شاف يدها لقا لاتراص حمرا
اسر : شكون دارلك هكذا
ايار : ااا
اسر : شكون
ايار : ضاربت مع حبيبي على هذيك نضن حاجة متخصكش
اسر : و شكون قالك تخصني واش تكوني نتي مثلا بالنسبة ليا سقسيت مجرد فضول ودوكا خرجي
خرجت ايار من عندو
ايار : ياخي مهبول ياخي
خلاص هاذ النهار عادي ؛ كانت ايار و مونيا قاعدين في الشمبرة
ايار : راكي سور بلي راح توافقي
مونيا : ايه هاذ الخطرة نسمع لعقلي كنت جايحة ودرت امل في ليث شفتي كيفاش دارني ضحكة قدام كامل الناس وين تعرفي بلاك راهي كاتبتلي حياة جديدة مع هذا رياض
ايار : زيدي صلي صلاة استخارة و شوفي
صباح جديد :
في الصالون كانت فريدة توصي في الخدامين على الدار باسكو كانت رايحة تقعد عند ختها لي مريضة يامات ؛ في الوقت لي كانت تهدر فيه دخل اسر
فريدة : اسر وليدي رد بالك على روحك متخلينيش مقلقة عليك
اسر ( سلم على راسها ) : كوني هانية متتقلقيش ونتي تاني بلاكي على روحك راني نعيط نسقسي وبلاكي يقولولي بلي مراكيش تاكلي ولا ماكيش تدي دواك
فريدة : متخافش ؛ ودوكا لازم نروح
بعد مرور ساعتين :
كانت ايار قاعدة مع جميلة في الكوزينة متكذبش لي هي تعلمت بزاف طياب حتى تشوف هذيك كاميليا داخلة دورت عينيها و تافافت ناضت عندها
ايار : مدموزال كشما تسحقي
كاميليا : كنت نحوس على اسر وين راه
ايار : راهو مشغول
كاميليا : مقتلكش واش راهو يدير قلت وين راه ديجا ديلي كابتي لفوق
ايار : ههه باردون راكي تشوفي فيا خدامة عندك نرفدلك حوايجك
راحت كاميليا عند ايار شدتها من شعرها
كاميليا : متنسايش بلاصتك هنا خدامة خدامة بلاكي تزيدي تهدري هكذا مع سيادك
نحاتلها ايار يدها
ايار ( عيطت عليها ) : بلاكي تزيدي تمسيني فهمتيي
اسر : اياار
على هاذ العيطة دارو البنات
اسر : كيفاش تقللي احترام معاها
راحت كاميليا عندو عنقتو وتتمسكن
كاميليا : اسر انا سمعت بلي خالتو فريدة مكانشها قلت نجي نقعد معاك منخليكش وحدك وكي جيت نحوس عليك شفت خدامتك كيفاش عيطت عليا
اسر : خلاص كاميليا اسكتي ؛ ايار اطلبي سماح منها
ايار : مغلطتش باش نطلب سماح
اسر : هدرتي منعاودهاش
ايار : وانا قلت منطلبش سماح منها
راح اسر عندها شدلها وجها بيدها
اسر : هاذي اخر مرة نعاود فيها هدرتي كي نقولك ديري عفسة ديريها وهاذي اخر مرة تتعاملي مع ضيوفي هكذا احترمي بلاصتك هنا
رماها قدام كاميليا
اسر : اطلبي سماح منها
ايار : سم...سمحيلي
اسر : ودوكا طلعيلها حوايجها لشمبرة تاع الضياف ونقيهالها
طلع اسر ولحقته كاميليا و ايار بدات تبكي راحت رفدت كابتها وطلعتها نقات شمبرة دخلت كاميليا عليها
ايار : راني كملت
كاميليا : هاذي تقولي عليها نقية
ايار : باردون ؟؟؟
كاميليا : عاودي نقيها راهي مسخة
ايار : هذاوين نقيتها
كاميليا : اذا حبيتي نقول لاسر مكانش مشكل
عاودت ايار مسكينة نقاتها وكاميليا رجل على رجل فوق البونك
كاميليا : زيدي مسحي مليح ..... شوفي لهيك مغبرة عاوديلها
منبعد رفدت كاس تاع ماء ودفقتو قدام رجلها
كاميليا : اوبس طاح نشفي الحالة هنا
هبطت ايار للكوزينة
ايار : هذا واش خص جي هاذ المصفارة
جميلة : واش صرا ايار
ايار : قولي واش مصراش هاذي كاميليا حانقتلها ..... ها تهدر على القط تلقاه ينط
كاميليا : بون نسحقكم ديرو الحوت للعشا ....( بدات تقولهم واش يديرو واش لالا )
جميلة : كيما تحبي مدموزال
خرجت كاميليا
ايار : تقول دارها
في النهار لي موراه
ايار راحت للقصر بالخف باش تكمل شغلها وتروح لدار مونيا ليوم خطبتها
طلعت لشمبرة اسر تسقمها كيما العادة
لقات حوايج مراة مرميين في الارض حتى تشوف كاميليا خارجة من صالدوبان تاع شمبرة خزرت فيها مليح و خرجت ايار فهمت بلي صرات حاجة بين اسر و كاميليا حست بوجيعة في قلبها حست روحها غارت بصح كذبت قاع هاذ الاحاسيس كملت فرزت شمبرة وخرجت
تعريف الشخصيات الجديدة : ______________
احمد : اب ايار راح و خلاهم كي كانت صغيرة راح تعرفو الاسباب و الحقيقة لي كان يهدر عليها قريبا جدا جدا ههه
رياض : هو الشخص لي راح يخطب مونيا شخص متواضع و عاقل قيسو قيس روحو
_______________________________________
هذا هو البارت نتمنى يكون عجبكم متنساوش الجام و التعليقات ثم التعليقات نحب نشوف تعليقاتكم و ارائكم فالاحداث قولولي اذا حابين مونيا مع ليث ولا رياض
الى الملتقى انشاءالله
💜💜💜💜
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
