سلام البنات ؛ علبالي طولت بزاااف هاذ الخطرة مي الله غالب اصبروا شوية مقعدش بزااف للقصة نتمنى بارت اليوم يعجبكم متنساوش الجام و تعليقاتكم و ارائكم لي تهمني بزاف 💜
دخلت طونوبيل للقصر ؛ هبط منها شوفور فتح الباب لشريفة لي هبطت و موراها بنتها و رانيا لي كي شافو القصر قعدو حالين فمهم دخلوهم للداخل و فريدة و ليلي بدورهم استقبلوهم احسن استقبال حسينة و بنتها كلاو القصر بعينيهم و هما يكيلو فيه اما شريفة قعدت تشوف فالصالون مليح ناضت من بلاصتها حطت يدها فوق طابلة و جوزتها
شريفة : فريدة اذا نتي مكنتيش تخدمي دارك على الاقل علمي الخدامين يخدمو مليح و يمسحو الغبرة
فريدة : ميكون غير خاطرك نقولهم يعاودولها
شريفة : امم
دخل اسر مشافش ميمبا فالصالون طلع ديراكت يجيب واحد دوصيي مالبيرو عيطتلو فريدة
فريدة : اسسر
اسر : واشنو يما
دخل اسر للصالون لقا جداتو راح سلم عليها و زاد على عمتو كي لحق عند رانيا
حسينة : اسر هاذي رانيا ياك شفيت عليها
كانت راح ترمي روحها تسلم عليه سبقها بيدو كي سلم عليها رانيا حست بالتبهديلة وهو مشافش فيها ميمبا خرج ديراكت للشركة
.............................
روميسة : انشاءالله ... سلميلي عليهم ... هاذي فريدة
ايار : خالتو فريدة ... واش تسحق
روميسة : راهي عارضتنا للعشا
ايار : ممم
روميسة : ياك تروحي
ايار : لالا راني عيانة المرة الجاية
روميسة : اياار
ايار : ماما stp متسيفييش عليا
ناضت ايار جات خارجة من صالون
روميسة : وين راكي رايحة
ايار : ماما خطيني مرانيش نتهرب مالهدرة معاك بصح راني عيانة فهميني
روميسة : لوقتاش تقعدي تتهربي منو
حبست ايار
ايار : شكون هذا لي راني نتهرب منو
روميسة : اسر ( راحت عندها ) مكان حتى فايدة من الهربة ... ماشي كي مانيش نهدر معنتها مراني عارفة بوالو راني كبيرة عليك و نعرف خير منك وفوق هذا راني يماك ... ايار بنتي متخليش حياتك تحبس عند راجل
ايار : ماما مكان حتى حاجة ملي راهي في بالك كوني مهنية
لحقت لعشية بلخف ايار كانت قاعدة في البونك كانت حابة تروح بصح ماهيش حابة تشوفو و ترجع تضعف
............
مراد : وين راهي ايار
روميسة : اا... راهو ... راسها يوجع متقدرش جي
مراد : تشرب كاشي تاع راس و فرات نور روحي عيطي لختك
ايار : مكلاه ... راني مليحة نقدرو نروحو
.......
دخلت ايار و عائلتها للقصر سلمت على فريدة و تعرفت على لي تما منبعد راحت للكوزينة لقات مونيا راحت عنقتها
ايار : مونيااا
مونيا : ايار ... هاذي غيبة توحشتك
ايار : يتوحشك الخير واش راكي
مونيا : لاباس ونتي
ايار : حمدالله ... حقا هاكي هاذا
مونيا ( رفدت ساشي ) : واشنو هذا
ايار : كي رحت فواياج مع هيثم تفكرتك شوفي هاذوما اذا يعجبوك
مونيا : يعطيك صحة حشمتيني
ايار : بووه
اسر : موني.....
اسر دخل يحوس على مونيا بصح كي شاف ايار سكت
اسر : مونيا نسحقك ترتبيلي البيرو بارسكو عندي خدمة فيه فليل نسحقو مرتب
خرجت مونيا من الكوزينة للبيرو باش تسقمو
اسر : واش سافا ايار
ايار : حمدلله ونتا
اسر : سافا حمدالله
خرج اسر للصالون و ايار لحقتو حطو تعشاو كامل كانو يقسرو و يحكيو غير ايار لي كانت ساكتة
فريدة : ايار بنتي وشبيك ساكتة
ايار : امم ... والو
ليلى : خلي طفلة بلاك حشمانة
فريدة : من واش تحشم رانا موالفين بعضنا زيد عندنا شحال متلاقيناش واش رايك تباتي الويكاند هذا هنا
ايار : لالا ... يعني ...
روميسة : يا ايار اذا حبيتي تريحي ريحي و زيد ماشي دايمن تقولي توحشت مونيا
فريدة : ايه صح ريحي منها تبدلي و منها تجوزي يمات مع البنات
ايار : اممم
كملو العشا راحو عائلة ايار لدارهم و فالقصر كل واحد شد شمبرته ايار و مونيا قعدو يقسرو حكاية جيب حكاية
فالليل كامل كامل فالقصر كانو راقدين غير اسر يخدم فواحد الورق منبعد هبط يجيب قهوة باش يقدر يكمل خدمته المهم ايار تفاطنت عطشانة هبطت جيب الماء الضوء كانت طافية حتى حلت فريجيدار باش شافت اسر قدامها
ايار : اااا ... جيت ندي الماء
اسر : وانا سقسيتك
ايار : قلت بلاك
كمل اسر يدير فالقهوة
اسر : واش راكي دايرة فيها
ايار : والو
اسر : مزال مقبلتي بعروض زواج
ايار : .....
اسر : قصدي راح تخلي اسامة بين نارين مسكين
ايار : واش دخلك
اسر : سقسيت باش نوجدو روحنا للعرس
ايار : كي نفيكسيو لادات نقولولك و العرس متخممش راح تكون اول المعروضين متقلقش روحك برك
اسر : طوال لسانك و وليتي تعرفي تهدري
ايار : وعلاش غير نتا لي تعرف تهدر ... بصح لوكان غير تفعل بارسكو الهدرة فالفراغ ... مدرنا والو
اسر ( شدها من يدها ) : اسمعي ايار لي فيا يكفيني متزيديش تكملي عليا
ايار : ههه وعلاش واش بيك .... باسكو فتخت الخطبة تاعك ... ولا نقولك باسكو فالوقت لي كنت تستنى فيه وليدك ههه بنت لبارح جات تقعدت بيك و خلاتك تعيش كذبة ...
هنا اسر عينيه رجعو حمورا زاد زيرلها على يدها
اسر : بلعي **** نقولك انا واش بيا ... بيا نتي محبيتيش تخرجي من راسي كل دقيقة جوز نتوحشك فيها و نندم لي خليتك تبعدي فهمتي دوكا
اسر عنق ايار و زير عليها و هي مكانتش من المعارضين عنقاتو و قوات فالبكية
يتبع ....
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
