القصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها
ملاحظة : احداث القصة غير واقعية
ايار فهمت بلي صرات حاجة بين اسر و كاميليا حست بوجيعة في قلبها حست روحها غارت بصح كذبت قاع هاذ الاحاسيس كملت فرزت شمبرة وخرجت ; راحت ايار لعند مونيا استقبلتها يماها ناس ملاح مي باين عليها بلي الزمان عياها المرض باين في وجهها دخلتها كانت دار صغيرة مي متحوفة ونقية راحت للشمبرة لي كانت فيها مونيا سلمت عليها و عاونتها باش توجد روحها
ايار : يا مونيا ياختي باين عليك بلي مراكيش حابة وعلاش تسيفي على روحك الدنيا متحبسش عند ليث اول واحد جا خطبك قبلتي كان لازم تخممي مليح مونيا : اول واحد كان راح يخطبني كنت راح نقبل ايار : حتى لوكان كان شيخ مونيا : لوكان كان شيخ معوق سراق و نقبل ايار : نتي ضعيفة بزاف ضعيفة لدرجة تقبلي تخسري حياتك غير على جال راجل مايسواش راجل ميعرفش قيمتك مونيا : ايار متعرفيش معنى تاع واحد تحبيه و يجي يتمسخر بيك ليث كنت نحبه لواحد درجة لوكان يقولي موتي نموت نهار عرضني معاه للحفلة فرحت بزاف قلت بلي واخيرا الدنيا ضحكتلي وبديت نرسم في واحد الاحلام ههه ميصراوش قلت بلاك يعترفلي بلي يحبني ولا يعرض عليا الزواج بصح هو ذلني و رخسني قدامهم كامل ايار : مونيا مالاول قتلك متحلميش بحجات ميقدروش يصراو متشديش فيهم باسكو كي تعرفي حقيقتهم راح تنجرحي بزاف ليث مكانش يحبك ولا راح يحبك هما يشوفو في المستوى كثر ملي يشوفو في الاخلاق
مونيا كانت تسمعلها وتبكي مالاول علبالها بلي هدرة ايار صحيحة بصح كانت تكذبها مكانتش حابة تشوف الواقع المر
ايار : متبكيش دوك المكياج يسيح ؛ البنات في خطبتهم يفرحو ديجا بلاك يكون هذا رياض مليح انا مقلتش بلي لازم يكون عيان بلاك الدنيا راهي مخبيتلك عفايس ملاح .... شوفي انا ممبا موجدتش روحي بلاك نلقا ببات ولادي في الخطبة مونيا : هههه
وجدت ايار لبست حاجة خفيفة مكيات خفيف وشعرها خلاتو ليس
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
جازت الخطبة هايلة رياض كان يبان فرحان باسكو هو جارهم ويحب مونيا من صغرهم مي مونيا عالم اخر ايار عاونت يمات مونيا فرزت كلش منبعد ماراحو منبعد بدلت حوايجها
ايار : مونيا ختي لازم نروح مونيا : يعطيك الصحة لي وقفتي معايا في نهار كيما هذا مننسالكش خيرك ايار : مبيناتناش وزيد اذا مكنتش مع ختي في نهار كيما هذا معامن نكون ؛ نتي برك مدي فرصة لرياض الطفل يبان عاقل ويحبك مي عجوزتك مناكدلكش مونيا : ههه علبالي تبان مسمومة ايار : ههه ايا انا نروح باي تهلاي في روحك
هذا هو البارت علبالي قصير مي البارت 12 كتبته و كملته دوك شوية نحطهولكم البارت الجاي بزاااف شباب و مشوق فيه عفايس جدد اذا لقيت تفاعل نحطه
