الخادمة و الزعيم _ باللهجة الجزائرية _

بارت 16

ناضت ايار راسها يوجع لبست لي لقاتو قدامها وخرجت للبلاصة لي قاتلها عليها نجمة اليوم راح تعرف شكون هي عايلتها

بعد مدة :

وصلت ايار لبلاصة لي يخدم فيها احمد بعدما سقسات قدرت تلحق كان قراج صغير كي دخلت كان احمد مركز مع الخدمة و منتبهش لايار

ايار : سلام عليكم

دار احمد فالاول تشوكا كي لقاها

احمد : وعليكم سلام
ايار : حابة ندي خمس دقايق من وقتك
احمد : تفف...تفضلي
ايار : حابة نعرف والديا وين راهم
احمد : معلباليش
ايار : علبالك ماشي نتا لي سرقتني منهم
احمد : منبعد ما جابتك يماك رفدك طبيب و جابك عندي وغير هذا منعرفهمش شكون
ايار ( بدات تعيط ) : تكذب .... واش راح تربح كي تخبي عليا ... خايف يعرفو الناس هذوما لي هما عائلتي .... واش درتلكم باش ديرولي هكذا مقعدتش ذرة انسانية في قلبكم ها ..... كيفاش راح تقدرو تعيشو حياتكم مع هاذ الذنب
احمد : انا لي عندي قلتهولك و دوكا اخرجي منا
ايار : منسمحلكمش ..... منسمحش

خرجت ايار بدات تبكي كانت تشوف الطريق فلو اخر امل باش تلقا والديها راح مشات مشات حتى طاحت وسط الطريق تبكي و تعيط ؛ حست بيد على كتفها دورت راسها

ايار : هذا نتا
اسامة : ايه انا

هبط عندها يمسحلها فالدموع

ايار : كيفاش لقيتني
اسامة : تبعتك
ايار : مكرهتش
اسامة :  نوضي معايا
ايار : لالا خليني
اسامة : راسك يابس ؛ شوفي ايار منطلب منك حتى حاجة غير السماح انساي واش صرا اخر مرة كنت حمار و جايح وقتها علجال العشرة وعلى جال الوقت لي جوزناه كيفكيف

نوضها اسامة و ركبها معاه فالطونوبيل

نروحو لجهة واحد اخرى :

هنا دار مراد ولا نقولو قصر كانت كبيرة وشابة بزاف كانو قاعدين يشربو فالقهوة

مراد : واش هيثم سافا مع الخدمة
هيثم : سافا
مراد : ونتي بنتي سافا مع القراية
نور : شوية بابا
مراد : لازم بنتي جيب الباك تاعها بمعدل يشرفني
نور : انشاءالله باباتي
....
مراد : ايه كيفاش راك مع هذيك هيثم
هيثم ( فهم بلي ايار ) : شكون هاذي
مراد : هذيك لي خرجتلك عقلك من راسك
هيثم : بابا مراحش نعاودو نوليو لسيرة ايار موراها موراها حتى ولات متحبش تحب تهدر معايا واش تحب كثر من هاك
مراد : لي شفتو البارح فسبيطار يقول العكس
هيثم ( بدا يعيط ) : خلاص بابا حبس واش دارتلك الطفلة ؛ اذا راح تقعد تهدر فنفس الموضوع وجهي تنساه
مراد ( زاد فالعياط ) :  هيثم بلاك صوتك يزيد يترفع معايا سمعت وفوق هذا وليت تهددني على جال وحدة متسواش عرفتها لبارح

العياط كان غير يزيد هيثم خبط طابلة و راح

مراد : هيثم ولي هيثثم
روميسة : مراد خلاص خلاص خلي الطفل
مراد : مراكيش تشوفي فيه
روميسة : خسرت وحدة مرانيش حابة نخسر زوج

روميسة كانت تبكي مراد راح عندها

مراد : خلاص روميسة متبكيش
نور : بابا ماما واش راهي تهدر
مراد : نور .... نور نتي عندك ختك
نور : وشنو .... ووو..وين راهي
مراد ( دمعة في عينو ) : معلبالناش فالوقت لي زادت سرقوها كونا بزاف فرحانين كي جات كانت اول طفلة عندنا هيثم كان صغير منبعد كي يماك حوست عليها باش تشوفها ملقينهاش حوسنا بزاف مخليت حتى بلاصة بصح بلا فايدة
روميسة : مراد رجعلي بنتي عييت واش تكون راهي دير تكون كبرت وين تربات ليمن تشبه عاشت مليح دايمن نفس الاسئلة في راسي اهئ اهئ

مراد عنق روميسة نور تخلطت عليها كانت تبكي عمرها ولا توقعت يكون عندها ختها

_ _ _ _ _ _ _ _ _ _ _ _ _ _ _ _ _ _ _ _ _ _ _ _

نرجعو عند ايار كانت مع اسامة فواحد ريستورون شيك

اسامة : سافا ايار
ايار : اممم
اسامة : مراحش نضغط عليك بصح اذا حبيتي تحكي و تفرغي قلبك راني هنا

في هاذ الوقت كان اسر في اجتماع في هاذ الريستورون وشنو هو كان في الطابق الفوقاني كي كمل عيط للشوفور باش يجيبلو طونوبيل ؛ كان هابط حتى شاف ايار بصح ماشي وحدها مع واحد راح عندها ديراكت

اسر : ايار
ايار : اس...مسيو اسر
اسامة : اووو اسر هنا
اسر : ايار متفكرتش بلي اليوم مديتلك نهار متخدميش فيه
ايار : اااا....
اسامة : ايار منين تعرفيه
اسر : تخدم عندي
اسامة: بصح جابلي ربي هنا مكانش خدمة داخل خدمة خدمة و برا سلام عليكم متعرفها متعرفك

اسر : هيا ايار الخدمة راهي تستنى
اسامة : كي نكملو انا نرجعها
اسر : كي يهدرو الكبار الصغار يسكتو
اسامة : ههه مزية لي قتلي بلي انا صغير
اسر : فالعقل ماشي فالعمر
ايار : اسامة خلاص انا لازم نروح مارسي ... على كلش

كانت خارجة شدها اسامة بيد و اليد الاخرى خبط بيها اسر ؛ اسر خزر في يدو مليح و اوب خبطو رماه على الطابلة و طاح عليه بالضرب

اسر : قتلك شحال من خطرة متلعبش معايا

كمل اسر يمشي عادي كلي ماصرا والو عاود دار

اسر : واش تسحقي انفيتاسيون باش جي

ايار رفدت ساكها وهو راح شدها و كركرها موراه

هذا هو بارت اليوم
متنساوش الجام و تخليولي ارائكم في  احداث البارت كامل
و كيما العادة اذا كان تفاعل نحط بارت
تفاعل = بارت جديد
الى الملتقى انشاءالله
💙