ليث : ديجا روحي لرياض تاعك خليتيه يستنى
خرج ليث منارفي قعد فالطابلة كان يبان مقلق
اسر : غير الخير ليث
ليث : خير خير
قعدو يتعشاو منبعد كملو زادو شوية و راحو
في الليل كامل :
كانت ايار قاعدة في الجنان تخزر فالسماء حست بنادم موراها دارت لقاتو اسر
اسر : واش راكي ديري هنا
ايار : كنت قاعدة ... سمحلي دوك نروح
اسر : ريحي
رجعت ايار بلاصتها و اسر قعد قدامها
كان السكات حتى نطق اسر
اسر : سمعت بلي راح تولي تقعدي هنا
ايار : ايه
اسر : وعلاش
ايار : وشنو وعلاش
اسر : فالاول نتي محبيتيش تقعدي هنا قلتي يماك محال تخليك و دوكا واش تبدل
ايار كانت ساكتة معرفتش واش تقول حبت تحكيلو بصح مقدرتش رجعت تفكرت واش صرالها اليوم تفكرت بلي هي عاشت بدون اب بصح دوكا لا اب لا ام ولا حتى واحد من عايلتها حست روحها وحيدة دموعها بداو يهبطو ويدان
ايار : متزيدش تجبدلي على ماما ولا على حتى واحد من عائلتي
اسر : اششش خلاص سكتي
ايار محبستش لبكاء شدها اسر وعنقها 😭😭 هي قوات فالبكية زمان ايار سكتت بصح هو قعد مزير عليها و معنقها حتى رقدت قعد يشوف فيها اول مرة يشوفها عن قرب رفدها و داها للشمبرة كانت مونيا قاعدة تشوكات كي شافت ايار و اسر اسر حطها فالبونك و راح
في الصباح :
ناضت ايار صباح تشوف في مونيا فوق راسها
ايار : واش كاين
مونيا : انا لي نسقسي ماشي نتي جايبك مسيو اسر فالليل ونتي راقدة عندو
ايار : شكون انا ..... تفكرت بصح ..... هو جابني
مونيا : لالا انا راني نقولك هو
ايار : اياه على التبهديلة
مونيا : فهميني
ايار : واش نفهمك
مونيا : واش صرا البارح
ايار : مصرات حتى حاجة من لي في مخك
كانت ايار طالعة باش تنقي شمبرة تاع اسر شافته هابط هبطت وجها و طلعت حشمت مالبارح كملت الشمبرة و راحت وجدت روحها باش تروح للجامعة حتى سمعت الحس من برا خرجت لقاتها نجمة مع العساس مخلهاش تدخل
نجمة : عيطلي لايار نسحقها
العساس : مدام منقدرش ندخلك بلا اذن
......
ايار : واش جيتي ديري
نجمة : ايار ..... بنتي جيت نرجعك معايا
ايار : اولا مرانيش بنتك ثانيا شكون قالك بلي راح نرجع
نجمة : مراحش نروح غير ونتي معايا
ايار : مديريليش مشاكل هنا ؛ عندي قراية دوكا غدوة انشاءالله انا نجي عندك ... راني نقولك نجي
خرجت نجمة وايار راحت للفاك
في اليوم التالي :
ناضت ايار صباح بكري قررت تروح لدارها القديمة
غير وصلت فتحتلها نجمة كانت راح تعنقها بصح ايار دات
نجمة : ايار جوزي
ايار : مكلاه انا جيت باش نقولك زوج عفسات و مراحش نطول عليك الاولى منسحقكش تزيدي جي للقصر منسحقش مشاكل في خدمتي بارسكو راح تعيي روحك في باطل مراحش نرجعلك انسايني
نجمة : ايار مديريش ...
ايار : خليني نكمل هدرتي ... حابة نعرف وين نقدر نلقا راجلك
نجمة : وعلاش ... حابة ترجعي لوالديك
ايار : حابة نعرفهم و نعرف عايلتي واذا نرجعلهم ولا لالا هذا ماشي شغلك و دوكا قوليلي وين راه
نجمة : معلباليش وين راه يسكن بصح يخدم ف ¤¤¤¤¤ روحي تما سقسيهم على ميكانيسيان احمد يقولولك
دارت ايار خارجة
نجمة : على الاقل شكريني
ايار : صحا على كلش صحا باسكو ربيتيني بغض النظر على الكذب و الخداع لي درتوه بصح منقدرش ننكر خيرك نتي ربيتيني و كبرتيني ومنقدرش ننسالك خيرك
خرجت ايار كانت تتمنى لوكان لي جاز عليها كامل كذب مقدرتش تزيد تتحمل كثر
ايار : مزالني صغيرة يا ربي باش نتحمل هذا كامل
قعدت تشوف فالناس حست روحها وحيدة معندها حتى واحد قعدت تمشي معلبالهاش وين رايحة حتى صونا تيليفونها كانت مونيا
ايار : الو مونيا
مونيا : ايار وين راكي
ايار : خرجت كان عندي شغل
مونيا : علبالك ببات اسر راهو فسبيطار
ايار : صح واشبيه
مونيا : معلباليش وقيلا اكسيدون
ايار : اما سبيطار راهو
مونيا : فاتن راحت مع مدام فريدة راهم ف ¤¤¤¤
هذا هو البارت نتمنى يكون عجبكم خليولي ارائكم فالبارت اذا لقيت تفاعل نزيد نكتب بارت منبعد
الى الملتقى انشاءالله
💜
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
