خدمتي راني عايشة بها
حسنة : واش حبيتي نقولك ؛ بلاكي على روحك
خرجت ايار كي لحقت قدام دارهم القديمة بحكم حسنة تسكن في حومتها لقديمة شافت رجال يخرجو فالقش مشات شوية لقات نجمة واقفة تما غير شافتها جات عندها باستها
نجمة : كيفاش راكي ايار
ايار : لباس
نجمة : اممم.... حنا راح نروحو نعيشو فالبلاد
ايار : مليح
نجمة : اتهلاي في روحك مليح و بلاكي ديري كونفيونص فالناس
ايار : كيما درت فيكم
نجمة : راح تقعدي بنتي لي نحبها بلاكي على روحك
راحت نجمة ايار كانت حابة تروح تعنقها مهما كان هي لي رباتها وعيات معاها بصح رجعت تفكرت واش دارولها كملت طريقها
غير لحقت للقصر قاتلها فريدة تروح للابارتومون تاع اسر تنقيها باسكو كان قاعد تما هاذ اليامات و عندها شحال ماتنقاتش ؛ وصلها الشوفور وهي طلعت
طبطبت .....
فتح اسر لقاها قدام الباب
ايار : صباح الخير مسيو مدام فريدة قاتلي ....
اسر : ادخلي
دخلت ايار للداخل لقات الدار مقلبة فرزتها و نقاتها رجعتها تشعل منبعد راحت وجدت الفطور في هاذ الوقت كان اسر قاعد فالبالكون يخدم في واحد الاوراق ؛ ايار خلات الماكلة طيب دارت دارت كي حكمها الفيد راحت للبالكون لقاتو يخدم قعدت واقفة تشوف فيه
اسر ( وعينيه فالاوراق ) : كشما تسحقي ايار
ايار : نقيت كامل الدار و وجدت الفطور وو ...
اسر : و واش
ايار : ملقيت ماندير يعني اذا معندي ماندير نقدر نروح ؟
اسر : اقعدي
قعدت ايار
اسر : استناي دوك نجي
.......
دخل اسر و في يدو كتاب مدو لايار
اسر : هاكي علبالي تحبي تقراي هكذا متقوليش ماعندي ماندير
ايار : صحا
.........
( ملاحظة : النقاط بين الفترات يعني بعد مرور مدة زمنية معينة )
اسر : ايار وين رحتي هاذ السمانة
ايار : رحت عند وحدة حبيبتي نعرف من بكري قعدت عندها
اسر : مالا جوزتي يامات ملاح
ايار : ايه سورتو مع ولادها ........
قعدو يحكيو هدرة جيب هدرة و محسوش بالوقت كامل حتى
ايار : اياه خليت الماكلة على النار تكون تحرقت
يتبع .....
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
