مونيا : علبالك ببات اسر راهو فسبيطار
ايار : صح واشبيه
مونيا : معلباليش وقيلا اكسيدون
ايار : اما سبيطار راهو
مونيا : فاتن راحت مع مدام فريدة راهم ف ¤¤¤¤
واحد ربع ساعة كانت ايار فسبيطار سقسات عليه وين راه و طلعت لقاتهم قاعدين يستناو شافت اسر قاعد كان يبان حزين على الرغم لي دايمن تشوف القوة تاعو و بلي هو ماشي مهتم بباه بزاف بصح يقعد الراجل لي داخل بباه راحت ايار قعدت قدامو
ايار : بشفاء عليه مايكون غير الخير
دارلها اسر براسو ايه و هي شدتلو يدو
ايار : اسر بباك راح يكون بخير و راح يتعافى باذن الله
تبسملها اسر حتى تسمع صوت كاميليا موراها
كاميليا : اسر حبي
تلاحت كاميليا تعنق فيه
كاميليا : هذاوين سمعت بلي عمي سليم دخلوه سبيطار ؛ هذا كامل مشاكل تاع زيد و زيد عمو سليم رخفلو بزاف هاي خلاصت عليه مال مزعاف تاعو
ايار : جابلي ربي ماشي وقتها تهدري على المشاكل فالوقت لي راجل لداخل حالته مايعلم بيها غير ربي
كاميليا : اسمعي هاذي اخر مرة تهدري معايا هكذا و توريلي واش ندير
اسر : كاميليا بلعي ايار عندها الحق هاذي ماشي هدرة تنهدر في هاذ الوقت
كاميليا : ياك متحبوش الحق قول لخدامتك متدخلش فعفايس خاطيينها
حطت كاميليا راسها على صدر اسر وهو قلب عينيه
فريدة مع فاتن :
فريدة : شوف المصفارة هاذي كيفاش لاسقة فيه
فاتن : مدام اسر كبير و يعرف صلاحو بلاكي يزعف كي يسمعك
فريدة : لوكان جا يعرف صلاحو لوكان تزوج ببنت اصل وناس ماشي يدور مع كاليتي كيما هاذي
خرج طبيب و قالهم بلي جاوز مرحلة الخطر ولازم يرتاح دوك ( خاطيني طب )
هكذا شوية لحق مراد
مراد : بشفاء عليه اسر هذاوين سمعت من هيثم
اسر : يسلمك
مراد : انا نروح دوكا و نولي كي ينوض سليم انشاءالله
اسر : انشاءالله
كاميليا : عمو مراد سافا
مراد : متقوليليش نتي بنت مصطفى .... ههه كبرتي عندي مدة طويلة مشفتكش لاباس
كاميليا : حمدالله
في هاذ الوقت جا هيثم يسقسي على سليم هو يخدم في هاذ سبيطار و كي كمل خدمتو جاز يشوف الحالة تاع سليم ؛ كان يسيي يهدر مع ايار بصح هي محبتش تكثر معاه الهدرة و راحت
كاميليا شافت مراد كيفاش يخزر في هيثم و ايار
كاميليا : متقدرش تامن بلي بنات تاع دوكا ولاو هكذا حاشا البعض
مراد : عندك الحق رانا نشوفو دايمن هاذ النوع مالبنات
كاميليا : هاذي ايار ظل لاسقة في اسر هو صح مايحبش يحشمها بارسكو فقيرة مي حنا نحبو بعضنا ومرانيش حابة تخسر علاقتنا و دوكا راهي تلعب بعقل هيثم مضنيتش هكذا
مراد : سلميلي على مصطفى و كاش نهار راني نجوز نشوفكم
كاميليا : يوصل
خرج مراد مزعف من هدرة كاميليا مراد يحب بزاف ولادو و ميقبلش اي واحد يتمسخر بيهم
______________________________________
عند ايار لي كانت تمشي برا تستنى كاش تاكسي باش تروح حبست طونوبيل كحلة قدامها قعدت تشوف فيها فيمي حتى تفتح الكارو و كان مراد
مراد : ارواحي حاب نهدر معاك
ايار ترددت فالاول منبعد مشات عندو كانت راح تفتح الباب في بالها تهدر معاه داخل طونوبيل ماشي برا قدام الناس
مراد : منسحقش يديك الموسخين يمسولي طونوبيلتي ؛ وحدة كيما نتي مفهمتش بيمن تفهم هدرتلك شحال من خطرة و روميسة كيفكيف بعدي على وليدي بصح نتي متفهميش من اسر لهيثم
ايار : ااسر ...
مراد : متتمسكنيش ماليوم اذا زدت صبتك دوري بوليدي نتي وحدك راح تتحملي العواقب
راح وخلاها هكذاك كانت راح تبكي بصح والفت والفت الذل و الاهانة لي تتعرضلها
في اليوم التالي :
ناضت ايار راسها يوجع لبست لي لقاتو قدامها وخرجت للبلاصة لي قاتلها عليها نجمة اليوم راح تعرف شكون هي عايلتها
هذا هو البارت نتمنى عجبكم خليولي ارائكم
زعما واش راح تكون ردة فعل ايار كي تعرف والديها شكون و نحب كل وحدة قرات البارت تقولي اذا نخلي احمد يقول لايار شكون اهلها الحقانيين ولا ميحبش اذا لقيت تفاعل نكتب بارت فالليل انشاءالله
الى الملتقى 💚
أنت تقرأ
الخادمة و الزعيم _ باللهجة الجزائرية _
Romanceالقصة تحكي على ايار هذيك طفلة البسيطة لي حياتها هادئة محصورة بين دار و قراية باش تتقلب بسبب اسر لي راح تكون خادمة في القصر تاعو فهل ستستطيع ان تسلب قلبه و تمحي كبريائه مع العديد من الاسرار لي راح نكتاشفوها ملاحظة : احداث القصة غير واقعية
