الخادمة و الزعيم _ باللهجة الجزائرية _

بارت 30 و 31

سلام البنات هذو 2 بارت نتمنى نلقى تفاعل بارسكو اولا عييت وانا نكتب فيه و زيد البارت تاع البارح مفيهش كامل تفاعل المهم متنساوش تعليقاتكم وارائكم الى الملتقى انشاءالله 💚

اسر : وين
ايار : نوصلك للباب
اسر : ريحي نعرف طريق

.....

ايار رمات روحها فوق البونك الفرحة ماشي سايعتها رجعت تتفكر واش صرا مقبيل بدات تتبسم وحدها

في اليوم التالي :

ناضت ايار اليوم فرحانة راحت غسلت وجهها و بدلت حوايجها هبطت لتحت لقاتهم يسقهواو

ايار : صباح الخير 😄
هيثم : صباح النور راني نشوف فيك مليحة ليوم واش صرا
روميسة : خلي الطفلة تقعد ؛ ريحي بنتي تاكلي

قعدت ايار تاكل منبعد ما كملو مراد راح للشركة تاعو و هيثم وصل نور للمسيد و راح يخدم اما ايار قعدت مع روميسة فالصالون منبعد شوية دخلت مونيا ايار طارت تعنق فيها و تبوس منبعد ماكملو تسلام قعدو

روميسة : واش تحبي تشربي مونيا بنتي
مونيا : مايشقاش خالتي اصلا دوك نروح
روميسة : بووه ريحي ؛ انا نروح نقولهم يجيبلكم حاجة تشربوها و نخليكم تهدرو بعقلكم

مونيا : ايه احكيلي واش سر هاذ الفرحة
ايار : هههه ( بدات تحكيلها ........ ) ....
مونيا : عيشي و تشوفي شكون قال اسر يولي هكذا ... انشاءالله ربي يجمعكم في الحلال
ايار : يجمعنا و الحلال ساهل ههه
مونيا : ههه ياخي مريضة
ايار : بصح ... خايفة من واش راح يصرا غدوة يعني لوكان يرجع هو و كاميليا
مونيا : تفائلي شوية
ايار : افف ... ايه ونتي كيفاش راكي مع رياض
مونيا : معلباليش ... حاسة روحي نظلم فيه معايا مقدرتش ... مقدرتش نحبو معتبرتو مجرد صديق مجرد التخمام اني راح نكمل معاه حياتي وانو قريب عرسنا تقتلني
ايار : قلبك مزالو مع ليث
مونيا : ...

دخلت الخدامة حطتلهم الجو

ايار : راح تظلمي ثلاثة عباد معاك اولهم نتي مديريش هكذا صح انا مع الاول كنت نحاول نبعدك على ليث باسكو مكانش سيريو معاك بصح دوك راهو حاب ترجعيلو وانا و نتي علبالنا بلي نتي تاني حابة ترجعيلو مديلو فرصة
مونيا : موالف دايمن يجي يشوفني و يحللني بصح عندو سمانة مبان خبر عليه
ايار : والفتي الدلال و التحلال

دخلت روميسة

مونيا : انا نروح ايار هذاك هو
روميسة : اقعدي فطري معانا
ايار : صح اقعدي
مونيا : يعطيكم صحة بصح لازم نروح نشري شوية عفايس خاصيني كنت راح نقولك ايار جي معايا نروحو نشريو حوايج مي كي عدتي مريضة مكلاه
ايار : يا راني مليحة نج....( كانت راح تكمل منبعد تفكرت معندها لا دراهم لا والو )
روميسة : صح ايار روحي منها تنحي على خاطرك
ايار : لالا تفكرت لازم نقعد عندي قراية لازم نكملها مع راني نابسونتي مكلاه مونيا المرة الجاية
مونيا : معليش